Apu. 16:16 - Yus Papí: Shuarja̱i̱ Yus Yamaram Chicham Najanamu

¹⁶ Tura yajauch wakan úunt akupin áinian Armajetúṉnum irurarmai. Israer chichamnum nu nuṉka tu anaikiamuiti.

Apu. 16:16 Iomraidhean Croise

Sak. 12:11

Nu tsawantin Mikitiu pakari̱n Jatatrimiúnnum útiarmia núnisaṉ Jerusaréṉnumsha ti úttiartatui.

Juaṉ 19:13

Piratusha táman antuk akupin pujutai̱nium pujus Jesusan untsukmiayi. Nui̱ kaya ukatkámu asamtai Israer shuar chichamja̱i̱ṉkia Kapata anaikiarmiayi.

Juaṉ 19:17

Jesussha ni krusri̱ yanakí̱ Kúrkuta nainnium wémiayi. Kúrkuta támaka Israer shuara chichame̱ja̱i̱ṉkia “muuka ukunch” tawai.

Juaṉ 5:2

Jerusaréṉ yama waya̱munam Murik Wáitiniam ayamach entsa pajamtai ámiayi. Nu pajamtain Pitista tiniu ármiayi. Nuna wáitiri̱ṉkia seṉku ármiayi.

Tur. 26:14

Tura túrunamtai ashí nuṉká tepetar wainkiarmiaji. Wiki Israer chichamja̱i̱ túrutun antukmajai ‘Sauru, Sauru, ¿urukamtai imiá pataaturam? Amek enentáimin yajauch awajmámsame, waaka saṉkanmiak numin ijiuma núnismek. Wí aents kajera asam túruname’ turutmai.

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 9:11

Tura náṉkatkachu wa̱a̱ uraimia nu suntar ni úunt akupniuri̱nti. Israer chichamja̱i̱ ni naari̱ Apatún tutainti. Tura Kriaku chichamja̱i̱ṉkia Apuriún tutainti. Nuka Yajauch Awajkartin tawai.

Suma. 4:7

Túrawakmin akupin Japinia suntari̱ úuntri̱n Sésaran suntari̱ntiuk Kisun ashintsa nui̱ mesetnum mánaitiai̱ kárurtiuk ikiatkan íktustatjame’ túramui” tímiayi.