Apu. 16:2 - Yus Papí: Shuarja̱i̱ Yus Yamaram Chicham Najanamu

² Tutai emka suntar we, piniṉnumia̱n kukar ukarmai. Túramtai ashí aents Entsaya̱ Yajasma náari̱n anujmamprar ni nakumkamuri̱n shiir awajiarma nuna ti najamin kuchap jiintiurarmai.

Apu. 16:2 Iomraidhean Croise

YKan. 78:26

Kame nuṉkaani̱ya̱n tura etsa̱ jintiainmaani̱ya̱n Yus ni kakarmari̱ji̱a̱i̱ násenmamtikiamiayi.

Tur. 12:23

Tumai̱ Uunt Yusa suntari̱ aya aneachma tarí Irutisan jaa awajsámiayi. Tuma asamtai nusha aka yuá amukam jakamiayi. Irutissha Yusan waantu awajtsuk niṉki waantu enentáimtuma asa túruna jakamiayi.

Muis. 28:27

Nuyá̱ Ejiptunmaya̱ aentsun kuchapja̱i̱ wáitkiasarmia nuja̱i̱ atumsha wáitsattarme. Núnisaṉ uṉkuja̱i̱ turiji̱a̱i̱ tura teremú tsuámarchamnia ainia núja̱i̱sha Uunt Yus atumniaka wáitkiarmastatrume.

Muis. 28:35

Nuya̱ṉka Uunt Yus atumí tikishí̱ṉsha tura makui̱ṉsha nuyá̱ nawe̱ya̱ juárkiniak muuke̱a tímianai tsuámarchamnia uṉkumu suṉkurja̱i̱ asutiá wáitkiarmastatrume.

Apu. 13:12

Nisha Entsaya̱ Yajasma kakarmari̱n súam akupniuyi. Tura ashí nuṉkanmaya̱ aentsun “Entsaya̱ Yajasma peṉké jaa tsuarma nu, shiir awajnásti” timiai.

Apu. 14:16

Tutai yuraṉminiam eketu ni machitri̱ji̱a̱i̱ nuṉká arakman tsupir juukmai.

Apu. 14:9

Nuyá̱ chíkich suntar, menaintiua nu, taa timiai “Shuar Entsaya̱ Yajasmancha tura ni nakumkamuri̱ncha shiir awajeakuiṉkia tura nijia̱i̱niumsha uwejnumsha ni naari̱ anujtúkmaitkiuiṉkia

Apu. 16:1

Nuyá̱ Imiá Shiir Tesamunmaya̱ ti kakaram chichaamun antukmajai. Nusha siati suntaran tiarmai “Nuṉká werum Yusa kajetáiri̱ siati piniṉnum ana nu ashí ukartarum.”

Apu. 16:11

Tura núja̱i̱sha yajauch túratniuncha iniaisacharmai. Antsu kuchaprí̱ji̱a̱i̱sha tura ti najaimiainiak wáitiainiak nayaimpinmaya̱ Yusan ti yajauch chicharkarmai.

Apu. 8:7

Emka Yusa suntari̱ kachun umpuarmatai micha kákekamai. Nunasha ji numpaja̱i̱ pachimpramuncha nuṉkanam ajapawarmai. Túmakui̱ menaintiú nakakma jean numincha tura ashí írunna nui̱ ekemákmai. Tura ashí nuṉkanam chírichrin takamtsuk ekemákmai.

1 Sam. 5:6

Uunt Yus Astutnumia̱ aentsun émumpraja̱i̱ suṉkurmamtikiarmiayi. Jiristíu aentsu uuntri̱ armia nu irunturar Yusna Eṉketáin Káatnum júkiarmiayi. Tura Káatnumsha Uunt Yuska émumpraja̱i̱ṉ suṉkurmamtikiarmiayi. Túmainiak Yusna Eṉketáin Ikrunnum akupkarmiayi túrasha ashí Jiristíanmaya̱ uuntri̱ armia nu iruntrar chicharainiak “Ju̱ itiá ajasrum iincha suṉkurmamtikiartukurme. Tuma asamtai Israera Yusri̱ Eṉketáiṉkia pujutáiri̱n awaiṉki̱ ikiutarum núja̱i̱nchuka mantama amutmakaij” tiármiayi.