Apu. 11:2 - Yus Papí: Shuarja̱i̱ Yus Yamaram Chicham Najanamu

² Antsu je̱a̱ á̱a̱ri̱ṉkia yajaya̱ shuar susamu asamtai nekapmatsuk ikiuktia. Nu shuar ti shiir péprun Jerusaréṉkan kuaraintitús nantu nui̱ akupénak mash yajauch awajsártatui.

Apu. 11:2 Iomraidhean Croise

YKan. 79:1

Yusá, Ámin nekarmachu ainia nu Ame nuṉke̱mi̱i̱n utsanawarai. Tura Ame akantúkma Je̱e̱min arantutsuk ti yajauch awajsarai. ¡Túrawar Jerusaréṉnaka emeskar ikiukiarai!

Isa. 5:5

Wats yamaikia Winia uwa ajarun warí itiurkattaja nuna ujaktatjarme. Yamaikia wenuke̱ncha sa̱a̱rkittiajai túram amukma átatui. Tura tanishri̱ncha sa̱a̱rkittiajai túramtai yajasma naja̱trartatui.

Isa. 52:1

Maa Seuná shintiarta, shintiaram kakaram ajasta. Kame Yusna akantúkma pepru Jerusaréṉka ti péṉker pushiram entsarta. Warí, tsupirnakchaka tura yajauch shuar ainia nuka atakka aminí̱ṉkia peṉké waya̱chartatui.

Ukan. 1:10

Tura nemassha Ame Je̱e̱min ashí shíirmach írunna nuna kasamak yaruakarai. Tura Winia Shiir Awajtai̱ Je̱a̱rui̱ waya̱charti Ame tímiam nui̱ uunt mátsatkamunmaya̱ ainia wáinian Jerusaréṉsha wainkiayi.

Tan. 12:7

Tutai áishmaṉ riniu pushí entsaru entsá pátatek wajá untsuurnumaani̱ tura menanmaani̱ mái̱ uwejé̱n nayaimpinmaani̱ takuí nekas tajai tusa tuke iwiaaku pujuwa nuna pachis chichaak “Kame nuka menaintiú uwí nuyá̱ sais nantu túrunas pujustatui. Kame Yusna ajasár tunaarincha ainia nu akupkatniun kakarmachu ajasártatna nui̱ṉ ashí uminkiattawai” tímiayi.

Tan. 7:19

Nuyá̱ nekaska iniaṉnamu yajasma niisháa iirkau nu yajasmancha nekaataj tusan wakerimjiai. Nu yajasmaka tí tsuumai̱ tura ashamái̱ kakarmauyi. Tura nuna nai̱sha namincha jíruyi tura nanchikí̱ṉkia yaṉkú jíruyi. Kame nusha yukartua amukratuk achia̱rar ampirmancha najatmiai.

Tan. 7:25

Túmak Ashí Naṉkamantu Yusan yajauch chichartiatui tura Yusna ajasár tunaarincha ainia nunasha wáitkiasartatui. Ántsaṉ nampernasha nuyá̱ akupkámu chichamnasha yapaji̱áttsa wakerittiawai. Kame menaintiú uwí nuyá̱ sais nantu Yusna nu tsaṉkatkamu ártatui. Apu. 11:2-3; 12:14; 13:5-10

Tan. 8:10

Nayaimpinmaya̱ suntar írunna ímianai uunt ajasmai tura suntarí̱sha nuyá̱ yaasha irunainia nuya̱ntka ishichik nuṉká aju̱a̱rmai.

Tan. 8:13

Nuya̱ṉka tunaarincha chichaan antukmajai tura chíkich tunaarincha nuna chicharuk “¿Urutáik ímiaja̱i̱k wainma ju̱sha amuukat tura taṉkun áestuatniunka tuke túruki wéartata tura yajauch awajkartincha katsua̱rtata nuyá̱ Yusa Je̱e̱sha tura suntarsha amuturmak ártata?”

