Apu. 1:9 - Yus Papí: Shuarja̱i̱ Yus Yamaram Chicham Najanamu

⁹ Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

Apu. 1:9 Iomraidhean Croise

Mat. 20:23

Tuíniakui Jesus chichainiak “Ayu. Winia piniṉkruí̱ya̱ umartatrume. Wi imiantiatjana nuja̱i̱ imiantiatrume. Antsu Wiji̱a̱i̱ tsaniṉkia pujustinniaka Wikia íischatniuitjiai antsu winia Apar iwiarturu ainia nuna nui̱ apujsattawai” tímiayi.

Mar. 10:39

Takui̱ “Túramniaitji, páchitskea” tuíniakui Jesus chichaak “Wats, Wi umartatjana nu umartatrume tura Wi imiantiatjana núnisrumek imiantiatrume.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Tur. 1:15

Nui̱ siantu painti aents iruntrarmia nui̱ Pítiur chichastaj tusa wajakmiayi.

Tur. 14:22

Waketainiak “ashí Yus tana nu tímiatrusrumek tuke umirkatarum” tuíniak Yus shuaran ikiaká̱rarmiayi. Tura nin tiármiayi “Yusa akupeamuri̱i̱n pachinkiataj tákurkia ti wáitsatniuitji.”

Rum. 8:17

Tura ni uchirí̱ ajasu asakrin Yus timia núnisaṉ ashí Níniun suramsattaji. Krístun ashí susattana núnisaṉ iincha suramsattaji. Yamái Krístunu takaakur wáitiakrikia ukunam Krístuja̱i̱ métek ti shiir awajnástatji.

Rum. 8:25

Tuma asar tuke waincha asar katsuntrar nákaji.

2 Kur. 1:7

Tura “túrattawai” tu enentáimtajrume. Warí, átum iiji̱a̱i̱ métek wáitsaitrume. Núnisaṉ iiji̱a̱i̱ métek Yus atsaṉtamtsurmek.

Jir. 1:7

Atumín ashí ti aneajrume. Kame wi sepunam pujakun Yus Chichaman akasmatakun tura Yus shuar kaka̱rarti tusan takaakui átum yáintiarme. Yus ti anenkartin asa nu túratniun mái̱ metek tsaṉkatramkaitji. Tuma asamtai atumín jú̱nisan enentáimtustin tí peṉkeraiti.

Jir. 4:14

Tuma ai̱ṉ atumsha wi atsumamu akuptúrkarum tí peṉker túramarme.

2 Tis. 3:5

Uunt Yus ni aneṉkrattairi̱n nekaatniun yaintmakarti. Kristu itiurchatan katsuntramia núnisaṉ atumniasha katsuntratniun Yus yaintmakti.

2 Tim. 1:8

Ii Uuntri̱ Jesukrístunu etserkatin natsantraip. Níniun étserkun sepunam pujamusha étserkum natsantruraip. Antsu Yus kakaram awajtamkui ame étseream nuja̱i̱ shuar yajauch turamainiakui surimiamtsuk wáitsatin enentáimtumarta.

Isr. 10:36

Atumsha esetra enentáimsarum Yus wakera nu túrakrum Yus atumín amastatjarme timia nu wainkiattarme.

1 Pit. 5:1

Yamaikia Yus shuara úuntri̱tirmin, jintintjiarme. Wisha núnisnak Yus shuara úuntri̱ntjiai. Kristu wáitsamuri̱n wisha wáinkiaitjiai. Tura ukunam ti shiir átatna nui̱ chíkich Yus shuara uuntri̱ya núnisnak wisha pachinkiattajai.

Apu. 1:1

Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.

Apu. 1:2

Yus timia nunasha tura Jesukrístu ujatkámia nunasha tura wi íismaj nunasha ti paant aya nekasa nuna tajai. Peṉké wáitratsjai.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 1:6

Túrutma akupin awajtámsaitji. Tura ni Aparí̱ Yúsnan pujursarat tusa anaitiamkaitji. Ni ti kakaram asa tuke shiir awajnásti. Núnisaṉ atí.

Apu. 11:7

Tura ni takatrí̱n umikiarmatai Ti Kajen Yajasma náṉkatkachu wa̱a̱nmaya̱ jiinia nu mesetan najata nupetak máwartatui.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Apu. 12:17

Túramtai nuwa̱n ti kajerak ni wea chíkich írunna nuja̱i̱ mánaiktaj tusa wemai. Nu shuarsha Yus akupkámun umirainiak Jesusan ti shiir áujmatenakui niji̱a̱i̱ mánaiktaj tawai.

Apu. 13:10

“Shuaran emeta juinia nusha emetnattawai. Núnisaṉ shuaran naṉkiji̱a̱i̱ mainia nusha naṉkiji̱a̱i̱ mantamnattawai.” Isa. 33:1 Tuma asamtai Yajasma mesetan najanamtai Yus shuar Yus iistí tusar tuke enentáimtusar katsuntsar pujustin áiniawai.

Apu. 14:12

Nu asamtai ni chichame̱n umirainiak Yusna ainia nuka Krístun ti shiir nemarainia ásar nu tsawantai̱ itiurchatnum pujuiniak katsuntratin áiniawai.”

Apu. 19:10

Takui̱ nu Yusa suntari̱n shiir awajsataj tusan tikishmátramjai. Túramtai chichartak “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” turutmiai. Kame Jesus imiá nekas tiniua nuna ashí átatna nuna wakaní̱nti.

Apu. 20:4

Nuyá̱ akupin pujutai̱nium pujuinian wainkiamjai. Tura shuara túramuri̱n íirsarat tusa kakaram sunasarmai. Tura núnisaṉ muuke̱ tsupirka maamu wakaní̱ncha wainkiamjai. Nusha Yusa Chichame̱n etserainiak tura Kristu Chichame̱ncha etserin ásar maamu armai. Nisha Entsaya̱ Yajasmancha ni nakumkamuri̱ncha tikishmátracharu armai. Núnisaṉ náari̱ncha nijia̱i̱niumsha tura uwejnumsha anujmamprakcharu armai. Nu shuar ataksha nantakiar emka nantaktin tsawantnum pachinkiarmai. Túmainiak Krístuja̱i̱ métek mir uwí akupeamun wainkiamjai. Antsu chíkich jákaruka mir uwí naṉkamatsa̱i̱ṉ nantakcharmai.

Apu. 3:10

Katsuntrata tímiaj nu, shiir umirka asakmin Wisha tí wáitsatin ashí nuṉkanam átatna nuyá̱ uwemtikrattajme. Nu wáitsatniuja̱i̱ ashí nuṉkanmaya̱ shuar nekapnasartatui.Rum. 14:10; 2 Kur. 5:10

Apu. 6:9

Nuyá̱ Murik asakamu séṉkun já̱a̱kmatai Yus sutai kuṉkuin áestutai̱ wakenmaani̱ íismajai. Túran Yus Chichaman etserainiakui máwarma wakaní̱n wainkiamjai.

Apu. 7:14

Túrutkui “Uuntá, amek nékame” tímiajai. Tutai “Ju̱ shuar tí waitsaru áiniawai. Túrawar Murikiu numpe̱ja̱i̱ ni pushiri̱ nijiamawar puju awajsaru áiniawai.