Apu. 12:9 - Yus Papí: Shuarja̱i̱ Yus Yamaram Chicham Najanamu

⁹ Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.

Apu. 12:9 Iomraidhean Croise

Naṉ. 3:1

Kame Uunt Yus ashí yajasman najankamia nuyá̱ nápikia ti anermauyayi. Nisha nuwa̱n jearí aníak “¿Nekasaṉ Yus ashí numí neré̱ yúashtiniaitrume turammarum?” tímiayi.

Naṉ. 3:13

Nuyá̱ Uunt Yus nuwa̱n aníak “¿Urukamtai ántutskesha yuam?” tímiayi. Tutai nuwa̱sha aya̱k “Napi anaṉkruamtai yuajai” tímiayi.

YKan. 109:6

Yusan enentáimtichua nu wajatki̱ kajerkati tura sumamtikiartinia nu untsuurí̱ni̱ pujusti. Sak. 3:1

Isa. 14:12

Yáṉkuamia núnis tsáapninia uchiri̱yá nayaimpinmaya̱sha ¡itiur iniarchamea! Ámeka ti kakaram ashí nuṉkanmaya̱ aents yajauch awajainia asam nuṉká aju̱a̱muitme.

Isa. 27:1

Nu tsawantinkia Uunt Yus uunt ainia nú nuṉkaya̱n kakarmaja̱i̱ akupin ainia nunasha puyá̱ esarmaja̱i̱ tura péṉker atsakamuja̱i̱ kakaram asutiáwartatui.

Isa. 65:25

Nuiṉkia rúpu ya̱wa̱sha̱ murikji̱a̱i̱ métek sa̱a̱kin yuáwartatui tura úunt ya̱wa̱sha waaka áintsaṉ sa̱a̱kin yútatui. Nuyá̱ napisha nuṉkan ju̱yu̱ri̱n yútatui. Tura yajauch awajnáikiatniusha núnisaṉ emesnaikiatniusha Winia akantúkma náintrui̱ṉkia atsuttawai” tawai Uunt Yus.

Isk. 28:16

Ámeka sumakam súramna nuja̱i̱ tí kuitrintin ajasam tí kajen yajauch najanaram tunáa túramiame. Túrawakmin Yusa náintri̱ya̱ṉ, kirupín wainniu, kaya keamunmaya̱ṉka Wi ji̱i̱ki̱ aju̱i̱miajme.

Mat. 13:39

Tura íwianch ii nemasri̱ asa yajauch nupa̱n arakuiti. Tura nuṉka amúamunam Yusa suntari̱ arakan júuktinia áintsaṉ shuaran yaruaktatui.

Mat. 24:24

Untsurí shuar Krístuitjiai tuinia nu wantinkiartatui. Untsurí ‘Yúsnan etserniuitjiai’ tiártatui. Tura shuaran anaṉkataj tusar aents tujintiamun iniakmasartatui. Tura ti kakarman túruiniak Yus shuarnasha anaṉkamin áiniakuiṉkia anaṉkawarainti.

Mat. 25:41

Tura Úunt Akupin menaari̱ni̱ wajainian chichainiak ‘Atumsha yajá wetarum. Yajauchiji̱a̱i̱ yumiṉkramuitrume. Yus iwianchi uuntri̱ ni suntari̱ji̱a̱i̱ tuke kajinkiashtin jinium apeatniua nui̱ atumsha wétatrume.

Mat. 4:1

Nu túrunamtai Yusa Wakaní̱ Jesusan iwianchji̱a̱i̱ nekapmamtiksattsa aents atsamunam jukimiayi.

Mat. 4:10

Tutai Jesus chichaak “Werumta iwianchi uuntri̱yá. Yus Papinium aarma awai ‘Ame Úuntrum Yusak tikishmátrata tura Niṉki shiir awajsata’ tawai” tímiayi.Muis. 6:13

Mat. 4:5

Tutai iwianchi uuntri̱ Jerusaréṉnum jukí̱ Yusa Uunt Je̱e̱ taṉkiri̱ pakarí̱n iwiak

Mat. 4:8

Ataksha iwianchi uuntri̱ naint yakí̱ wájakmanum iwiakmiayi tura nuyá̱ ashí nuṉkanmaya̱ péprun shiira nuna iniaktusmiayi.

