Apu. 10:5 - Yus Papí: Shuarja̱i̱ Yus Yamaram Chicham Najanamu

⁵ Tura nuyá̱ suntar nayantsanmasha tura kukarsha tarimias wajama nu ni uwejé̱ untsuurí̱n nayaimpinmaani̱ takuimiai.

Apu. 10:5 Iomraidhean Croise

Naṉ. 14:22

Tutai Apram áimiuk “Atsá, Uunt Naṉkamantu Yus nayaimpincha nuṉkancha najanamia nuna náari̱n pachisan ju̱na tájame.

YKan. 146:5

Jakupa Yusri̱n enentáimta nú aentsnaka Uunt Yus yaya̱kui nekas shíiraiti. Kame Uunt Yus yaintkiat tusa nákasminiaiti.

Jiin. 20:11

Warí Uunt Yus nayaimpincha nuṉkancha nayantsancha tura ashí nui̱ írunna nunasha sais tsawantin najankamiayi tura najana umikiu asa siati tsawantiṉkia ayampramiayi. Tura Uunt Yus nú tsawantnaka ayamtai̱ atí tusa akanák shiir awajsámiayi.

Jiin. 6:8

Tura Aprajáman, Isakan, Jakupan uwejrun takurin chicharainiakun ‘Ju̱ nuṉkan nekas súsatniuitjiarme tímiaj nui̱ yaruakan apujsattajrume. Wikia, Úunt Yusaitjiai’ tímiayi.

Tan. 12:7

Tutai áishmaṉ riniu pushí entsaru entsá pátatek wajá untsuurnumaani̱ tura menanmaani̱ mái̱ uwejé̱n nayaimpinmaani̱ takuí nekas tajai tusa tuke iwiaaku pujuwa nuna pachis chichaak “Kame nuka menaintiú uwí nuyá̱ sais nantu túrunas pujustatui. Kame Yusna ajasár tunaarincha ainia nu akupkatniun kakarmachu ajasártatna nui̱ṉ ashí uminkiattawai” tímiayi.

Tur. 14:15

Tura chicharainiak “Shuara, ¿urukamtai áitkiarum? Iisha yúschaitji. Átumea ánkitji. Peṉké ántrarum túrarmena nu ikiukrum nekas Yus nemarsatarum tusar iisha taji. Nekas Yuska nayaimpincha, nuṉkancha, nayantsancha tura ashí nui̱ írunna nunasha najanaiti.YKan. 146:6

Tur. 17:23

Kame wi nuik atumí yusri̱ enentáimtutai̱niam íistaj tukamán nui̱ je̱a̱chin iwiaramun, JU̱ NEKAACHMA YUSNAITI tu áarman wainkiamjai. Wátsek, ju̱ Yus átum nékachiatrum tikishmátrumna nuna ujaktajrume.

Rum. 1:20

Kame yámankamtaikniumia̱ Yus wáinchataitiat ni najanamuri̱ji̱a̱i̱ ju̱ka paant nekaamniaiti. Nekas Yus asa tuke kakarmaiti. Nusha ti paant asamtai nu shuar tsaṉkurnarchartatui.

Muis. 32:40

Tura Wikia uwejrun nayaimpinmaani̱ takuin chichaakun “Wikia tuke pujuwitjiai” títiatjai.

Isr. 6:13

Yus yaunchu Aprajámja̱i̱ chichaak “Ti nekas shiir awajsattajme tura tí nukap pampamtikrattajme” Naṉ. 22:17 tímiayi. Nuna taku imiá nekas tajai tusa tura chíkich Niji̱a̱i̱ naṉkaamas uunt atsakui imia Niṉki pachimias tumammiayi.

Apu. 1:18

Wikia tuke iwiaakuitjiai. Jakamiajai tura nantakin jákashtinian tuke iwiaaku pujajai. Jákatniuncha tura jaka pujuinia nuna yawiri̱n takakun nérenniuitjiai.

Apu. 10:2

Nusha papin urak takakuyi. Tura imiá uunt asamtai ni nawé̱ untsuurnumaani̱ nayantsanam tura menaari̱ni̱ kukar tarimias wajasmai.

Apu. 14:7

Nusha ti kakantar untsumuk timiai “Yus ashamkatarum. Niṉki shiir awajsatarum. Yamaikia ashí shuaran súmamtikiawartin tsawant jeayi. Nayaimpincha nuṉkancha nayantsancha ashí entsancha najana asamtai shiir awajsatarum.”

Apu. 16:17

Nuyá̱ suntar siatia nu nasenam ukarmai. Túramtai nayaimpinmaya̱ Yusa Uunt Je̱e̱nia̱ ti kakaram chicham Yus akupin pujutái̱nmaya̱ chichaak “Mash uminkiai” timiai.

Apu. 4:11

“Uuntá, ii Yúsri̱nme. Tuke shiir awajmáinme. Ashí naṉkaamas kakarmaitme. Amek ashí írunna nu najankaitme. Tura aya wakerakum najankamame. Ame wakerakmin irunainiawai” tuíniawai.

Apu. 4:9

Tura uunt pujutai̱nium pujana nu tuke iwiaaku pujú asamtai nu taṉku ti shiir awajsar yúmiṉkiak pujuriarmai.