Tan. 8:14

Tutai áimiuk “Jimiará mir traisiantu kí̱arai̱sha tura káshiksha ártatui. Nuyá̱ Yusa Je̱e̱nka ataksha imiatkincha awajnástatui” tímiayi.

Wek. 14:34

Tura kuaraintia tsawant nuṉka mamikmakrum wekatúsmarmena nuja̱i̱ métek átum umiktin nakitrámunam chikichik tsawantin chikichik uwí asa kuaraintia uwí asutniáttarme. Kame nuja̱i̱ Wi kajekma nekaattarme.

Mat. 27:53

Nusha emka Jesus nantakmiatai nisha nantakiar iwiarsamun ikiukiar Yusa pépruri̱n Jerusaréṉnum waya̱warmatai untsurí shuar wáinkiarmiayi.

Mat. 4:5

Tutai iwianchi uuntri̱ Jerusaréṉnum jukí̱ Yusa Uunt Je̱e̱ taṉkiri̱ pakarí̱n iwiak

Mat. 5:13

“Átumka ju̱ nuṉkanam wee ana áintsaṉketrume. Túrasha wéeyaitiatrum jeakchaitkiuṉka míchuiti. ¿Nusha itiur yuámniak ati? Antsu ántraiti. Tuma asamtai a̱a̱ najatai tepet tusar aya ajapatniuiti.

Ruk. 21:24

Tura ju̱yá̱ aents mesetnum jákartatui. Tura chikichnaka ashí nuṉkanam misaawar júkiartatui tura yajaya̱ apach, Yúsnan enentáimtuiniatsna nu, ju̱i̱ Jerusaréṉnum waya̱war najakartatui. Nu túratniunka Yus tsaṉkatkana nui̱ṉ túrawartatui.

Isr. 10:29

Núnisaitkiuiṉkia shuar Yusa Uchirí̱n wishikiainiakka ni numpe̱ncha nakitiáiniakka tura waitnenkartutai̱ Wakaní̱ncha katsekainiakka nuna naṉkaamas asutniáchartatuak. Warí ni nakitiana nú numpaja̱i̱ yamaram chicham nekas umirkatin awajsámuyayi. Tura núja̱i̱sha ni tí peṉker awajnástiniuyayi.

Apu. 11:11

Nuyá̱ menaintiú tsawant nuyá̱ naṉkaamas jaka tepesarmatai Yus ataksha iwiaaku awajsarmai. Tura nantakiarmatai nuyá̱ aents nin wáinkiar ti ashamkarmai.

Apu. 11:3

Túruiniakui Wikia Wi shuaran jímiaran akatran akupkáttajai. Nusha mir tusiantu sasaintia tsawant pujusár Winian etserkartatui. Nuka menaintiú uwí naṉkaamasaiti. Útkur entsatái̱ pushin entsaru ártatui” turutiarmai.

Apu. 12:6

Tura núwa̱ka atsamunam pisarmai. Nui̱ pujustinian Yus iwiarturmai. Tura mir tusiantu sasaintia tsawant ayurnat tusa akupkámai. Nuka menaintiú uwí naṉkaamasaiti.

Apu. 21:10

Taku mesekranam naint yakí̱ jurukí̱ Yusai̱ya̱ ti shiir Jerusaréṉ pepru nayaimpinmaya̱ táarun iniaktursamai.

Apu. 21:2

Wi Juaṉ, ti shiir péprun Yusai̱ya̱ yamaram Jerusaréṉkan nayaimpinmaya̱ táarun wainkiamjai. Anajmarma ni áishri̱n iṉkiuṉtaj tusa ti shiir iwiarmampra áintsaṉ tí peṉker iwiaramuyi.

Apu. 22:19

Núnisaṉ shuar ju̱i̱ áarman emeneakuiṉkia Yus ni náari̱n iwiaaku pujutai̱ papiniumia̱ japirattawai. Tura ti shiir péprunam waya̱tniun suritkiattawai. Nu péprusha tura nu papisha ju̱i̱ paant ujakma áiniawai.