Ruk. 10:18

Tutai Jesus chichaak “Ee, Wisha nayaimpinmaya̱ peem peetna núnisaṉ iwianchi uuntri̱ Satanásan akaikí̱ iniaan wainkiamjai.

Ruk. 13:16

Tura ju̱ nuwa̱sha atumí shuari̱ Aprajám shuarnumia̱ akiiniaiti. Ni tiasiúchu uwí iwianchi uuntri̱ Satanás yajauch awajás jiṉkiamuyayi. Nincha ayampratin tsawant ai̱ṉᵏⁱ yajauch awajsámunmaya̱ atíachminkiait” tímiayi.

Ruk. 22:3

Nuiṉkia Jútas Iskariúti enentái̱n íwianch wai̱ntiamiayi. Nú Jútaska Jesusa unuiniamuri̱i̱n páchitkiauyayi.

Ruk. 22:31

Nuyá̱ Uunt Jesus chichaak “Nekaata, Semuṉká. Trikiu neré̱ tsatsamátniua áintsaṉ iwianchi uuntri̱ Satanás atumí enentái̱n páchim enentáimtikramprataj tusa seayi.

Ruk. 8:12

Jintiá iniaaru tana nuka shuar aya ántana nuna nakumui. Yusan nekas enentáimtus uwempracharti tusa íwianch wárik taa nu chichaman ni enentái̱ya̱n júawai.

Juaṉ 12:31

Yamaikia nuṉkanam makumatin jeayi. Tura iwianchi uuntri̱ ju̱ nuṉkanam akupniua nu nupetnak ajapnattawai.

Juaṉ 14:30

Jú̱ nuṉkanmaya̱n akupin winiakui atumji̱a̱i̱ núkap chichaschattajai yamaikia. Wíniaka nupettukchamniaiti.

Juaṉ 16:11

Tura ju̱ nuṉkanam akupniúnka Yus súmamtikia asa shuarnasha súmamtikiamniaiti. Nuna paant nekaawartatui.

Juaṉ 8:44

Atumí aparí̱ṉkia iwianchi úuntri̱nti. Tura niniu asarum ni wakera nu túrarme. Yámankamtaiksha iwianchi úuntri̱ṉkia tuke maṉkartiniaiti. Nekas ana nunasha nakitiawai tuke wáitrin asa. Wáitraksha níniunak chichaawai. Iis, waitia uuntri̱ asa tuke wáitriniaiti.

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

Tur. 5:3

Túramtai Pítiur chichaak “Ananíasa ¿urukamtai iwianchi uuntri̱ enentáimin eṉkemturmamtai Yusa Wakaní̱n anaṉkataj tusam nuṉka surukam kuit achikiumna nu akankám ikiurmásum?

Rum. 16:18

Nu shuar ii Uuntri̱ Jesukrístunun takainiatsui. Antsu ni wakeramun uminiawai. Tura ti shiir chichasar nékachun anaṉkenawai.

Rum. 16:20

Yus tuke shiir pujustinian amawa nu ti wárik iwianchi úuntri̱n Satanásan nupetturmaktatui. Tura ii Uuntri̱ Jesukrístu shiir yaintmakarti.

2 Kur. 11:14

Nusha urukaku túmait tíchamniaiti. Warí, imia Satanáskesha “nayaimpinmaya̱ akatrámuitjiai” tumá átaj tusa wekaatsuk.

2 Kur. 11:3

Túrasha íwianch ni nekatairi̱ji̱a̱i̱ emka nuwa̱ Éwan anaṉkamia nútiksaṉ atumniasha Yusa jinti̱ya̱ awajimtikramar Kristu aneashtinian enentáimtikramprarmatai anaṉkamu ái̱rum tusan tsuutajrume.

2 Kur. 12:7

Wi nayaimpiniam wainkiamajna nu timiá peṉker asamtai ántar waantu enentáimtumaschatniun jaṉki mesertinia núnisaṉ winia aya̱shrui̱ najaimiatniun sunasmiajai. Nuka wi wáitsatin Satanásnumia̱ akupkámuiti.

