Apu. 2:10 - Yus Papí: Shuarja̱i̱ Yus Yamaram Chicham Najanamu

¹⁰ Tí waitsattamna nu ashamkaip. Íwianch ashí nekapramsataj tusa atumíinia̱n sepunam eṉkeattawai. Nui̱ tias tsawant wáitsattarme. Jáakmesha tuke Yus shiir enentáimtusakminkia tawaspan nakurin súsatniua nútiksanak nekas iwiaakman tuke shiir pujustinian amastatjai.

Apu. 2:10 Iomraidhean Croise

YKan. 31:23

Átum ashí Yusna árumna nútirmeka Jiuwá aneatarum. Núnisaṉ tímiatrus umin ainia núnaka Jiuwá wáiniawai. Tura waantu enentáimtuma ainia núnaka ni túramuri̱ji̱a̱i̱ métek asutiáttawai.

Ukan. 3:57

Wi untsukmajmena nu tsawantini̱ṉ tarutim chichartakum «Sapijmiakaip» turutmiame.

Tan. 1:12

“Waitneasam ámin takarin ájinia nuka áyatik yurumak namaṉja̱i̱nchu tura entsaja̱i̱ tias tsawant sukartusam nekapkartusta.

Tan. 1:14

Tura Taniar seamia nuna tímiatrusaṉ anturak tias tsawant nekapsarmiayi.

Awa. 2:3

Tura ame ímiaja̱i̱k wainkiamna nu wárik uminchakuisha nákasta. Umintsukka áchattawai antsu wárik uminkiatniuiti.

Mat. 10:22

Tura Winia ajasu asakrumin mash muí̱jramkartatui. Tura tuke katsuntea nu uwemprattawai.

Mat. 10:28

Aya aya̱shniak main ainia nu ashamkairap. Wakanin máchmin áiniawai. Antsu wakanmincha aya̱shmíncha mái̱mtek jinium emesramnia asamtai Yus nekas ashamkatarum.

Mat. 24:13

Tura shuar ashí nuna katsuntea nu uwemprattawai.

Mar. 13:13

Nuiṉkia Wí shuar asakrumin ashí nakitrámprartatui. Tura shuar yawe̱tsuk katsuntraṉka uwemprattawai” tímiayi.

Mar. 8:35

Kame shuar ju̱ nuṉkanam aya niṉki anenmamkuṉka nu shuar ni iwiaakmari̱n emeṉkáktatui. Antsu Winia anentu asa tura winia chichamprun anea asa shuar aya péṉker pujustinniak enentáimtsuna nu nekas iwiaakman wainkiattawai.

Ruk. 21:12

Tura ju̱ túruntsa̱i̱ṉ atumín pataaturmakar achirmákartatui. Iruntai̱ je̱a̱nmasha makurmartai tusar juramkiartatui. Sepunmasha eṉketmattarme. Tura winia naar pachia asakrumin akupniúnmasha, úuntnumsha juramkiartatui.

Juaṉ 12:25

Núnisaṉ shuarsha jiṉkiaiya nuke aya ju̱ nuṉkanam péṉker pujustinian enentáimkiuṉka ni iwiaakmari̱n emeṉkáktatui. Antsu ju̱ nuṉkanam niní̱ wakeramun muí̱jiak tuke iwiaaku pujustinian wainkiattawai.

Juaṉ 13:2

Nu tsawantai̱sha murikiun yúatin ármiayi. Tura yurumátin jeatsa̱i̱ṉ iwianchi uuntri̱ Semuṉka uchirí̱ Jútas Iskariúti enentái̱n Jesusan surukat tu enentáimtikramiayi.

Juaṉ 13:27

Tura wárik Jútas páṉkan achikmatai iwianchi uuntri̱ Satanás ni enentái̱n waya̱miayi. Nuyá̱ Jesus chicharuk “Túrattamna nu wárik túrata” tímiayi.

Tur. 20:24

Kame wikia jákashtajash. Túrasha warí winia itiurtawa. Wikia Yusa jinti̱i̱n warasan wekasataj tusan wakerajai. Yusai̱ wea wéakuan jáakun iniaisataj tajai. Tura nuyá̱ takatan Uunt Jesus surusmia nuna péṉker amuktaj tusan wakerajai. Jesus chichartak ‘Yus waitnenkartana nú chicham etserkata’ turutchamka.

