Apu. 11:7 - Yus Papí: Shuarja̱i̱ Yus Yamaram Chicham Najanamu

⁷ Tura ni takatrí̱n umikiarmatai Ti Kajen Yajasma náṉkatkachu wa̱a̱nmaya̱ jiinia nu mesetan najata nupetak máwartatui.

Apu. 11:7 Iomraidhean Croise

Tan. 7:25

Túmak Ashí Naṉkamantu Yusan yajauch chichartiatui tura Yusna ajasár tunaarincha ainia nunasha wáitkiasartatui. Ántsaṉ nampernasha nuyá̱ akupkámu chichamnasha yapaji̱áttsa wakerittiawai. Kame menaintiú uwí nuyá̱ sais nantu Yusna nu tsaṉkatkamu ártatui. Apu. 11:2-3; 12:14; 13:5-10

Ruk. 13:32

Tutai Jesus chichaak “Werirum nú ku̱jancham chicharkuram ‘Iistá. Yamaisha ishichik tsawantin iwianchin jí̱i̱kin akupkartatjai túran jaancha tsuárartatjai. Tura ukunam amuktatjai’ tawai titiarum.

Ruk. 8:31

“Iin uunt wá̱a̱nam ii jiinkimiaj nuiṉ akuptúkam amutkaip” íwianch Jesusan seawarmiayi.

Juaṉ 17:4

Ashí túratniun akuptúkmamna nuna amukuitjiai. Túran ju̱ nuṉkanam shiir awajsaitjiame.

Juaṉ 19:30

Jesussha churuinian naje̱kaa “Ashí túrunatniua nu mash uminkiai” tímiayi. Nuna ti, muuke̱n nená jakamiayi.

Tur. 20:24

Kame wikia jákashtajash. Túrasha warí winia itiurtawa. Wikia Yusa jinti̱i̱n warasan wekasataj tusan wakerajai. Yusai̱ wea wéakuan jáakun iniaisataj tajai. Tura nuyá̱ takatan Uunt Jesus surusmia nuna péṉker amuktaj tusan wakerajai. Jesus chichartak ‘Yus waitnenkartana nú chicham etserkata’ turutchamka.

2 Tim. 4:7

Shuar kakaram mánainia núnisnak tuke kakaram takasmajai. Tséken péṉker tsékea áintsanak yawe̱tsuk takasmajai. Tura Yus Chichaman nekas akasmatakun péṉker wáinkiaitjiai.

Apu. 11:3

Túruiniakui Wikia Wi shuaran jímiaran akatran akupkáttajai. Nusha mir tusiantu sasaintia tsawant pujusár Winian etserkartatui. Nuka menaintiú uwí naṉkaamasaiti. Útkur entsatái̱ pushin entsaru ártatui” turutiarmai.

Apu. 12:17

Túramtai nuwa̱n ti kajerak ni wea chíkich írunna nuja̱i̱ mánaiktaj tusa wemai. Nu shuarsha Yus akupkámun umirainiak Jesusan ti shiir áujmatenakui niji̱a̱i̱ mánaiktaj tawai.

Apu. 13:11

Nuyá̱ chíkich Yajasman kukaria̱ wáakun wainkiamjai. Nusha murikiua ánin jimiará kachurtiniuyi. Tura Ti Kajen Yajasma áinis kakaram chichaakuyi.

Apu. 13:7

Tura Yusna ainia nuja̱i̱ mesetan najana nupetkatniun tsaṉkatnakmai. Tura ashí nuṉkanmaya̱ aents akupkatniun tsaṉkatnakmai.