2 Kur. 2:11

Kame iwianchi uuntri̱ Satanás iin emestampratajtsa wakerana nusha nékaji. Tuma asamtai túrawa̱i̱n tusar tsaṉkuratniuitji.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

Ipi. 4:14

Tura uchia núnisar áchattaji. Úchikia ashí yamaram chichaman antukar wari yapají̱i̱niawai. Tura anaṉkartinia chichame̱n antukar waaku áiniawai. Kame nu anaṉkartin shuar ti paant chichayataṉ ni shiir chichame̱ja̱i̱ anaṉkatniun pujurénawai.

2 Tis. 2:3

Peṉké anaṉnawairap. Nekaatarum. Nu tsawant jeatsa̱i̱ṉ Yusai̱ya̱ kanaktin átatui. Tura nú arant, Tuke Tunaarintin, emesnartatna nu wantinkiattawai.

1 Tim. 2:14

Tura Yus timian umirkach Ataṉka anaṉnachmiayi. Antsu Ewa anaṉna asa tunaan túramiayi.

2 Tim. 3:13

Tura ashí anaṉkartin ainia nusha kame ashí yajauch shuarsha nú yajauch túrukiar wétatui. Iwianchji̱a̱i̱ anaṉkamu ásar chikichnasha anaṉkiar wéartatui.

Isr. 2:14

Tura nu uchi aents ásarmatai núnisaṉ Jesussha aents ajasmiayi. Tura aents ajas jaka iwianchin jatai̱ nérenniuri̱n ashí emesramiayi.

1 Pit. 5:8

Aneartarum tura íimiastarum. Íwianch atumí nemasri̱ ana nu, úunt ya̱wa̱a nuke yanak emesraintiaj tusa e̱a̱k tentá wekaawai.

1 Jṉ. 5:19

Iikia nekas Yúsnaitji tura ashí ju̱ nuṉkanmaya̱ shuar iwianchnia áiniawai.

Jut. 1:9

Antsu Mikiair, nayaimpinmaya̱ suntara kapitiántri̱ntiat, iwianchji̱a̱i̱ mániak Muisaisa aya̱shi̱n akasmatak “ániumsha” tu chicharkachmiayi. Antsu áyatik “Yus iirmasti” tímiayi.

Apu. 12:12

Tuma asamtai nayaimpiniam pujarmena nusha warastarum. Antsu nuṉká tura entsá pujarmena nusha iwianchi uuntri̱ atumín tarutmarmatai, maa, waitnentajrume. Ni tsawantri̱ ishichik ajatésman nekáa ti kajekuiti” timiai.

Apu. 12:3

Tumai̱ ataksha ti enentáimpramnia nayaimpiniam wantinkiamai. Ti Kajen Yajasma kapa̱a̱ku wantinkiamai. Muuke̱sha siati asa siati akuptai̱ tawaspan etseṉkraku armai. Tura kachurí̱sha tiásauyi.

Apu. 12:7

Nuyá̱ nayaimpiniam meset amai. Nayaimpinmaya̱ suntara uuntri̱ Mikiair ni suntari̱ji̱a̱i̱ Ti Kajen Yajasmaja̱i̱ mánaikiarmai. Ti Kajen Yajasmasha ni suntari̱ji̱a̱i̱ ti mánaikiarsha

Apu. 12:8

nupetmakcharmai. Túramtai nayaimpinmaya̱ ji̱i̱ki̱ akupkámuyi.

Apu. 13:14

Tura Entsaya̱ Yajasma súam aents túrachminian tí turak ashí nuṉkanmaya̱ aentsun anaṉkawarmai. Túrak Entsaya̱ Yajasma nakumkamuri̱n najanawarat tusa akupkámai. Túramtai puya̱ja̱i̱ peṉké jakamnia awatmia péṉker ajasma nuna nakumkamuri̱n najanawarmai.

Apu. 16:14

Íwianch áiniak aents tujintiamun túruiniak ashí nuṉkanmaya̱ akupniun irurarmai. Ti Tujintkiachu Yusai̱ ni uunt tsawantri̱ jeamtai mesetan najanatai tusar weriarmai.

Apu. 18:2

Tura ti kakantar chichaak timiai “Pai, Uunt Papirúnia peṉké meserai. Tura yamaikia íwianch matsamtaisha ashí yajauch wakaní̱ pujutái̱ri̱sha ajasái. Mui̱jmiai̱ nanamtincha tura ashí yajauch nanamtin ainia nusha nui̱ pasuṉmainiawai.

