Apu. 12:8 - Yus Papí: Shuarja̱i̱ Yus Yamaram Chicham Najanamu

⁸ nupetmakcharmai. Túramtai nayaimpinmaya̱ ji̱i̱ki̱ akupkámuyi.

Apu. 12:8 Iomraidhean Croise

Juup 7:10

Nuya̱ṉka ni je̱e̱nkia atakka waketki̱ táchattawai tura ni pujutái̱ri̱nkia peṉké wainniakchattawai.

YKan. 129:2

Natsa ámiaj nuya̱n núkap wáitkiarsarmai. Túrasha wíniaka nupettukcharmai.

YKan. 13:4

Túrunamtai winia nemasur chichartak “Nupetkájai” turutiara̱i̱ṉ. Nu arantcha wi atajkintramtai winia nemasur warasarainti.

YKan. 37:10

Yusan umircha ainia nuka ishichik tsawant pujus amuukartatui. Ni pujutái̱ri̱n iyamsha nui̱sha atsuartatui.

Jrm. 1:19

Núnisaṉ ámiji̱a̱i̱sha mánaikiartatui túrasha Wi ámin uwemtikrattsan pujá asamtai peṉké nupettamkachartatui” tawai Uunt Yus.

Jrm. 5:22

Warí ¿Wíniaka ashamprukchattarmek? tawai Uunt Yus. Wikia nayants naṉkanit tusan kaanmatkan ikiusmiajai núnaka ukunmasha peṉké naṉkaikishtiniaiti. ¿Tuma aí̱ṉkik ashamprakrum kúrakrakra ajashtatrum? Tampá tímiatmakuish tuke áchattawai núnisaṉ uu ajak téter ajakush núnaka peṉké naṉkaikishtatui.

Mat. 16:18

Tura Wisha tájame, ámeka Pítruitme. Nu kayanam je̱a̱ je̱a̱mtinia áintsaṉ Yus shuaran ekenin tsakatmartatjai. Túramtai jákatniusha tura Yusa nemasri̱sha nu je̱a̱mman pukukchattawai.

Jut. 1:6

Nayaimpinmaya̱ suntarsha ni pujutái̱ri̱n ajapa ikiukiar Yus susamun umitsuk iniaisarmiayi.Naṉ. 6:1-2 Túrawarmatai Yus kiritniunam jiruja̱i̱ tuke jiṉkiá sepunam apujas pujuráiniawai.1 Pit. 3:19-20; 2 Pit. 2:4 Tura Uunt Tsawant jeamtai súmamtikiawartatui.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Apu. 12:7

Nuyá̱ nayaimpiniam meset amai. Nayaimpinmaya̱ suntara uuntri̱ Mikiair ni suntari̱ji̱a̱i̱ Ti Kajen Yajasmaja̱i̱ mánaikiarmai. Ti Kajen Yajasmasha ni suntari̱ji̱a̱i̱ ti mánaikiarsha

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.

Apu. 20:11

Nuyá̱ akupin pujutai̱n úuntan tura tí pújun wainkiamjai. Tura nui̱ pujancha wainkiamjai. Nisha ti kakaram asamtai nuṉkasha nayaimpisha aya meṉkarar tuke atsúarmai.