Apu. 16:4 - Yus Papí: Shuarja̱i̱ Yus Yamaram Chicham Najanamu

⁴ Nuyá̱ suntar menaintiua nu, entsanam tura púkuninmasha ukarmai. Túramtai ashí numpa ajasármai.

Apu. 16:4 Iomraidhean Croise

YKan. 78:44

Tura umarara̱i̱ṉ tusa ashí entsan aya númpak awajsámiayi.

Jiin. 8:5

Nuyá̱ Uunt Yus Muisaisan chicharuk “Araun chicharkum ‘Ame wái̱ram ashí entsa ainia nuní̱ tura entsa akatai nuṉka táurmanumaani̱ núnisaṉ entsa pajamtai ainia nuní̱ iwiaiṉkiata. Túrawakmin mukunt entsaya̱ wárar Ejiptunam aya múkuntak piáktatui tawai’ titiá” tímiayi.

Isa. 50:2

Wi támaj nui̱ṉkia ¿urukamtia chikichkisha atsuma. Untsumkuisha urukamtia chikichkisha ái̱rkachma. Antsu winia kuntursha peṉké sútarchikiait átum ata̱i̱tniun jeashtinia. Wikia átum aṉkant awajsatniunka kakarman takaktsujak? Nekaatarum, Wi chicharmaka nayantsasha kukach ajastatui tura entsasha ku̱yu̱kar kampuntin atsú ajasármatai namaksha kitiakai̱ kajinkiar kaukartatui.

Use. 13:15

Kame Eprain Israer shuarja̱i̱ pampaakuisha Úunt Yusai̱ya̱ kampuntin atsú nuṉkanmaya̱ nase tarí ni entsari̱ncha tura púkuniri̱ncha kukach awajtúsartatui. Túrunamtai ni nemasri̱ káutkar ni kuítri̱ncha tura ni wariri̱ncha ashí yarurkartatui.

Apu. 11:6

Nu aentska Yúsnan áujmatainiak yumi yutukaip títinian kakarman takakainiawai. Núnisaṉ entsancha numpa awajsatniun kakarman takakainiawai. Tura ashí yajauchia nuja̱i̱ aentsun wáitkiastinian takakainiawai. Nuna ashí ni wakeruinia nui̱ páchitsuk túramin áiniawai.

Apu. 14:7

Nusha ti kakantar untsumuk timiai “Yus ashamkatarum. Niṉki shiir awajsatarum. Yamaikia ashí shuaran súmamtikiawartin tsawant jeayi. Nayaimpincha nuṉkancha nayantsancha ashí entsancha najana asamtai shiir awajsatarum.”

Apu. 16:5

Nuyá̱ suntar entsá wáinniua nuna chichame̱n antukmajai. “Uuntá, amek tí peṉker Yus asam jú̱tikiame. Yáunchusha tuke pujúu asam tí shiiraitme.