Apu. 12:1 - Yus Papí: Shuarja̱i̱ Yus Yamaram Chicham Najanamu

¹ Nuyá̱ nakumkamu ti enentáimpramnia nayaimpiniam wantinkiamai. Nuwa̱ etsa̱ja̱i̱ penuarma wantinkiamai. Nawe̱sha nantunam ekeemai. Tura muuknum tuse yaan etseṉkrakuyi.

Apu. 12:1 Iomraidhean Croise

YKan. 104:2

Ame nérentin asam tsáapnintrumji̱a̱i̱ pushí áentsratniua áitkiaitme. Tura nayaimpikia tarach ayapá̱rma nútiksam ikiusuitme.

YKan. 84:11

Jiuwá Yus Ámeka étsa̱yaitme tura tantaraitme. Tura Amek péṉker jintian apapéna nuka waitnentraram páantin awajme túram ashí Amiya̱ péṉkera nuka suritchaitme. Mat. 6:33

Anen. 6:10

‘¿Yait tsawa̱a̱k tsáapin awajeana nútikia tura nantua núnin shíirmachia ju̱sha, etsa̱ etsantar tsáapin awajna aitkia ju̱sha, tura suntar mániktaj tusa iwiarnarua núninia ju̱sha?’

Isa. 61:10

Kame wikia Uunt Yusai̱ tí shiir warastatjai tura winia Yusruí̱ tí shiir enentáimsattawai. Warí pushincha Ni áentsturua núnis uwempratniun surusuiti tura nekasa nuja̱i̱ métek túrutai̱ awaṉkémnasha ikiurtusuiti. Nuyá̱ áishmaṉ nuatua núnis akupin etseṉkrutai̱n ikiurtus nuwa̱ nuatnak kuri najankamuja̱i̱ iwiarmamna tímiatrus iwiarmamtikruruiti.

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Mat. 12:38

Pariséu shuarsha Israer shuara jintinniuri̱sha Jesusan chicharuk “Uuntá, ame Yusai̱ya̱itjiai tusam nayaimpinmaya̱ kakarmaja̱i̱ iniakmamu túrata, iisha wáinkiatai” tiármiayi.

Mat. 24:30

Nui̱kia Wi Aents Ajasuka tátiniur paant átatui. Tura ashí nuṉkanmaya̱ aents Wi winiái̱ wáitkiar asuttiámattaji tusar úttiartatui. Wisha ti kakaram tura Yusa winchari̱ji̱a̱i̱ yuraṉminiam winiái̱ wáitkiartatui.Tan. 7:13

Mar. 13:25

Yaasha nayaimpinmaya̱ kakekartatuiIsa. 13:10; Juir 2:30-31 tura nayaimpiniam kakaram ainia nu muchitrartatui.

Ruk. 21:11

Tí ú̱u̱rkattawai. Untsurí nuṉkanam tsukasha, suṉkursha ti átatui. Nayaimpinmasha ti ashammai náṉkamas túrunattawai. Nuja̱i̱ Yus ni kakarmari̱n iniakmastatui.

Ruk. 21:25

Nuiṉkia etsanmasha, nantunmasha, yáanmasha Yuska ni kakarmari̱n iniakmak nusháa túrattawai. Nuṉkanmasha ashí aents páchim enentáimprartatui. Tura nayantsanam chíchimi ti aku tantá ajakui ti ashamkartatui.

Juaṉ 3:29

Kame shuar nuwa̱n nuatna nuna áishri̱nti. Nuatnaiyak áishmaṉ nuwa̱ja̱i̱ áujnaiyakui ni amikrí̱sha nuna antukar ti warainiatsuk. Wisha núnisnak aents Jesusai̱ wénakui ti waraajai.

Tur. 2:19

Yakí̱ nayaimpiniam aents túrachminian iniakmastatjai. Tura nuṉkanmasha winia kakarmarun iniakmastaj tusan numpancha, jiniasha, mukuintiuncha yuraṉmia áintsaṉ akupkáttajai.

