Apu. 13:3 - Yus Papí: Shuarja̱i̱ Yus Yamaram Chicham Najanamu

³ Entsaya̱ Yajasma muuké̱ chikichkin jakamnia awatmian wainkiamjai. Túrasha péṉker awajnásmai. Túramtai ashí nuṉkanmaya̱ aents nuna iisar ti enentáimturar nemarsarmai.

Apu. 13:3 Iomraidhean Croise

Ruk. 2:1

Wats Juaṉ akiiniamia nú uwitin úunt akupin Akustu ashí nuṉkanam aentsun nekapmararti tu chichakmiayi.

Juaṉ 12:19

Tura Pariséusha nuamtak chichainiak “Iis, peṉké tujintkiaji. Maa Iistá, ashí shuar Nin nemarainiatsuk” tiármiayi.

Tur. 8:13

Semuṉsha imia uwishniuitiat Yus Chichaman enentáimtus imiantmiayi. Tura Jiripiji̱a̱i̱ tsaniṉ wekaimiayi. Yusa kakarmari̱n shuar nekaawarat tusa Jiripikia aentsti túrachminian túrimiayi. Nuna wainiak Semuṉ ti enentáimsamiayi.

Apu. 13:12

Nisha Entsaya̱ Yajasma kakarmari̱n súam akupniuyi. Tura ashí nuṉkanmaya̱ aentsun “Entsaya̱ Yajasma peṉké jaa tsuarma nu, shiir awajnásti” timiai.

Apu. 13:14

Tura Entsaya̱ Yajasma súam aents túrachminian tí turak ashí nuṉkanmaya̱ aentsun anaṉkawarmai. Túrak Entsaya̱ Yajasma nakumkamuri̱n najanawarat tusa akupkámai. Túramtai puya̱ja̱i̱ peṉké jakamnia awatmia péṉker ajasma nuna nakumkamuri̱n najanawarmai.

Apu. 17:10

Núnisaṉ ni siati muuke̱ siati akupniun nakumui. Kame seṉku akupniúka naṉkaamasaru áiniawai. Chikichik tuke akupniuiti tura chíkichka tuke taatsui. Ni taasha núkap tsawant akupkashtatui.

Apu. 17:11

Nuyá̱ ashí ukunmaṉka yaunchu amia nú yajasma wantiniak nuja̱i̱ uchu akupin ajastatui. Túmaitiat chíkich siati akupniuja̱i̱ iruram métek enentáimpramniaiti. Tura nu yajasma yamaikia atsayat wantiniak akupak umik tuke emesnartinnium wétatui turutmiai.

Apu. 17:13

Ju̱ tias akupniúsha métekrak enentáimiainiak ni kakarmari̱n núja̱i̱sha akupkat tusar yajasman súsartatui.

Apu. 17:17

Nu akupniu enentái̱n Yuska ni wakeramuri̱n apujsaiti. Ni timia nu umintsa̱i̱ṉ akupniúsha métekrak enentáimprar ni kakarmari̱n takamtsuk yajasman súsatniun enentáimtikramai.

Apu. 17:6

Nu nuwa̱sha Yus shuar Krístunun etserkar máwarma ainia nuna numpe̱n nampekuyi. Nuna wainkian ti enentáimturmajai.

Apu. 17:8

Nu yajasma wainkiam nuka yaunchu pujuwiti tura yamaikia ju̱i̱ pujachiat amúamunam tuke játsuk náṉkatkachu wá̱a̱nmaya̱ jiinkittiawai. Shuar nuna wáinkiar ni naari̱ tuke iwiaaku pujutai̱ papinium yámankamtaikniumia̱ anujtúkchamua nuka nu yajasman ashamkartatui. Nu yajasma yaunchu pujú yamaikia atsayat atak wantinkiattawai turutmiai.