Apu. 18:23

Shiripkincha ekemákchartatui. Nuatma nampersha antunkashtatui. Nuikkia ni shuari̱ súrin arma nu ashí nuṉkanam naṉkamantu armai. Tura ashí nuṉkanmaya̱ aentsun waweatniua áintsaṉ niya núnis ajasarat tusa anaṉkawarmai. Túrasha núnisaṉ ti kakarmaitiat ju̱ mash túrunayi.

Apu. 19:20

Tura nu mesetnum Yajasmasha tura Kukaria̱ Yajasmasha, peṉké ántar yúsnan etserniua nu, mái̱ achintkiarmai. Nuikkia Entsaya̱ Yajasma ni kakarmari̱n súam nu Kukaria̱ Yajasmaka aents tujintiamun tí turak shuaran anaṉkawarmai. Túramtai nu aents Entsaya̱ Yajasma náari̱n apujmamsar ni nakumkamuri̱n shiir awajsarmai. Tuma asamtai Entsaya̱ Yajasmancha tura Kukaria̱ Yajasmancha íwiaakuk asupriji̱a̱i̱ ti keá nu ji antumiaṉnum apeáwarmai.

Apu. 2:13

‘Ashí ame túram nuna nékajai. Iwianchi uuntri̱ Satanás akupea nui̱ pujayatmek tuke shiir enentáimturmena nuna nékajai. Winia shiir umirtínian Ántipasan máwarmataisha Winia enentáimtursatin ishichkisha iniaitiuschamame. Nusha íwianch pujutai̱nium pujakrumin túrunamai.

Apu. 2:24

Tura chíkich shuar Tiatiranmaya̱tiram nú chicham enentáimtuscharmena nu “nekas iwianchnia u̱kma” tutaiya nu nékachu asakrumin atakka túratniun patatkashtatjarme.

Apu. 2:9

‘Ashí ame túram nuna nékajai. Ti wáitiam nunasha tura kuítrinchaitmena nunasha nékajai. Antsu Yusai̱ṉkia ti kuítrinniuitme. Tura shuar iwianchi uuntri̱ Satanása shuari̱ áiniayat “Israer shuaraitjiai” tuíniak yajauch áujmatramena nuna nékajai.

Apu. 20:10

Tura iwianchi úuntri̱n nin anaṉkawarmia nu asupriji̱a̱i̱ keá ji antumiaṉ kuamunam aju̱a̱mai. Nú yaunchusha Entsaya̱ Yajasmasha tura Kukaria̱ Yajasmasha peṉké ántar yúsnan etserniua nu, nui̱ aju̱a̱warmai. Nui̱sha tsawai̱sha káshisha iniaṉnatsuk ti wáitsartatui.

Apu. 20:8

Túram ashí nuṉkanmaya̱ aentsu anaṉkawartaj tusa jiinkittiawai. Kuk nuṉkanmasha tura Makuk nuṉkanmasha ashí pujuinia nuna anaṉkawartatui. Tura mesetan najanataj tusa ni suntari̱n nekapmarchamnia ti untsurí irurtatui.

Apu. 3:9

Wátsek. Shuar wáitruiniak “Israer shuaraitjiai” tuíniayat iwianchi uuntri̱ Satanás shuar áiniawai. Nu shuaran nekas ámin aneajna nuna nekaawarat tusan amiini̱ tikishmátkiarartatjai.

Apu. 9:1

Nuyá̱ Yusa suntari̱ seṉkua nu, kachun umpuarmatai yaan nayaimpinmaya̱ nuṉká inian wainkiamjai. Tura nu yaan tunáa shuar jákaru matsamtai̱ yawiri̱ susamuyi.

Apu. 9:20

Tura nuja̱i̱ jákacharmia nú shuar yajauch túratniun peṉké iniaisacharmai. Tura yajauch wakanniasha tura najankamu yusnasha tikishmátratniun iniaisacharmai. Nu ántar yus kuriji̱a̱i̱, kuitji̱a̱i̱, yaṉkú jiruja̱i̱, kayaja̱i̱, numiji̱a̱i̱ najanamu ásar wainmaktinniasha, antuktinniasha tura wekasatniuncha tujintiainiawai.