Apu. 18:3 - Yus Papí: Shuarja̱i̱ Yus Yamaram Chicham Najanamu

³ Nu péprunmaya̱ aents tuke tsanirmaua núnisaṉ ashí nuṉkanmaya̱ shuaran anampratniua núnisaṉ ni ti yajauch túramuja̱i̱ utsurmai. Núnisaṉ ashí jú̱ nuṉkanmaya̱ akupin Yusan iniaisar niji̱a̱i̱ tsanirmawarua áinis áiniawai. Tura súrin ainia nusha ni yajauch wararmaja̱i̱ ti kuítrintin ajasáruiti” timiai.

Apu. 18:3 Iomraidhean Croise

Isa. 47:15

Ame ti yaiṉkiaruitmena nuka áminkia núnis túrutmawartatui. Natsa ámini̱ṉᵏ ámiji̱a̱i̱ takakmasarua nuka aṉkant aṉkant wéartatui. Túrunawarmatai ámin uwemtikrampratniuka atsuttawai.

Jrm. 51:34

Tura Papirúnianmaya̱ aentsu akupniúri̱ Napukutunusúr achia̱r yua núnis amutkamai tura piniṉnum peṉké eṉkerchamua áitkiaramai. Núnisaṉ entsaya̱ yajasma kú̱jana áitkiasaṉ ni wakeramun yuruá ajapruamai.”

Jrm. 51:7

Núnisaṉ Papirúniaka ashí nuṉkanmaya̱ aentsun ánampeak kuri piniṉkrua ánis winia uwejrui̱ pujumai. Kame ashí nuṉkanmaya̱ aentsun nú wíniun árar wáurmamtikiarmai.

Ruk. 7:25

Kame ¿warí werimiarum. Shuar péṉker iwiarmampra iistai tusarmek wémarum? Warí, péṉker iwiarmampraka úunt akupniu je̱e̱n pujuiniatsuk.

1 Tim. 5:11

Tura sasaintia uwí takakchaka chíkich waje̱ja̱i̱ iruraip. Ni aya̱shi̱ wakeramuri̱ Krístui̱ya̱ kanamtikiainiawai tura ataksha nuatnaikiatniun wakeruiniawai.

Apu. 14:8

Nuyá̱ chíkich suntar, jímiara nu, taa timiai “Pai, Uunt Papirúniaka peṉké meserai. Nisha tuke tsanirmatia núnisaṉ ashí aentsun aar anamkatniua núnisaṉ utsurmai. Tuma asa nisha nú aentsja̱i̱ nupetnak tuke emesnarai.”

Apu. 17:2

Ashí ju̱ nuṉkanmaya̱ akupin niji̱a̱i̱ tsanirmawaru áiniawai. Núnisaṉ ashí ju̱ nuṉkanmaya̱ aents, nu nuwa̱ tsanirmatniun tsaṉkateam, nijiamanch umartinia áintsar niji̱a̱i̱ ti yajauch túrawar nampekarmai.” Nuna taku Yusai̱ya̱ kanaktinian nakumkamai.

Apu. 18:19

Tiar tí kuntuts pujuiniak awatmamar kakantar útainiak tiarmai “Maa, tí uunt pépruitiat ti wáitnenmai ajakai. Ashí uunt kanu nérentin nayantsanam niji̱a̱i̱ takasar kuítrintin ajasármai. Tura tí warik mash emesnarai.

Apu. 18:23

Shiripkincha ekemákchartatui. Nuatma nampersha antunkashtatui. Nuikkia ni shuari̱ súrin arma nu ashí nuṉkanam naṉkamantu armai. Tura ashí nuṉkanmaya̱ aentsun waweatniua áintsaṉ niya núnis ajasarat tusa anaṉkawarmai. Túrasha núnisaṉ ti kakarmaitiat ju̱ mash túrunayi.

Apu. 18:7

Waantu enentáimtumak yajauchin wararsama nuja̱i̱ métek ti wáitkiasta yamaikia. Tunaan ti túriniaitiat ni enentái̱nkia enentáimias ‘Úunt akupniuitjiai. Wáje̱chu asan peṉké wáitsashtiniaitjiai’ Isa. 47:7-8 tu enentáimtumawai.

Apu. 18:9

Ashí nuṉkanmaya̱ akupin niji̱a̱i̱ tsanirmawaru ainia nu ashí yajauchin niji̱a̱i̱ wararsaru ásar nu pepru esaak múkuint ajakui e̱a̱rarmai.