Apu. 16:5 - Yus Papí: Shuarja̱i̱ Yus Yamaram Chicham Najanamu

⁵ Nuyá̱ suntar entsá wáinniua nuna chichame̱n antukmajai. “Uuntá, amek tí peṉker Yus asam jú̱tikiame. Yáunchusha tuke pujúu asam tí shiiraitme.

Apu. 16:5 Iomraidhean Croise

Naṉ. 18:25

Kame yajauchi túrichu yajauchin túrinji̱a̱i̱ métek máchminiaitmena núnaka nekas nékajai. Tura péṉkera túrinia nu yajauchi túrinji̱a̱i̱ ¿métek sumamtikiamniakaitiam? Ashí nuṉkanmaya̱ aents Sumamtikin asam ¿péṉkera nu túrashtatmek?” tímiayi Aprajám.

YKan. 129:4

Uunt Yus péṉker asa Yusan umircha ainia nuna jiṉkiamuri̱n tsupirkamai.

YKan. 145:17

Uunt Yuska ashí Ni jínti̱nkia ímiatrus nákaiti tura ashí Ni najankamuri̱n waitnenniuiti.

Ukan. 1:18

Jiuwaka nákak túriniaiti túmanak wikia Ni chichame̱n umiktinian nakitmiajai. Antsu yamaikia ashí aentstiram antuktarum. Ti najaimiakun wáitiajna nu íirsakua. Wini̱ya̱n nuwa̱ch áishmaṉja̱i̱ tsaniṉcha ainia nuna tura áishmaṉ natsach áinia nunasha achirar yarurtukaruiti.

Tan. 9:14

Tuma asamtai Uunt Yussha nuna ashí iis yajauchiji̱a̱i̱ wáitsatniun tsaṉkatramkaji. Warí, ii Uunt Yusri̱ṉkia ashí Ni túrana núnaka ímiatrusaṉ uminiaiti. Tuma ai̱ṉ Ni chichame̱sha umirkachji.

Juaṉ 17:25

Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Rum. 2:5

Tura tunaarum enentáimtutsuk tuke túrakmeka sumamtikiatin tsawantai̱ ti tunáa irutmampramuja̱i̱ ti asutniáttame.

Rum. 3:5

Nu arantcha “Wi tunaan túramuja̱i̱ Yus imiá péṉkera nuna paant awajeakka ¿urukamtai winia asutiua? ¿Nuka péṉkerkait?” tíchatapash. (Kame aents chichainia núnisnak tajai.)

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.

Apu. 11:17

“Uunt Yusá, ti kakaram asam Ámiji̱a̱i̱ tujintkiatin atsawai. Yáunchusha, yamaisha tura tuke amuutsuk iwiaaku pujuwitme. Ame ti kakarmarmiji̱a̱i̱ nekas akupkatin yamaikia juarme. Tuma asakmin yumiṉsajme, tiarmai.

Apu. 16:4

Nuyá̱ suntar menaintiua nu, entsanam tura púkuninmasha ukarmai. Túramtai ashí numpa ajasármai.

Apu. 16:7

Tutai Yus áestutai̱nmaya̱ chichaman antukmajai. “Ee, Uuntá. Nekas kakaram asam ashí ti tujinchaitme. Nekas túratniua nu tí peṉker túrin asam nu shuar túramuja̱i̱ métek akiruitme” timiai.

Apu. 19:2

Nisha aya nekas péṉker túratniua nuna túrin asaYKan. 19:9 tí nukap tsanirmaun ashí aentsun tsaniri̱ji̱a̱i̱ utsur ti asutiáyi. Nin ti wáitkias ashí ni shuari̱ máwarman yapajmiátkaiti” Muis. 32:43 tiarmai.

Apu. 4:8

Nusha sais nanamtin armai. Tura ji̱sha ti irunainiak ashí wáinmarmai. Káshisha tsawai̱sha tuke iniaitsuk ju̱na tiniu armai. “Tunaarincha tunaarincha nekas tunaarincha Úunt Yusaiti. Ashí Tujintkiachu Yúsaiti. Isa. 6:3 Tuke yaunchu pujuyayi. Núnisaṉ yamaisha pujawai. Tura ataksha ju̱ke winittiawai.”

Apu. 6:10

Nusha kakantar untsumainiak tiarmai “Uuntá, tí peṉker asam támena nu umíatsmek. ¿Urutíak nuṉká pujuinia nú shuar ii mantamnamunam yapajmiátruktam?” tiarmai.