Apu. 13:2 - Yus Papí: Shuarja̱i̱ Yus Yamaram Chicham Najanamu

² Nui̱ wainkiamaj nu Yajasma nekas úunt ya̱wa̱a ániuitiat nawe̱nka chai̱ nawe̱a ániuyi. Wene̱sha nekas kajen ya̱wá̱a ániuyi. Tura Ti Kajen Yajasma Entsaya̱ Yajasman ni kakarmari̱ncha tura ni akupkatniuri̱ncha susamai nuja̱i̱ ti kakaram akupkati tusa.

Apu. 13:2 Iomraidhean Croise

2 Akup. 2:24

Tu katsekenam Iriséusha apajá̱tar iis Uunt Yusa náari̱ji̱a̱i̱ yajauchiji̱a̱i̱ yumiṉkramiayi. Túram nuya̱i̱k kuaraintitús natsa áishmaṉ armia nuna, jimiará chai̱ nuwa̱ kampunniunmaya̱ tariar achia̱rar tepet tepet ikiukiármiayi.

YKan. 22:21

Úunt ya̱wa̱ wene̱ya̱ tura kampuntin waaka ainia nuna kachurí̱ya̱sha uwemtikruram aṉkant awajtusta.

Neka. 17:12

Shuar enentáinchajai iṉkiukatniuka chai̱ uchirí̱ jurukmiája̱i̱sha naṉkaamas yajauchiti.

Neka. 28:15

Akupin ni pépruri̱ kuítrincha áinian nékayat yajauch akupea nuka úunt ya̱wa̱ shiniana tura chai̱ tsukamana núnisaiti.

Jrm. 13:23

Mukusa aentssha ¿puju ajasminkiait? Tura yampiṉkiasha ni áamaṉke̱n ¿yapaji̱ámniakait? Atumsha núnisrum aya yájauchik túratin unuimiátkatirmesha ¿itiurak péṉkersha túratarum?

Jrm. 5:6

Nuna tura ásarmatai úunt ya̱wa̱ kampunniunmaya̱ jíintiurar esaiyartatui. Tura kampuntin atsunum matsamin rúpuka emeskartatui. Antsu ni pépruri̱ ainia nui̱ṉkia yampiṉkia nákarartatui. Kame Yus timian umiktinian nakitiáiniak peṉké ántichu ajasármatai péprunmaya̱ jiiniainiaka achia̱rma ártatui.

Use. 11:10

Uunt Yusan nemarsartatui. Tura niṉkia úunt ya̱wa̱ núnis júruur ajattawai, ee nekas júruur ajattawai. Tura etsa̱ akatainmaya̱ niniu ainia nuka kuraṉkiar tariartatui.

Ams. 3:12

Israer shuar Samarianam peak péṉker iwiarkamunam pujuiniaka murikiu jimiará makuin núja̱i̱nchuka kuishi̱ tsakari̱n úunt ya̱wa̱ apakun murikiu wáinin ata̱i̱nia núnisar pisarartatui” tú tíniuiti Jiuwá.

Ams. 5:19

Tuma asamtai nu tsawantai̱kia shuar úunt ya̱wa̱n wainiak tseke wesa chai̱ iṉkiun nuyá̱ sapijmiak tsékeṉki̱ je̱a̱ waya̱k tanishnum achimiun napi esaana núnis átatui.

Awa. 1:8

Ni kawairi̱ṉkia yampiṉkia ya̱wa̱ja̱i̱ naṉkaamas kakaram tséken tura kashi yujá rúpu ya̱wa̱ja̱i̱sha naṉkaamas wari áiniawai. Núnisaṉ tí untsurí ásar kawainium ekemniuri̱sha pinchu kuntinian yuattsa nanaki̱ weruiniana tímiatrusar yajaya̱ ti wárik káutkartatui.

2 Tim. 4:17

Tura ii Uuntri̱ Jesukrístu ni kakarmari̱n surus yaintkiamiayi. Nuja̱i̱ uwempratin chichaman ashí nuṉkanam Israer shuarcha antukarti tusan etserkamjai. Tura núnisaṉ akupniúnmaya̱sha ii Uuntri̱ uwemtikrurmiayi.

1 Pit. 5:8

Aneartarum tura íimiastarum. Íwianch atumí nemasri̱ ana nu, úunt ya̱wa̱a nuke yanak emesraintiaj tusa e̱a̱k tentá wekaawai.

Apu. 12:13

Nuyá̱ Ti Kajen Yajasma nuṉká ajapna nuwa̱ áishmaṉkan takusma nuna áintramai.

Apu. 12:15

Nuyá̱ nu napi ni wene̱ya̱ entsá ji̱i̱ki̱ nujaṉmamaamai nuwa̱n ajekrataj tusa.

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.

Apu. 13:12

Nisha Entsaya̱ Yajasma kakarmari̱n súam akupniuyi. Tura ashí nuṉkanmaya̱ aentsun “Entsaya̱ Yajasma peṉké jaa tsuarma nu, shiir awajnásti” timiai.

Apu. 13:4

Túrawar nin tikishmátrar shiir awajsar “¿Yaki jú̱ja̱i̱sha jeá. Imiá kakaram asamtai yaki niji̱a̱i̱ mánaikminiait?” tiarmai. Tura Ti Kajen Yajasma ni kakarmari̱n Entsaya̱ Yajasman susa asamtai ashí aents nincha tikishmátrarmai.

Apu. 16:10

Nuyá̱ suntar seṉkua nu Entsaya̱ Yajasma akupin pujutái̱ri̱n ukarmai. Túramtai ni nuṉke̱e̱n ashí kashi ajasmai. Tura aents ti najaimiainiak iniai̱ncha esamiarmai.

Apu. 17:12

Tias kachuri̱ wainkiam nuka tias akupin tuke akupénatsna nuiti. Nisha nu yajasmaja̱i̱ métek peṉké ishichik tsawant akupin ajasártatui.

Apu. 19:20

Tura nu mesetnum Yajasmasha tura Kukaria̱ Yajasmasha, peṉké ántar yúsnan etserniua nu, mái̱ achintkiarmai. Nuikkia Entsaya̱ Yajasma ni kakarmari̱n súam nu Kukaria̱ Yajasmaka aents tujintiamun tí turak shuaran anaṉkawarmai. Túramtai nu aents Entsaya̱ Yajasma náari̱n apujmamsar ni nakumkamuri̱n shiir awajsarmai. Tuma asamtai Entsaya̱ Yajasmancha tura Kukaria̱ Yajasmancha íwiaakuk asupriji̱a̱i̱ ti keá nu ji antumiaṉnum apeáwarmai.

Apu. 2:13

‘Ashí ame túram nuna nékajai. Iwianchi uuntri̱ Satanás akupea nui̱ pujayatmek tuke shiir enentáimturmena nuna nékajai. Winia shiir umirtínian Ántipasan máwarmataisha Winia enentáimtursatin ishichkisha iniaitiuschamame. Nusha íwianch pujutai̱nium pujakrumin túrunamai.

Apu. 20:2

Nu suntarsha Ti Kajen Yajasman jiru kampurmaja̱i̱ jiṉkiamai. Nu Yajasma iwianchi uuntri̱ Satanás tutainti. Nisha Yáunchuya̱ napiti. Tura nu iwianchin jiṉkiá mir uwí pujusat tusa