Apu. 11:1 - Yus Papí: Shuarja̱i̱ Yus Yamaram Chicham Najanamu

¹ Nuyá̱ karis nekapkan surus turutiarmai “Weme Yusa Uunt Je̱e̱ nekapmarta. Túram taṉku maar Yus sútai̱sha nekapmarta. Tura nui̱ Yusan shiir awajena nusha nekapmarta.

Apu. 11:1 Iomraidhean Croise

Isa. 28:17

Tura sumamtikiatniunka je̱a̱mkur nekapmatai̱ yáraṉkea ánis tura péṉker túratniunka je̱a̱mkur yakiri̱ métek nekapmatai̱ya̱ núnis ikiustatjai. Tura anaṉma ejamtairi̱nkia micha emesturtatui nuyá̱ ú̱mtairi̱ncha entsa ama̱a̱rak amurtatui.

Tan. 7:27

Nuya̱ṉka tunaarincha ainia nuna Ashí Tujintkiachu Yusa akupeamuri̱ aents ásarmatai ashí ju̱ nuṉkanam akupeamu ainia nuna peṉkeri̱n tura kakarmari̱ncha nuyá̱ páantniuri̱ncha nu akupeamun súsartatui. Warí, nu akupeamuri̱ṉkia peṉké naṉkankashtin asamtai ashí nuṉka akupeamunam ainia nusha Yusan shiir awajainiak umirkartatui.’

2 Kur. 6:16

¿Iwiaaku Yusa je̱e̱ncha ántar yus pujustinkiait? Tura atumsha iwiaaku Yusa jé̱e̱ntrume. Yus Niṉki ni Papiri̱i̱n ju̱na tíchamka “Niji̱a̱i̱ tsaniṉkia pujusan niji̱a̱i̱ wekasartatjai tura ni Yusri̱ átatjai tura nisha Wí aents ajasártatui.” Riw. 26:12

1 Pit. 2:5

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

Apu. 10:11

Tura nuyá̱ turutiarmai “Waketkim ataksha ashí nuṉkanmaya̱ shuaran tura ni úuntri̱ncha Yus tana nu ujakártiniaitme” turutmiai.

Apu. 21:15

Suntar wiji̱a̱i̱ chichaua nu, nekapmatai̱n kurin takakuyi. Nuja̱i̱ pépruncha, wáitiri̱ncha tura péṉkramuri̱ncha nekapmartiniuyi.