Apu. 19:12 - Yus Papí: Shuarja̱i̱ Yus Yamaram Chicham Najanamu

^12-13 Ni ji̱sha jiji̱a̱i̱ métek keearmai. Muuknumsha akuptai̱ tawaspan untsurí etseṉkrakuyi. Nui̱ ni naari̱ Yus Chicham áarmauyi. Túrasha tana nuna Niṉki takamtsuk nekaamai. Numpaja̱i̱ eṉkerman entsaruyi.

Apu. 19:12 Iomraidhean Croise

Naṉ. 32:29

Tura Jakupsha aya̱k “¿Náarmesha yait?” tutai “¿Urukamtai Winia naarsha nekaatniusha wakeram?” tímiayi. Nuya̱ṉka Jakupan péṉker pujutnum yumiṉkramiayi.

YKan. 8:5

Kame aentstinkia nayaimpinmaya̱ suntarja̱i̱ṉkia imianchach najankaruitme. Túrayatmek winchari̱ tura arantútairi̱ susamam nuja̱i̱ páantin awajsaitme.

Jiin. 23:21

Esettsa enentáimsarum ni chichame̱sha nakittsuk anturkatarum. Antsu niṉkia Winia naarja̱i̱ akupeamu asa atumí yajauch túramurminkia tsaṉkurashtatui.

Neka. 30:4

¿Ya nayaimpiniam waka ataksha táarait? ¿Ya ni uwejé̱ja̱i̱ nasen emetait? ¿Ya tarachji̱a̱i̱ entsan áreṉkuit? ¿Ashí nuṉkanam írunna nunasha ya najankait? ¿Ni náari̱sha tura uchirí̱ náari̱sha yait? ¿Nu nékamek?

Anen. 3:11

Seúnnumia̱ nuwa̱ natsachi jíinkikiua túrarum úunt akupin Saramúṉ iiskua. Ni nuatnaiyamu tsawantin nukurí̱ etseṉkrumtikiamia nuna etseṉkrukai. Nusha ni enentáin waramtikiuk nu tsawantin túramiayi.”

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Tan. 10:6

Núnisaṉ ni aya̱shí̱nkia krisuritiu kaya ániuyi. Tura yapiṉkia peemja̱i̱ métekeyi. Ni ji̱sha shirikip keana ímianuyi. Tura kunturi̱sha, nawe̱sha, yaṉkú jiru jiamu wincha ajasua núnisauyi. Ni chichame̱ṉka untsurí shuar irunar tétete ajainiana tímianuyi.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Mat. 21:5

“Seuna Nawantri̱ ju̱ etserkatarum ‘Iistarum, atumí Úunt Akupniuri̱ péejchach asa umpuruchiniam ekemak tura kijin aentstai̱ umpuru uchirí̱n eketka winitrámprume’ titiarum.” Isa. 62:11; Sak. 9:9

Mat. 28:18

Nuyá̱ Jesus tíjiu̱ch tantá chichaak “Ashí nayaimpinmasha nuṉkasha akupkatniun kakarman surusuiti.

Ruk. 10:22

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nú shuarsha winia Aparun nékainiawai” tímiayi Jesus.

Juaṉ 17:11

Yamaikia Wikia jú̱ nuṉkanam pujuschattajai tura nu shuarka ju̱i̱ pujuartatui. Tuma asamtai Ámiji̱a̱i̱ pujustajtsan winiakui ashí surusármam nuka, Tunaarincha Aparu, ame kakaram náarmiji̱a̱i̱ wáinkiarta. Wisha Ámiji̱a̱i̱ chikichik ájinia núnisaṉ nisha ashí iruntrar chikichik ajasárti.

Juaṉ 17:12

Ju̱i̱ niji̱a̱i̱ pujakun ame kakaram náarmiji̱a̱i̱ ti péṉker wáinkiarmajai. Antsu Yus Chichamnum aarma uminkiati tusa aya chikichik meṉkakaiti. Nisha tuke emesnartinia núiti.

Ipi. 1:21

Tura ashí ju̱ nuṉkanam akupin ainia núja̱i̱sha tura ukunam nuṉka átatna nui̱ akupin áminia núja̱i̱sha tura ashí akupin ainia núja̱i̱sha tura ashí naari̱ nékamu ainia núja̱i̱sha Yus Krístun ashí naṉkaamas akupin awajsámiayi.

Isr. 2:9

Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.

Apu. 1:14

Tura ni muuke̱ intiashí̱sha murikiu uré̱ nijiamua núnisaṉ tura micha núnisaṉ ti puju chí̱a̱rauyi. Tura ni ji̱sha jiya núniskeyi.

Apu. 12:3

Tumai̱ ataksha ti enentáimpramnia nayaimpiniam wantinkiamai. Ti Kajen Yajasma kapa̱a̱ku wantinkiamai. Muuke̱sha siati asa siati akuptai̱ tawaspan etseṉkraku armai. Tura kachurí̱sha tiásauyi.

Apu. 13:1

Nuyá̱ nayantsa kaanmatkari̱i̱n wajasan nayantsanmaya̱ Yajasman jíiniun wainkiamjai. Muuke̱sha siátitiat kachuri̱ tias tura akuptai̱ tawaspasha tias armai. Ashí muuke̱n Yusan yajauch chicharin tu áarmauyi.

Apu. 19:16

Ni pushiri̱ncha makui̱ncha ni naari̱ áarmauyi, ASHÍ AKUPNIUN AKUPIN tura ASHÍ UUNTA UUNTRI̱.

Apu. 3:12

Nupetmakunka winia Yusru je̱e̱ pauri̱n awajsattajai. Tura nuyá̱ peṉké jíinkichartatui. Tura nin winia Yusru náari̱n áatrattajai. Tura winia Yusru pépruri̱ náari̱ncha áatrattajai. Nu pépruka nayaimpinmaya̱ yamaram Jerusaréṉka Yusai̱ya̱ tara núiti. Núnisaṉ winia yamaram náarun nin áatrattajai.

Apu. 6:2

Takui̱ kawái pújun wainkiamjai. Nui̱ ekemia nu tíshimkiun takakuyi. Awakmakmatai sútai̱sha susamuyi. Tura tuke nupetmaktinian jiinkimiai.Tan. 9:26; Sak. 1:8; 6:3

Suma. 13:18

Tutai Uunt Yusa suntari̱ aya̱k “¿Urukamtai winia naarsha nekaattsam wakeram? Winia naarka nekaachminiaiti” tímiayi.