Apu. 16:1 - Yus Papí: Shuarja̱i̱ Yus Yamaram Chicham Najanamu

¹ Nuyá̱ Imiá Shiir Tesamunmaya̱ ti kakaram chichaamun antukmajai. Nusha siati suntaran tiarmai “Nuṉká werum Yusa kajetáiri̱ siati piniṉnum ana nu ashí ukartarum.”

Apu. 16:1 Iomraidhean Croise

YKan. 79:6

Ámin nekarmachu uunt nuṉka mátsatka ainia nui̱ tura akupeamunam Ame náarmin páchiniatsna nui̱ Ame kajetáiram ukarta.

Jrm. 10:25

Ashí uunt mátsatkamunmaya̱ Ámin nekarmainiatsna nu tura Ame náarmin pachisar shiir awajtámainiatsna nu kajetáirmiji̱a̱i̱ asutiáwarta. Warí Jakupa shuari̱nkia amukar ni pujutái̱ri̱ncha emestukar aya jú̱nik awajsar aya íimtiksarai.

Sup. 3:8

Túmaitkiuiṉkia sumamtikiatin tsawant jeamam nákarsatarum” tawai Jiuwá. “Warí ashí uunt matsatkamu tura akupeamu ainia nunasha ashí Winia tí kajekmarun iniaktusartaj tusan irurartatjai. Túran Wi suir kajenkamurja̱i̱ ashí nuṉkan jiji̱a̱i̱ aeskan amuktatjai.”

Apu. 11:19

Tuíniakui Yusa Uunt Je̱e̱ nayaimpiniam ana nu uranmiatai wakenmaani̱ Yus Aentsja̱i̱ Chícham Najanamu Eṉketai̱ paant amai. Túrunamtai peemsha, ipiamtasha, cháarpisha, u̱u̱sha armai tura michasha tí kakekamai.

Apu. 14:15

Tura chíkich suntar Yusa Uunt Je̱e̱nia̱ jiinkí̱ yuraṉminiam eketun kakantar chicharuk timiai “Árak júuktin tsawant jeayi. Machitrumja̱i̱ tsupiram juuktá.”

Apu. 14:18

Tura chíkich suntar Yus áestutai̱nmaya̱ jiinkimiai. Nisha jinia wáinniuyi. Tura máchit ti éren takakun kakantar chicharuk timiai “Machitrum ti érea nuja̱i̱ uwa nuṉká arakma nu tsupiram juuktá. Mash tsamakarai.”

Apu. 15:1

Nuyá̱ ashammain ti enentáimpramnian nayaimpiniam wainkiamjai. Siati suntar amúamunam wáitkiastinia nuna takusarmai. Nuja̱i̱ ju̱ nuṉkanam yajauch shuaran ti wáitkiasar Yus kajeamun umirtatui.

Apu. 16:17

Nuyá̱ suntar siatia nu nasenam ukarmai. Túramtai nayaimpinmaya̱ Yusa Uunt Je̱e̱nia̱ ti kakaram chicham Yus akupin pujutái̱nmaya̱ chichaak “Mash uminkiai” timiai.

1 Sam. 15:18

Nu asamtai Uunt Yus akuptamuk ju̱ túrata tusa chichartamuk ‘Amarík aents yajauchin túrin ainia nuka mesetja̱i̱ ashí amú amusarta’ turamchamka.

1 Sam. 15:3

Tura yamaikia Amarík aentska werim waitnentsuk takarainia núurtiuk ashí amukárta. Iwiaakuka ikiutsuk áishmaṉsha nuwa̱sha uchisha kuírchisha tura waakasha muriksha kamiyusha umpurusha waitnentsuk amú amusarta” tímiayi.