Rum. 13:14

Ii Uuntri̱ Jesukrístu túramia núnisrik túratai. Tura ii aya̱shí̱ wakeramu umikiat tusar tsaṉkatkashtiniaitji.

Rum. 3:22

Antsu iisha ashí shuarsha núnisaraṉ aya Jesukrístu shiir enentáimtakrin Yus “péṉkeraitme” túramniaitji.

2 Kur. 11:2

Atumniasha Krístunak anajmamtikrajrume. Tura nuwa̱ chíkich áishmaṉkan nékatsuk ni áishri̱ji̱a̱i̱ṉᵏⁱ nuatnaiya núnisrumek átum chikicha chichame̱ umirtsuk aya ni chichame̱ṉᵏⁱ umíakrumin Kristui̱ ejetaj tusan wakerajrume. Nuna túrataj tusan atumín akasmatajrume. Nu akasmaktinian Yus surusuiti.

Kar. 3:27

Ashí Kristu náari̱i̱n imiaimiutirmeka Kristua áintsaṉ ajasuitrume.

Kar. 4:26

Antsu ashí Yus shuarti uwempra asar imiankas aṉkant pujaji. Nayaimpinmaya̱ Jerusaréṉnumia̱ áentsuitji. Nuyá̱ aentsti tuke aṉkant pujuiniaji. Nuyá̱ aents asakrin nu yakiya̱ Jerusaréṉka ii nukurí̱ya áintsaṉ enentáimpramniaiti.

Kar. 6:14

Antsu wikia aya ii Uuntri̱ Jesukrístu krúsnum jakamunak wararsatniun enentáimjiai. Tu enentáimkiun Kristu krúsnum jakamia áintsanak ju̱ nuṉkanmaya̱ ana nuna jaka áintsaṉ páchiatsjai, tunaanum winia útsutkatin atsawai.

Ipi. 5:32

Nusha Kristu ni shuari̱ji̱a̱i̱ tsaniṉmán tawai. Nuka yaunchu nekaachma yamaikia nekanaiti tura ti enentáimturtiniaiti.

Apu. 1:20

Wáinmena nu jú̱nisaiti. Siati shirikip ikiutai̱ kúrik wainkiam nu siati péprunam Yus shuar írunun nakumeawai. Tura winia untsuurui̱ni̱ siati yaa wainkiam nu siati péprunmaya̱ Yus shuaran wáinniun nakumenawai” turutmiai.

Apu. 11:19

Tuíniakui Yusa Uunt Je̱e̱ nayaimpiniam ana nu uranmiatai wakenmaani̱ Yus Aentsja̱i̱ Chícham Najanamu Eṉketai̱ paant amai. Túrunamtai peemsha, ipiamtasha, cháarpisha, u̱u̱sha armai tura michasha tí kakekamai.

Apu. 12:3

Tumai̱ ataksha ti enentáimpramnia nayaimpiniam wantinkiamai. Ti Kajen Yajasma kapa̱a̱ku wantinkiamai. Muuke̱sha siati asa siati akuptai̱ tawaspan etseṉkraku armai. Tura kachurí̱sha tiásauyi.

Apu. 15:1

Nuyá̱ ashammain ti enentáimpramnian nayaimpiniam wainkiamjai. Siati suntar amúamunam wáitkiastinia nuna takusarmai. Nuja̱i̱ ju̱ nuṉkanam yajauch shuaran ti wáitkiasar Yus kajeamun umirtatui.

Apu. 21:14

Ti uunt kaya tuse apujsamu armai. Tura nui̱ ekenir péṉkramuyi. Nu tuse kayanam Murikiu akatrámuri̱ tuse armia nuna naari̱ áarmauyi.

Apu. 21:23

Nú peprunmasha tsawái̱ nantusha kashí nantusha atsumchamai. Antsu Yusa winchari̱ tsáapin awajmiai. Núnisaṉ Muriksha tsáapin awajmiai.