Apu. 12:3 - Yus Papí: Shuarja̱i̱ Yus Yamaram Chicham Najanamu

³ Tumai̱ ataksha ti enentáimpramnia nayaimpiniam wantinkiamai. Ti Kajen Yajasma kapa̱a̱ku wantinkiamai. Muuke̱sha siati asa siati akuptai̱ tawaspan etseṉkraku armai. Tura kachurí̱sha tiásauyi.

Apu. 12:3 Iomraidhean Croise

Isa. 27:1

Nu tsawantinkia Uunt Yus uunt ainia nú nuṉkaya̱n kakarmaja̱i̱ akupin ainia nunasha puyá̱ esarmaja̱i̱ tura péṉker atsakamuja̱i̱ kakaram asutiáwartatui.

Tan. 2:41

Nuyá̱ nawe̱nam tura tsara nawe̱nam nuwe̱ jiámuja̱i̱ pachimprar najanamu nuka akupkámu kanakártinian nakumeawai. Túrasha namincha jírua nuka pachimpramu asa májattaku akupkáttawai.

Tan. 2:42

Tura tsara nawe̱ nuwe̱ jiámuja̱i̱ ikiaar namincha jiruja̱i̱ najanamu asa akupeamuri̱sha kakarmaitiat imiancha akuptiatui.

Tan. 7:20

Núnisnak yajasma tias kachura nunasha nuyá̱ chíkich kachu uchich jiinkiui menaint akararmai. Nu kachu uchich jí̱ntin tura wénuntin asa chichaak naṉkamantua núnis kakaram chichaku tura ni tsaníakmari̱ji̱a̱i̱sha ti kakaram ajasu asamtai nekas péṉker nekaattsan wakerakun anintrúsmajai.

Tan. 7:24

Nuyá̱ tias kachuri̱ ainia nuka nú nuṉkanmaya̱ tias akupin jíintrattana nuna nakumui. Núnisaṉ nuna uku chíkich akupin átatui, nusha emka akupin arma núja̱i̱sha naṉkaamas kakaram asa menaintiú akupniun nupetkattawai.

Apu. 12:1

Nuyá̱ nakumkamu ti enentáimpramnia nayaimpiniam wantinkiamai. Nuwa̱ etsa̱ja̱i̱ penuarma wantinkiamai. Nawe̱sha nantunam ekeemai. Tura muuknum tuse yaan etseṉkrakuyi.

Apu. 12:13

Nuyá̱ Ti Kajen Yajasma nuṉká ajapna nuwa̱ áishmaṉkan takusma nuna áintramai.

Apu. 12:17

Túramtai nuwa̱n ti kajerak ni wea chíkich írunna nuja̱i̱ mánaiktaj tusa wemai. Nu shuarsha Yus akupkámun umirainiak Jesusan ti shiir áujmatenakui niji̱a̱i̱ mánaiktaj tawai.

Apu. 12:4

Menaintiú nakakam jean yaan ni ujuké̱ja̱i̱ japiki̱ akakermai. Tura nuṉká utsamai. Nu Ti Kajen Yajasma nu nuwa̱ jatema nui̱ wajasmai. Takusmataik yuruataj tusa wajattsamai.

Apu. 12:7

Nuyá̱ nayaimpiniam meset amai. Nayaimpinmaya̱ suntara uuntri̱ Mikiair ni suntari̱ji̱a̱i̱ Ti Kajen Yajasmaja̱i̱ mánaikiarmai. Ti Kajen Yajasmasha ni suntari̱ji̱a̱i̱ ti mánaikiarsha

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.

Apu. 13:1

Nuyá̱ nayantsa kaanmatkari̱i̱n wajasan nayantsanmaya̱ Yajasman jíiniun wainkiamjai. Muuke̱sha siátitiat kachuri̱ tias tura akuptai̱ tawaspasha tias armai. Ashí muuke̱n Yusan yajauch chicharin tu áarmauyi.

Apu. 13:2

Nui̱ wainkiamaj nu Yajasma nekas úunt ya̱wa̱a ániuitiat nawe̱nka chai̱ nawe̱a ániuyi. Wene̱sha nekas kajen ya̱wá̱a ániuyi. Tura Ti Kajen Yajasma Entsaya̱ Yajasman ni kakarmari̱ncha tura ni akupkatniuri̱ncha susamai nuja̱i̱ ti kakaram akupkati tusa.

Apu. 13:4

Túrawar nin tikishmátrar shiir awajsar “¿Yaki jú̱ja̱i̱sha jeá. Imiá kakaram asamtai yaki niji̱a̱i̱ mánaikminiait?” tiarmai. Tura Ti Kajen Yajasma ni kakarmari̱n Entsaya̱ Yajasman susa asamtai ashí aents nincha tikishmátrarmai.

Apu. 15:1

Nuyá̱ ashammain ti enentáimpramnian nayaimpiniam wainkiamjai. Siati suntar amúamunam wáitkiastinia nuna takusarmai. Nuja̱i̱ ju̱ nuṉkanam yajauch shuaran ti wáitkiasar Yus kajeamun umirtatui.

Apu. 16:13

Tura nuyá̱ ju̱na wainkiamjai. Ti Kajen Yajasma wene̱ya̱sha, Entsaya̱ Yajasma wene̱ya̱sha tura núnisaṉ peṉké Kukaria̱ Yajasma ántar yúsnan etserniua nuna wene̱ya̱sha puachia núnin yajauch wakan menaint jíiniarmai.

Apu. 17:12

Tias kachuri̱ wainkiam nuka tias akupin tuke akupénatsna nuiti. Nisha nu yajasmaja̱i̱ métek peṉké ishichik tsawant akupin ajasártatui.

Apu. 17:16

Tura tias káchuka yajasmanum wainkiam nu, tsanirmatai nuwa̱n nakitrar ajapawar misú ikiukiartatui. Ni aya̱shí̱ncha yuáwartatui tura áesawartatui.

Apu. 17:7

Túrunamtai nayaimpinmaya̱ suntar turutmiai “¿Urukamtai imiá enentáimtam? Wats, ashí nuwa̱nun paant ujaktatjame. Núnisan yajasma ekenak júana nunasha paant ujaktatjame. Muuke̱sha siátichukait tura kachurí̱sha tiáschak ainia.

Apu. 19:12

Ni ji̱sha jiji̱a̱i̱ métek keearmai. Muuknumsha akuptai̱ tawaspan untsurí etseṉkrakuyi. Nui̱ ni naari̱ Yus Chicham áarmauyi. Túrasha tana nuna Niṉki takamtsuk nekaamai. Numpaja̱i̱ eṉkerman entsaruyi.

Apu. 20:2

Nu suntarsha Ti Kajen Yajasman jiru kampurmaja̱i̱ jiṉkiamai. Nu Yajasma iwianchi uuntri̱ Satanás tutainti. Nisha Yáunchuya̱ napiti. Tura nu iwianchin jiṉkiá mir uwí pujusat tusa