Apu. 15:3 - Yus Papí: Shuarja̱i̱ Yus Yamaram Chicham Najanamu

³ Túramtai kantamáwarmai. Yusa takarniúri̱ Muisaisa kantari̱ncha tura Murikiu kantari̱ncha kantamáiniak tiarmai “Uuntá, Ashí Tujinchaitme. Tí peṉker tura ti enentáimturmin ashí najanaitme. Ashí Úunt Akupin asam ashí nekasa nu túrasha péṉkera nu túriniaitme.Use. 14:9

Apu. 15:3 Iomraidhean Croise

Naṉ. 17:1

Tura Apram nuwintinuíwi uwí takakuya nui̱ Uunt Yus wantintiuk chichareak “Witjiai Ashí Tujintkiachu Yus. Wi íimmianum tuke awajitsuk péṉker atá.

Juup 5:9

Warí Yuska tí uuntan aentstikia peṉké nekaachminian najanchakait núnisaṉ ashammainniasha nekapmarchamnian túriniaiti.

YKan. 100:5

Warí, Uunt Yuska tí peṉker asa tuke nekas chichamtiniaiti núnisaṉ tuke waitnenkartiniaiti.

YKan. 105:5

Israer shuartiram Yusa takarin Aprajáma weatirmeka Yus anaikiamuitrume. Tuma asakrumin atumíin Uunt Yus ni chichame̱ja̱i̱ akupkámia nu tura aentsti túrachminian túramia nusha kajinmátkirap.

YKan. 111:2

Jiuwá najantkamuri̱ṉkia ti shíirmach áiniawai tura nu wakeratikia unuimiatú ajamai áiniawai.

YKan. 111:7

Ni uwejé̱ja̱i̱ najankamuka nekas tura nekasa nuja̱i̱ métek áiniawai. Tura ashí Ni akupkámuri̱nkia tímiatrusaṉ áiniawai.

YKan. 139:14

Maa, Ame túrutairam aentstikia tujintkiamnia áiniawai. Núnaka paant nékajai. Nuna enentáimsan aya Amek naṉkamantuitme tájame.

YKan. 145:17

Uunt Yuska ashí Ni jínti̱nkia ímiatrus nákaiti tura ashí Ni najankamuri̱n waitnenniuiti.

YKan. 145:6

Ame kakarmarmiji̱a̱i̱ najanamiam nuna shuar wáinkiar áujmatiartatui tura Ame najanamun áujmatainiakui wisha núnisnak Yusru Ame ti úuntaitmena nuna pachisan áujmatsattajai.

YKan. 18:30

Yusa jinti̱ṉkia tuke imiatkinchaiti. Tura Uunt Yusa chichame̱ṉka nekapsamuiti. Niin ejamainia nuna Niṉkia tantari̱nti.

YKan. 78:12

Ejiptunam Suan péprunam Israera uuntri̱ iimiainiamunam aentsti túrachminian untsurín tí shiiran iniaktusarmia nuka ju̱ áiniawai.

YKan. 92:5

¡Jiuwáa Ame najankamurmeka imiá uunt áiniawai! Tura Ame enentáimmiarmesha nekaatin ti itiurchataiti.

YKan. 99:4

Maa kakaram úunt akupniu aya nekasa nuke túriniaitme. Ámeka naka nuke chichawitme. Ámeka Israerja̱i̱sha aya naka nu túrakum nekasa nuja̱i̱ métek sumamtikiaitme.

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Tan. 6:20

Tura wá̱a̱nam jeá kúntuts enentáiji̱a̱i̱ úunt akupin Taniaran kakantar untsúak “Iwiaaku Yusa takarin Taniará, tuke tsawant iniaitsuk enentáimtamna nú Yus úunt ya̱wa̱nmaya̱ ¿uwemtikramprayik?” tímiayi.

Tan. 9:11

Tura ashí Israer shuar Ame chichamin antuktinian nakitiáiniak Ame akupkámu umiktin chichamnasha iniaisar kanakiarai. Tuma asar yumiṉnaruitji. Núnisrik tunáa tura asar umíachkurmeka ju̱ní̱ asutniáttarme táman Yusa takarniúri̱ Muisais aarma nuja̱i̱ métek asutiámuitji.

Use. 14:9

¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.

Mik. 7:20

Tura tí yaunchu ii aparí̱ Aprajámsha nuyá̱ Jakupsha nekas túrattajme tímiamna ímiatrusmek umimiám nuja̱i̱ métek waitnenkarturta.

Sup. 3:5

Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15

Juaṉ 1:17

Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.

Muis. 31:30

Nuya̱ṉka ashí Israer shuar ántuiniamunam Muisais amuumam jú̱ kantan áujsamiayi.

Muis. 32:3

Áintsanak wikia Uunt Yusa náari̱n paant etserkattajai. ¡Tura atumsha ii Yusri̱ naṉkamantu awajsatarum!

Muis. 34:5

Nuyá̱ Uunt Yusa takarniúri̱ Muisais Muap nuṉkanam Uunt Yus timia ímiatrusaṉ umik jakamiayi.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

Isr. 3:5

Wats Muisais Israer shuaran wáiniuk Yusa Je̱e̱n takastinia áintsaṉ péṉker takarniuyayi. Tura ni takaak ukunam Yus títiatna nuna etserkatniuyayi.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.

Apu. 11:17

“Uunt Yusá, ti kakaram asam Ámiji̱a̱i̱ tujintkiatin atsawai. Yáunchusha, yamaisha tura tuke amuutsuk iwiaaku pujuwitme. Ame ti kakarmarmiji̱a̱i̱ nekas akupkatin yamaikia juarme. Tuma asakmin yumiṉsajme, tiarmai.

Apu. 14:3

Nu tuntuiyamuja̱i̱ siantu kuaraintikuátru mir shuar akupin pujutai̱nium naka wajasar yamaram kantan kantamáwarmai. Nisha kuatru taṉkunmasha tura paintikuátru úuntnumsha naka wajasar kantamáwarmai. Nu kantanka chíkichka nekaachmin armai. Aya nu siantu kuaraintikuátru mir shuarka jú̱ nuṉkanmaya̱ shuarnumia̱ uwempraru ásar nu kantan kantamiarmai.

Apu. 14:8

Nuyá̱ chíkich suntar, jímiara nu, taa timiai “Pai, Uunt Papirúniaka peṉké meserai. Nisha tuke tsanirmatia núnisaṉ ashí aentsun aar anamkatniua núnisaṉ utsurmai. Tuma asa nisha nú aentsja̱i̱ nupetnak tuke emesnarai.”

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 19:16

Ni pushiri̱ncha makui̱ncha ni naari̱ áarmauyi, ASHÍ AKUPNIUN AKUPIN tura ASHÍ UUNTA UUNTRI̱.

Apu. 19:2

Nisha aya nekas péṉker túratniua nuna túrin asaYKan. 19:9 tí nukap tsanirmaun ashí aentsun tsaniri̱ji̱a̱i̱ utsur ti asutiáyi. Nin ti wáitkias ashí ni shuari̱ máwarman yapajmiátkaiti” Muis. 32:43 tiarmai.

Apu. 4:8

Nusha sais nanamtin armai. Tura ji̱sha ti irunainiak ashí wáinmarmai. Káshisha tsawai̱sha tuke iniaitsuk ju̱na tiniu armai. “Tunaarincha tunaarincha nekas tunaarincha Úunt Yusaiti. Ashí Tujintkiachu Yúsaiti. Isa. 6:3 Tuke yaunchu pujuyayi. Núnisaṉ yamaisha pujawai. Tura ataksha ju̱ke winittiawai.”