Apu. 11:4 - Yus Papí: Shuarja̱i̱ Yus Yamaram Chicham Najanamu

⁴ Nu jímiar shuarsha nayaimpiniam nakumkamu áiniawai. Uriwiu numisha jímiar tura shirikip ekemátaisha jímiar nayaimpiniam awai. Nusha ju̱ nuṉká Uuntri̱ Yusai̱ wajainiak jímiar akatrámua nú shuaran nakumainiawai.

Apu. 11:4 Iomraidhean Croise

1 Akup. 17:1

Tura Irías Tispi péprunmaya̱ Karaatnum pujuya nu Akaapan chicharuk “¡Uunt Yus íimmianum Nin takarin asan ju̱na tajai, Ju̱ uwí naṉkaamasartatna ju̱i̱ṉkia yumisha yutukchattawai tura sanasha sanamákchattawai. Antsu aya wi takui̱ yutuktatui!” tímiayi.

YKan. 52:8

Túrasha wikia Yusa Uunt Je̱e̱nkia uriwiu samek kuku̱jraná ímiatrusan átatjai. Uunt Yusa waitnenkartutairi̱nkia amuicha tuke ana nuna enentáimtustatjai.

Jiin. 8:22

Kame nú tsawantini̱ṉ wí shuar Kusennum pujuinia nui̱ṉkia anchi waya̱wara̱i̱ṉ tusan tsaṉkatkashtatjai. Nuní̱ túramtai Kusennumka Uunt Yus pujawai turutiarat tusan túrattajai.

Isa. 54:5

Warí ame áishrumka ámin Najatma Nuiti. Tura ni náari̱sha Ashí Akupin Úunt Yusaiti. Ame Akikmatramin Israer shuara Yusri̱ Peṉké Tunaarincha nu, Ashí Nuṉkanmaya̱ Yúsaiti tu anaikiamu átatui.

Jrm. 11:16

‘Samek uriwiu péṉker iira tura néreṉka shíiram’ ame náarminkia Uunt Yus jú̱nis anaitiamkaiti. Túrasha yamaikia kakaram ipiamtan aju̱ntar ni nuke̱ṉka áestuktatui tura ni kanawe̱ṉka kupintraru ártatui” tawai Uunt Yus tímiayi.

Ruk. 11:33

¿Shirikip ekemákar ú̱ktinkiait? Pitiaknumsha eṉkeashtiniaiti. Antsu shuar je̱á̱ waya̱na nu paant iimsat tusar yakí̱ ekentsatniuiti.

Ruk. 21:36

Anearum wekasatarum. Túrunattana nui̱ katsuntrataj tusarum Yus aujsa pujustarum. Túrarum Aents Ajasu tutai íimmianum péṉker átaj tusarum túratarum” tímiayi.

Rum. 11:17

Yuska chíkich chíkich Israer shuaran, numí kanawe̱n tsupik ajapniua áinis iniaisámiayi. Tura nuyá̱ atumín niisháa numinmaya̱ árumni̱ṉ nu numiniam anujtamkamarme. Nuja̱i̱ péṉker numiji̱a̱i̱ tsaniṉkrum nu kakarmaja̱i̱ iwiaakrume.

Muis. 10:8

Nu tsawantai̱ Yus Aentsja̱i̱ Chícham Najanamu Eṉketai̱run júkiarat tura Winia takartin armi núnisaraṉ yamaiya̱ tímiaja̱i̱sha Winia náarun pachisar shiir awajtiarat tusa Riwí shuarnaka Uunt Yus akankámiayi. Tuma ásar Riwí shuarka nuṉke̱ncha áiniawai. Warí ni yachi̱ sunasarmia núnaka súsacharmiayi antsu Uunt Yus timia núnisaṉ Riwí shuari̱n sunastin iwiaramuka aya Úunt Yuskete.

Apu. 1:20

Wáinmena nu jú̱nisaiti. Siati shirikip ikiutai̱ kúrik wainkiam nu siati péprunam Yus shuar írunun nakumeawai. Tura winia untsuurui̱ni̱ siati yaa wainkiam nu siati péprunmaya̱ Yus shuaran wáinniun nakumenawai” turutmiai.