Apu. 16:6 - Yus Papí: Shuarja̱i̱ Yus Yamaram Chicham Najanamu

⁶ Iis, nu shuar amé shuarumincha tura ame chichammin etserniuncha máwar ni numpe̱n ukatraru ásarmatai Amesha núnismek numpa áarume. Maa, páchitsuk áitkianatin áiniawai.”

Apu. 16:6 Iomraidhean Croise

2 Akup. 24:4

Warí shuar warinkish túracharu numpe̱ uputúrar tura Jerusaréṉ péprunmasha nu numpan ipiakamtai Uunt Yuska tsaṉkuratniunka peṉké nakitrámiayi.

Jiin. 21:24

Nuyá̱ ni jí̱nkisha apujtúkmataiṉkia nisha apujtúnkatniuiti. Nái̱nki̱sha akarkámtaiṉkia nisha akarnáktiniaiti. Núnisaṉ uwejé̱n tura nawe̱nkesha tsupirkamtaiṉkia nisha tsupirnaktiniaiti.

Jiin. 7:17

Tuma asamtai Uunt Yus jú̱nis tawai “Wikia Úunt Yusaitjiai tura ju̱ja̱i̱ nekarattame. Iistá, wi wai̱n takakjana ju̱ja̱i̱ Niru entsá awatmiatai numpa ajastatui.

Isa. 49:26

Nuyá̱ ámin wáitkiarmainia núnaka ni namaṉke̱nak ayurawartatjai túran ni numpe̱ja̱i̱ṉ winiu umar nampeana núnikiartatui. Nuyá̱ ashí nuṉkanmaya̱ aents Wikia Uunt Yus ámin Uwemtikin, ame Tumashrumin Akikmakua nu tura Jakupa shuari̱ Yusri̱ kakarmaitjiana nuna nekarawartatui” tawai.

Jrm. 2:30

Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.

Jrm. 26:11

Nuyá̱ Yúsnan pujurin tura Yusna etserin armia nusha ashí uuntri̱ ántsaṉ ashí shuar nui̱ pujuarmia nuna chicharainiak “Warí ju̱ pépruka amukáttawai tu étserna nu atumsha ¿atumí kuishiji̱a̱i̱ṉ antukcharmek? Tuma asa ju̱ áishmaṉka mantamnatniuiti” tiármiayi.

Jrm. 26:16

Takui̱ ashí uuntri̱ tura ashí aents nui̱ pujuarmia nu Yúsnan takarniun tura Yúsnan etserniun chicharainiak “Ju̱ áishmaṉka peṉké mantamnachminiaiti. Warí ii Yusri̱ Uunt Yusa chichame̱nak ujatmákji” tiármiayi.

Mat. 7:2

Chíkich wárik makutin enentáimkiumni̱ṉkia Yus núnisaṉ sumamtikramattawai. Tura ame chikicha túramuri̱ nekapmarmena nú nekapkaja̱i̱ṉ amincha nekapmarmattawai.

Ruk. 12:48

Túrasha takarin nékachu asa asutniámnia túrakka ishichik awatnartatui. Núkap susamu ana núnaka núkap seawartatui. Núkap ataksamu ana núnaka núnisaṉ naṉkaamas seawartatui.

Isr. 10:29

Núnisaitkiuiṉkia shuar Yusa Uchirí̱n wishikiainiakka ni numpe̱ncha nakitiáiniakka tura waitnenkartutai̱ Wakaní̱ncha katsekainiakka nuna naṉkaamas asutniáchartatuak. Warí ni nakitiana nú numpaja̱i̱ yamaram chicham nekas umirkatin awajsámuyayi. Tura núja̱i̱sha ni tí peṉker awajnástiniuyayi.

Apu. 11:18

Ashí aents kajertámkarmai. Tuma asamtai yamaikia ame kajerkatin tsawantrum jeayi. Jákarusha iniantkim ni túramuri̱ íisartatme. Túram amé shuarka shiir etserturmakua nusha tura Aminiak enentáimturmasarua nusha tura Ámin shiir awajtámsarua nusha ashí mash ti shiira nu súakum akiktatme. Antsu ju̱ nuṉkan emesniuka ashí emesratniunam akupkáttame” tiarmai.

Apu. 13:10

“Shuaran emeta juinia nusha emetnattawai. Núnisaṉ shuaran naṉkiji̱a̱i̱ mainia nusha naṉkiji̱a̱i̱ mantamnattawai.” Isa. 33:1 Tuma asamtai Yajasma mesetan najanamtai Yus shuar Yus iistí tusar tuke enentáimtusar katsuntsar pujustin áiniawai.

Apu. 13:15

Kukaria̱ Yajasma kakaram sunasmai. Nuja̱i̱ Entsaya̱ Yajasma najanamun iwiaaku awajsatniua áintsaṉ ichachkiamai. Túram ashí níniak shiir awajeacham mátniun susamai.

Apu. 18:20

Antsu nayaimpiniam pujarumna nu, ashí Yus akatrámutirmesha, ashí Yusna etserniutirmesha tura ashí Yus shuar árumna nu ni wáitsamuja̱i̱ warastarum. Nu wáitsamuja̱i̱ atumín yajauch awajtámsamarmena nuna yapajtiúrmakurme” tiarmai.

Apu. 18:24

Kame ni akupkámuja̱i̱ péṉker shuar ti mantamnawaru asamtai nu péprunam ashí yaunchu Yusna etserniu numpe̱sha ashí Yus shuara numpe̱sha tura péṉker shuar ashí nuṉkanam maamu ainia nuna numpe̱sha nui̱ paant wainkiamniaiti” timiai.

Apu. 19:2

Nisha aya nekas péṉker túratniua nuna túrin asaYKan. 19:9 tí nukap tsanirmaun ashí aentsun tsaniri̱ji̱a̱i̱ utsur ti asutiáyi. Nin ti wáitkias ashí ni shuari̱ máwarman yapajmiátkaiti” Muis. 32:43 tiarmai.