Apu. 2:12 - Yus Papí: Shuarja̱i̱ Yus Yamaram Chicham Najanamu

¹² Nuyá̱ turutmiai “Pírkamunmaya̱ Yus shuara uuntri̱ ju̱ áatrata. Puyá̱ áinis tsakatskat mái̱ ere awajsámun takakna nu tawai

Apu. 2:12 Iomraidhean Croise

Isa. 11:4

Antsu ju̱ nuṉkanam kuítri̱ncha ainia nuna nekasa nuja̱i̱ métek súmamtikiawartatui tura wáitiainiana nunasha métekrak waitnentrartatui. Núnisaṉ aya chíchame̱ja̱i̱ṉ numiji̱a̱i̱ awateana tímiatrus nuṉkanka asutiáttawai. Tura Yusan enentáimtichu ainia nunasha aya máyai̱ji̱a̱i̱ṉ umpuí máwartatui. Apu. 1:16; 2:16; 19:15

Isa. 49:2

Túruta winia wenuruí̱ puyá̱ mái̱ erea nútikruamai tura uwejé̱ja̱i̱ ejatak núnisaṉ tséntsak atsakar tuntanam eṉkestinia nútikruamai.

Isr. 4:12

Yusa Chichame̱ iwiaaku chichamaiti, imiá kakarmaiti. Puyá̱ mai̱ érea núniniaiti. Tuma asa shuara enentái̱n init wayá̱ ashí ni enentáimmian tura wakeramuri̱n ti paant awajtawai.

Apu. 1:11

Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 1:16

Ni untsuurí̱ni̱ siati yaan takakuyi. Tura ni wene̱nia̱sha puyá̱ áinis tsakatskat mái̱ ere awajsamu jiinmiai. Ni yapi̱sha etsa̱ ti etsantuk íischamnia núnisauyi.Isa. 11:4; 49:2; Apu. 2:12,16; 19:15

Apu. 19:15

Nu suntara Uuntri̱ wene̱ya̱ ashí nuṉkanmaya̱ yajauch aentsun mátin, puyá̱ mái̱ ere tsakatskatin jiinmiai.Isa. 11:4; Apu. 1:16; 2:16 Tura jiruja̱i̱ asutiátniua áintsaṉ ti kakaram akupkáttawai. Túrak Ashí Tujintkiachu Yusa kajetáiri̱ ti kakarma nuja̱i̱ aentsun asutiáttawai. Uwa nekeṉkar ijiuratniua áitkiasaṉ wáitkiasartatui.

Apu. 19:21

Chíkichkia kawainium eketkanumia̱ puyá̱ tsakatskatin wene̱ya̱ jiinmia nuja̱i̱ mantamnawarmai. Túramtai nanamtin ni aya̱shi̱n yuáwar ejemakarmai.

Apu. 2:1

Nuyá̱ turutmiai “Ipisiunmaya̱ Yus shuara uuntri̱ ju̱ áatrata. Siati yaan untsuurnum takakna nu tura núnisaṉ siati shirikip ikiutai̱ kúrinmaṉ ajapén étenta wekáa nu, tawai

Apu. 2:16

Wats, enentáimpram iniaisata. Túrachakminkia Wi wari wini̱n winia wenuruí̱ya̱ puyá̱ jiinia nuja̱i̱ mániktajai.Isa. 11:4; Apu. 1:16; 19:15

Suma. 3:16

Ejut chíkich Israer shuar armia nuja̱i̱ Muápnumia̱ akupniun Ikrunan kuítian ashí uwitin akiktiniuyania nuna susattsa werimiayi. Tura kuítian susa ikiuiniak nuya̱ṉka waketkiarmiayi. Túrasha ántar yus nakumkar najankamu Jirkarnum írunna nuní̱ naṉkaamainiak Muápnumia̱ akupniuja̱i̱ Ikrunja̱i̱ chichastaj tusa Ejutka ataksha waketkimiayi. Tura akupniun jearí chicharuk “Chícham áya amek nekaatniun takurkajme” tímiayi. Tutai akupin Ikrun ni takarniúri̱ nui̱ pujuinian chicharainiak “Jíintratarum” tímiayi. Ejutka puya̱ṉ mai̱ atsakamun esantí̱ṉkia mítruka jeachun najanamun pushiri̱i̱n u̱u̱k takakuyayi. Nuya̱ṉka akupin niji̱a̱i̱ chichastaj tusa weantkamtai puya̱ri̱n jusa Ejutka akupniun tantannum kakantar ijiumiayi. Túram akupniúka tí nueran asamtai puya̱ka ashí meṉkakamiayi. Nuna tura ikiuak Ejutka wáitin péṉker epeni ikiuak nuya̱ṉka jiinkimiayi. Túrasha takarniúri̱ṉkia ni atsumamuri̱n túrak ijiatmatai̱niam pujatsuash tusa akupniúnka pachischarmiayi. Nuya̱ṉka ti meṉkakamtai urukayik tusar wáitin urakmá akupin jaka inian tepan wáinkiarmiayi.