Apu. 18:2 - Yus Papí: Shuarja̱i̱ Yus Yamaram Chicham Najanamu

² Tura ti kakantar chichaak timiai “Pai, Uunt Papirúnia peṉké meserai. Tura yamaikia íwianch matsamtaisha ashí yajauch wakaní̱ pujutái̱ri̱sha ajasái. Mui̱jmiai̱ nanamtincha tura ashí yajauch nanamtin ainia nusha nui̱ pasuṉmainiawai.

Apu. 18:2 Iomraidhean Croise

Isa. 14:23

“Tura kuru matsamtai̱ nuyá̱ entsan antumiaṉ awajsaran émeseakun japimkiuja̱i̱ japimiua nútikiawartatjai” tawai Jiuwá Nayaimpinmaya̱ Suntara Uuntri̱.

Jrm. 25:30

“Jirimíasá ame ashí ujainiakum jú̱nisam tiártatme ‘Uunt Yus yakiya̱ṉ shiniawai tura tí peṉker pujutái̱ri̱ya̱ untsumui. Tura ni je̱e̱ya̱ kajek winiawai. Ashí nuṉká matsatáinia nú aentsun uwa yumiri̱n jurustaj tusar nájainiak untsumainia núnis untsumkartatui.

Jrm. 51:37

Papirúnianka peṉké emeskan ashí yajasma matsamtai̱ awajsan aentska peṉké pujuschamnia tsuumai̱ awajsamu asamtai wishiktai̱ juáktatui.

Jrm. 51:8

Túrasha ti wárichik Papirúniaka yumpunar tsai̱ tsai̱nia ajasmai. Yamaikia ni e̱a̱rtarum tura tsuak itiartiarum ni najaimiamuri̱ tsuámarminiaitkiuṉka tsuámarainti.

Juir 3:16

Kame Uunt Yussha Seúnnum pujus úunt ya̱wa̱ núnis júrur ajattawai. Tura ni chichame̱sha Jerusaréṉnumia̱ṉ antuittiawai. Túmakui̱ nayaimpisha nuṉkasha muchitrattawai. Núnisaṉ Uunt Yuska ni shuari̱ Israer shuar ejamkar kakatainti.

Sup. 2:14

Ti untsurí waaka tura kampunniunmaya̱ ashí yajasma matsamtai̱ ajastatui. Túmakui̱ waiti wiyaṉke̱nka ampush tura kuru kániartatui tura je̱á̱ áṉkamu íimtai̱ya̱ nui̱ chichartatui. Antsu wáitinmaṉka warinkish atsá ajastatui. Warí, initiaani̱ṉkia sétruja̱i̱ iwiarkamusha a̱a̱ya̱ tanish emestukam numiri̱ paant ajasártatui.

Apu. 1:15

Ni nawe̱sha ti wincha asa jiru yaṉkutaku jiamua áinis néwar ajarmiayi. Ni chichame̱sha ti kakaram asa uunt entsa téter ajá áintsauyi.

Apu. 10:3

Tura úunt ya̱wa̱ kaka̱a̱r shiniak chicháa áinis ti kakaram untsumkamai. Nuja̱i̱ siati ipiamtasha chichasarmai.

Apu. 11:8

Tura iwiarnatsuk ni aya̱shi̱ uunt pepru jinti̱i̱n ajapén tepeartatui. Nu péprunmasha ii Uuntri̱ Jesukrístuncha máwarmiayi. Nu péprunmaya̱ shuar tuke yajauchin túrin ásarmatai Ejiptu tuíniak tura núnisaṉ Sutuma tuíniak nu péprun páchiniawai.

Apu. 14:15

Tura chíkich suntar Yusa Uunt Je̱e̱nia̱ jiinkí̱ yuraṉminiam eketun kakantar chicharuk timiai “Árak júuktin tsawant jeayi. Machitrumja̱i̱ tsupiram juuktá.”

Apu. 14:8

Nuyá̱ chíkich suntar, jímiara nu, taa timiai “Pai, Uunt Papirúniaka peṉké meserai. Nisha tuke tsanirmatia núnisaṉ ashí aentsun aar anamkatniua núnisaṉ utsurmai. Tuma asa nisha nú aentsja̱i̱ nupetnak tuke emesnarai.”

Apu. 16:13

Tura nuyá̱ ju̱na wainkiamjai. Ti Kajen Yajasma wene̱ya̱sha, Entsaya̱ Yajasma wene̱ya̱sha tura núnisaṉ peṉké Kukaria̱ Yajasma ántar yúsnan etserniua nuna wene̱ya̱sha puachia núnin yajauch wakan menaint jíiniarmai.

Apu. 16:19

Ti uunt péprusha menaint nakantramai. Ashí nuṉkanmaya̱ péprusha sa̱a̱nakiarmai. Nui̱sha Yus ti kajerak Papirúniancha kajinmáttsuk ni kajetáiri̱n yapá umutai̱ya áintsaṉ aarmai.

Apu. 17:18

Nuwa̱ wainkiam nuka ashí nuṉkanmaya̱ akupniun akupeana nu pépruiti” tímiayi.

Apu. 17:5

Nijia̱i̱niumsha ni naari̱a áintsaṉ yúpichuch nekaachminia nu jú̱nis áarmauyi, UUNT PAPIRÚNIA, ASHÍ TSANIRMAUNCHA tura ASHÍ JU̱ NUṈKANAM MUI̱JMIAINIAN TÚRINIA NUNASHA NUKURI̱NTI.

Apu. 18:10

Ti esaak wáitiakui nui̱ pachinkiar wáitsatniun ashamainiak arant wajasar tiártatui “Maa, Papirúnia ti uunt pépruitiat nekas wáitnenmai ajawai. Imiá wárik ni wáitsatniuri̱ tarini̱.”

Apu. 18:21

Nuyá̱ ti kakaram nayaimpinmaya̱ suntar ti uunt neketai̱ kayan jukí̱ nayantsanam aju̱ṉ timiai “Jú̱nisaṉ uunt pepru Papirúnia emesnar atakka wainniakchatin tuke meṉkakattawai.

Apu. 5:2

Tura nayaimpinmaya̱ suntar ti kakarma nu, ti kakantar inintran wainkiamjai. Nisha chichaak “¿Ya akupniuk ju̱ papin asakamun ja̱a̱k urakminiait?” timiai.