Apu. 13:11 - Yus Papí: Shuarja̱i̱ Yus Yamaram Chicham Najanamu

¹¹ Nuyá̱ chíkich Yajasman kukaria̱ wáakun wainkiamjai. Nusha murikiua ánin jimiará kachurtiniuyi. Tura Ti Kajen Yajasma áinis kakaram chichaakuyi.

Apu. 13:11 Iomraidhean Croise

Tan. 7:8

Tura nu kachun ii wajái̱ nui̱ṉ chíkich kachu uchich jiini̱ chíkich ainia nuja̱i̱ métek ajastaj tusa tsakamai. Nu túmakui̱ emka arma nu kachusha menaint akararmai. Tura nu kachu jiinmia nuka aentsu ji̱n íirkauyi. Tura chichaak naṉkamantua núnis kakaram chichaakuyi.

Tan. 8:3

Tura paṉkái̱ íimiaj tukamán chipiu áishmaṉ entsá eem wajamai. Tura kachurí̱sha émkaka mai̱ esarmaitiat chikichik kachu chikichja̱i̱ naṉkaamas ti esaram kachurauyi túrasha ukunmaṉka tsakartinian juárkimiai.

Mat. 7:15

Aneartarum. Wáitruiniak ‘Wi Yúsnan étserjai’ tuinia nu írunui. Pátatek murikiua áinis yúpichuch áiniawai tura ni enentái̱n nekas úunt ya̱wa̱ áinis áiniawai. Pátatek shiir chichainiawai tura ni enentái̱n yajauch piákuiti.

Rum. 16:18

Nu shuar ii Uuntri̱ Jesukrístunun takainiatsui. Antsu ni wakeramun uminiawai. Tura ti shiir chichasar nékachun anaṉkenawai.

2 Tis. 2:4

Nisha aya wíniak enentáimtursarat tusa wakerak najankamu yusnasha tura nekas Yúsnasha shuar tikishmátrara̱i̱ṉ tusa ti nakitrattawai. Niṉki tí naṉkamantu enentáimtumas Yusa nuke ajas Uunt Yusa Je̱e̱n wayá̱ pujustatui. “Ju̱i̱ti Yus” shuar turutiarat tusa mash túrittiawai.Tan. 7:25; 9:27; 11:31; 12:11; Mat. 24:15; Mar. 13:14-23

Apu. 11:7

Tura ni takatrí̱n umikiarmatai Ti Kajen Yajasma náṉkatkachu wa̱a̱nmaya̱ jiinia nu mesetan najata nupetak máwartatui.

Apu. 12:17

Túramtai nuwa̱n ti kajerak ni wea chíkich írunna nuja̱i̱ mánaiktaj tusa wemai. Nu shuarsha Yus akupkámun umirainiak Jesusan ti shiir áujmatenakui niji̱a̱i̱ mánaiktaj tawai.

Apu. 13:1

Nuyá̱ nayantsa kaanmatkari̱i̱n wajasan nayantsanmaya̱ Yajasman jíiniun wainkiamjai. Muuke̱sha siátitiat kachuri̱ tias tura akuptai̱ tawaspasha tias armai. Ashí muuke̱n Yusan yajauch chicharin tu áarmauyi.

Apu. 13:17

Entsaya̱ Yajasma náari̱n tura wakerakka ni naari̱ númiruri̱n anujtúktiniuyi. Túrachuka sumatnasha sumakchamniuyi, surutnasha surukchamniuyi.

Apu. 13:4

Túrawar nin tikishmátrar shiir awajsar “¿Yaki jú̱ja̱i̱sha jeá. Imiá kakaram asamtai yaki niji̱a̱i̱ mánaikminiait?” tiarmai. Tura Ti Kajen Yajasma ni kakarmari̱n Entsaya̱ Yajasman susa asamtai ashí aents nincha tikishmátrarmai.

Apu. 16:13

Tura nuyá̱ ju̱na wainkiamjai. Ti Kajen Yajasma wene̱ya̱sha, Entsaya̱ Yajasma wene̱ya̱sha tura núnisaṉ peṉké Kukaria̱ Yajasma ántar yúsnan etserniua nuna wene̱ya̱sha puachia núnin yajauch wakan menaint jíiniarmai.

Apu. 17:6

Nu nuwa̱sha Yus shuar Krístunun etserkar máwarma ainia nuna numpe̱n nampekuyi. Nuna wainkian ti enentáimturmajai.

Apu. 17:8

Nu yajasma wainkiam nuka yaunchu pujuwiti tura yamaikia ju̱i̱ pujachiat amúamunam tuke játsuk náṉkatkachu wá̱a̱nmaya̱ jiinkittiawai. Shuar nuna wáinkiar ni naari̱ tuke iwiaaku pujutai̱ papinium yámankamtaikniumia̱ anujtúkchamua nuka nu yajasman ashamkartatui. Nu yajasma yaunchu pujú yamaikia atsayat atak wantinkiattawai turutmiai.