Tur. 21:13

Tutai Papru chichaak “¿Urukamtai útkuram winia enentái̱rui̱ kúntuts awajtarum? Wi Jesusna asan Jerusaréṉnum jiṉkiatrarmataisha jákatniun ashamatsjai” tímiayi.

1 Kur. 9:25

Shuar nakurak nekapnaisatin ainia nuka nupetmaktaj tákuṉka ashí itit awajea nuna ikiuiniawai. Iisha núnisrik nu enentáiji̱a̱i̱ Yusna nu takastiniaitji. Nakuruinia nu shuar awakmakun tawasap súsatniua nuna achikiársha nú tawaspan wárik kajinmátkimniaiti. Antsu Yus iin amastatjinia nú tawaspaka peṉké amuukashtatui.

Ipi. 2:2

Nu tunaanum jú̱ nuṉkanam pujuinia nuja̱i̱ métek tuke wekainiuyarme. Túrarum iwianchi akupniuri̱ wakeramuri̱ umirniuyarme. Iwianchi uuntri̱ Yusan umirainiatsna nuna ashí akaténawai. Kame ju̱ nuṉkanam yajauch wakan ni akupeamuri̱ji̱a̱i̱ wekainia nuja̱i̱ métek atumsha wekainiuyarme.

Ipi. 6:12

Kame Yusna takáa asar peṉké aentsja̱i̱ mániatsji antsu yajauch wakan kakaram írunna nuja̱i̱ mániaji. Nisha ju̱ nuṉkanam kiritniunma áintsaṉ tunaanum wekainia nuna akupin áiniawai.

San. 1:12

Shíiraiti shuar ni itiurchatri̱i̱n nekas katsunteana nuka. Nekapsam jíinkiuṉka akinkiatniun wainkiattawai. Iwiaaku átinian, tawasap achiktinia núnisaṉ wainkiattawai Yus ni aneam tsaṉkatka nuna.

1 Pit. 5:4

Nuiṉkia murikiu wainniu Uuntri̱ taa wantiniak iwiarmamtai tawasap tí shiirmachia núninian suramsattawai. Aents súana nu shíirmach wari mamurtiniaiti. Tura úuntrum ámin suramsattana nuka peṉké mamurchattawai.

1 Pit. 5:8

Aneartarum tura íimiastarum. Íwianch atumí nemasri̱ ana nu, úunt ya̱wa̱a nuke yanak emesraintiaj tusa e̱a̱k tentá wekaawai.

Apu. 13:14

Tura Entsaya̱ Yajasma súam aents túrachminian tí turak ashí nuṉkanmaya̱ aentsun anaṉkawarmai. Túrak Entsaya̱ Yajasma nakumkamuri̱n najanawarat tusa akupkámai. Túramtai puya̱ja̱i̱ peṉké jakamnia awatmia péṉker ajasma nuna nakumkamuri̱n najanawarmai.

Apu. 13:2

Nui̱ wainkiamaj nu Yajasma nekas úunt ya̱wa̱a ániuitiat nawe̱nka chai̱ nawe̱a ániuyi. Wene̱sha nekas kajen ya̱wá̱a ániuyi. Tura Ti Kajen Yajasma Entsaya̱ Yajasman ni kakarmari̱ncha tura ni akupkatniuri̱ncha susamai nuja̱i̱ ti kakaram akupkati tusa.

Apu. 13:7

Tura Yusna ainia nuja̱i̱ mesetan najana nupetkatniun tsaṉkatnakmai. Tura ashí nuṉkanmaya̱ aents akupkatniun tsaṉkatnakmai.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 2:13

‘Ashí ame túram nuna nékajai. Iwianchi uuntri̱ Satanás akupea nui̱ pujayatmek tuke shiir enentáimturmena nuna nékajai. Winia shiir umirtínian Ántipasan máwarmataisha Winia enentáimtursatin ishichkisha iniaitiuschamame. Nusha íwianch pujutai̱nium pujakrumin túrunamai.

Apu. 2:9

‘Ashí ame túram nuna nékajai. Ti wáitiam nunasha tura kuítrinchaitmena nunasha nékajai. Antsu Yusai̱ṉkia ti kuítrinniuitme. Tura shuar iwianchi uuntri̱ Satanása shuari̱ áiniayat “Israer shuaraitjiai” tuíniak yajauch áujmatramena nuna nékajai.