Apu. 12:11 - Yus Papí: Shuarja̱i̱ Yus Yamaram Chicham Najanamu

¹¹ íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Apu. 12:11 Iomraidhean Croise

Ruk. 14:26

“Shuar ni aparí̱ncha, ni nukurí̱ncha, nua̱ri̱ncha uchirí̱ncha, yachi̱ncha, umai̱ncha Wiji̱a̱i̱ naṉkaamas enentáimtakka tura shiir pujustinian wakerak Winí̱ winitniun nakitiakka winia unuiniamur ajaschamniaiti.Mat. 10:34-39

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Tur. 20:24

Kame wikia jákashtajash. Túrasha warí winia itiurtawa. Wikia Yusa jinti̱i̱n warasan wekasataj tusan wakerajai. Yusai̱ wea wéakuan jáakun iniaisataj tajai. Tura nuyá̱ takatan Uunt Jesus surusmia nuna péṉker amuktaj tusan wakerajai. Jesus chichartak ‘Yus waitnenkartana nú chicham etserkata’ turutchamka.

Tur. 21:13

Tutai Papru chichaak “¿Urukamtai útkuram winia enentái̱rui̱ kúntuts awajtarum? Wi Jesusna asan Jerusaréṉnum jiṉkiatrarmataisha jákatniun ashamatsjai” tímiayi.

Rum. 16:20

Yus tuke shiir pujustinian amawa nu ti wárik iwianchi úuntri̱n Satanásan nupetturmaktatui. Tura ii Uuntri̱ Jesukrístu shiir yaintmakarti.

1 Kur. 15:57

Antsu yamaikia ii Uuntri̱ Jesukrístu túramuja̱i̱ jákatniunka Yus nupetrutmakuiti. Tura iincha nuja̱i̱ uwempratniun amaakui shiir yúmiṉkiaji.

1 Jṉ. 4:4

Uchiru, átumka Yusna asarum Yus atumí enentái̱n pujawai. Tura ju̱ nuṉkanmaya̱ shuara enentái̱n íwianch pujawai. Atumíin pujana nuka niji̱a̱i̱ naṉkaamas kakaram asamtai wáitrin ainia nu nupetkaitrume.

1 Jṉ. 5:5

Aya “Jesus Yusa Uchirí̱nti” tu enentáimtana nú shuar ju̱ nuṉkanmaya̱ ana nuna awakkamniaiti.

Apu. 1:2

Yus timia nunasha tura Jesukrístu ujatkámia nunasha tura wi íismaj nunasha ti paant aya nekasa nuna tajai. Peṉké wáitratsjai.

Apu. 1:9

Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

Apu. 11:7

Tura ni takatrí̱n umikiarmatai Ti Kajen Yajasma náṉkatkachu wa̱a̱nmaya̱ jiinia nu mesetan najata nupetak máwartatui.

Apu. 12:17

Túramtai nuwa̱n ti kajerak ni wea chíkich írunna nuja̱i̱ mánaiktaj tusa wemai. Nu shuarsha Yus akupkámun umirainiak Jesusan ti shiir áujmatenakui niji̱a̱i̱ mánaiktaj tawai.

Apu. 19:10

Takui̱ nu Yusa suntari̱n shiir awajsataj tusan tikishmátramjai. Túramtai chichartak “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” turutmiai. Kame Jesus imiá nekas tiniua nuna ashí átatna nuna wakaní̱nti.

Apu. 2:13

‘Ashí ame túram nuna nékajai. Iwianchi uuntri̱ Satanás akupea nui̱ pujayatmek tuke shiir enentáimturmena nuna nékajai. Winia shiir umirtínian Ántipasan máwarmataisha Winia enentáimtursatin ishichkisha iniaitiuschamame. Nusha íwianch pujutai̱nium pujakrumin túrunamai.

Apu. 2:17

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka maná yurumkan u̱kma nuna ayurattajai. Nuyá̱ kaya pújun susattajai. Nu kayanam yamaram naari̱ aarma átatui. Nunasha chíkich shuarka peṉké nékatsa̱i̱ṉ aya achía nuke nekaattawai.’ Tu aartá” turutmiai.

Apu. 2:26

Nupetmakunka Wi wakeraj nunak tuke iniaitsuk túrana nuna untsurí nuṉkanam akupkatniun tsaṉkatkattajai.

Apu. 2:7

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka tuke iwiaaku pujutai̱ numi nere̱n yúatniun tsaṉkatkattajai. Nu numi Yus pujana nui̱ wajaawai.’ Tu aartá” turutmiai.

Apu. 20:4

Nuyá̱ akupin pujutai̱nium pujuinian wainkiamjai. Tura shuara túramuri̱n íirsarat tusa kakaram sunasarmai. Tura núnisaṉ muuke̱ tsupirka maamu wakaní̱ncha wainkiamjai. Nusha Yusa Chichame̱n etserainiak tura Kristu Chichame̱ncha etserin ásar maamu armai. Nisha Entsaya̱ Yajasmancha ni nakumkamuri̱ncha tikishmátracharu armai. Núnisaṉ náari̱ncha nijia̱i̱niumsha tura uwejnumsha anujmamprakcharu armai. Nu shuar ataksha nantakiar emka nantaktin tsawantnum pachinkiarmai. Túmainiak Krístuja̱i̱ métek mir uwí akupeamun wainkiamjai. Antsu chíkich jákaruka mir uwí naṉkamatsa̱i̱ṉ nantakcharmai.

Apu. 3:12

Nupetmakunka winia Yusru je̱e̱ pauri̱n awajsattajai. Tura nuyá̱ peṉké jíinkichartatui. Tura nin winia Yusru náari̱n áatrattajai. Tura winia Yusru pépruri̱ náari̱ncha áatrattajai. Nu pépruka nayaimpinmaya̱ yamaram Jerusaréṉka Yusai̱ya̱ tara núiti. Núnisaṉ winia yamaram náarun nin áatrattajai.

Apu. 3:21

Nupetmakuka akupin pujutai̱nium Wiji̱a̱i̱ pujustatui. Wisha núnisnak nupetmaku asan winia Aparja̱i̱ akupin pujutai̱nium pujusuitjiai.

Apu. 3:5

Nupetmakuka pushí pújun entsartatui. Tura iwiaaku átinia nu papiniumia̱ ni naari̱ áarman japirashtatjai. Antsu winia Apar tura ashí nayaimpinmaya̱ suntar íimmianum shiir áujmattsattajai.

Apu. 6:9

Nuyá̱ Murik asakamu séṉkun já̱a̱kmatai Yus sutai kuṉkuin áestutai̱ wakenmaani̱ íismajai. Túran Yus Chichaman etserainiakui máwarma wakaní̱n wainkiamjai.