Apu. 1:7 - Yus Papí: Shuarja̱i̱ Yus Yamaram Chicham Najanamu

⁷ Wats, Krístuka yuraṉmiji̱a̱i̱ winittiawai. Tan. 7:13-14; Mar. 13:26; Ruk. 21:27; 1 Tis. 4:17 Tura íjiuarmia nushaJṉ. 19:34,37 tura ashí shuarsha nuna wáinkiartatui. Túrawar ashí sapijmiainiak úttiartatui.Sak. 12:10-14; Mat. 24:30 Maa, nekas núnis átatui.

Apu. 1:7 Iomraidhean Croise

YKan. 22:16

Yajauch túrin ainia nu aents ya̱wá̱ núnisar téntatkar eṉketáwarmai. Túrutawar winia nawernasha tura uwejruncha ajintruawar chiṉkiarturawarmai.

YKan. 68:1

Yus wantinkiattawai túrunamtai nemasri̱nkia tsakiṉmakartatui. Tura kajerainia nuka Niya̱ pisakártatui.

YKan. 97:2

Nin ayamchiri̱ṉkia yuraṉmisha tura kiritji̱a̱i̱ téntakmaiti. Tura nekasa nuja̱i̱ métek sumamtiktairi̱sha tura naka enentáimtairi̱sha Ni akupeamuri̱ṉkia je̱a̱ je̱a̱mkur aeprukmanum ekenir najanamua núnisaiti.

Isa. 19:1

Uunt Yus Ejiptunam jeayi túrunamtai najankamu yus ainia nuka kurainiawai tura Ejiptunmaya̱ aentssha jakamnia enentáimiainiawai. Núnisaṉ chichaak “Wi Ejiptunmaya̱ aentsnaka aṉkant aṉkant aentsnaka nuamtak aentsnak tura péprunka nuamtak péprunak áitkiasnak akupeamunka nuamtak akupeamunak mámtikiartatjai. Kame Ejiptunka úunt akupin ti yajauch netsen íktusan iniaisattajai. Entsasha ashí ku̱yu̱kartatui túrunamtai árak Nírunam arakma ainia nuka ashí kukakártatui” tímiayi Uunt Yus. Nekamin Parauṉkai̱ pujuinia nuka Uunt Yus awajimtikrarma ásar nampekua núnisar pemperakut ajainiak waurka ajasárai. Ejiptunmaya̱ aentska nuwa̱ núnisar Ashí Akupin Uunt Yusan wáinkiar ashamkartatui. Ejiptunmaya̱ aents íismaka Jutaka tsuumai̱ ashamú ajamai átatui.

Tan. 7:13

Kame wi kashi ímiaja̱i̱k imiá pujusan nayaimpinmaya̱ yuraṉminiam páchitkia aentsu uchirí̱ya núnin táarun wainkiamjai. Tura Tuke Tsawant Pujuwa nui̱ itiariarmai. Mat. 24:30; 26:64; Apu. 1:7

Sak. 12:10

Tura Tawitia shuari̱n nuyá̱ Jerusaréṉnum pujuinia nuna waitnenkartin tura Yus seamin enentái̱n súsartatjai. Nuya̱ṉka Winia ijiutiarmia nuna ijiumun wáinkiar kúntuts enentáimiainiak ni uchirí̱n chikichkiniak iwia̱i̱ri̱ ajakra núnis úttiartatui.

Sak. 12:11

Nu tsawantin Mikitiu pakari̱n Jatatrimiúnnum útiarmia núnisaṉ Jerusaréṉnumsha ti úttiartatui.

Wek. 24:17

Jakupai̱ya̱ yaa núnis jíintiatui, Israernumsha úunt akupin pujustatui. Ninkia yamaikcha wainkiattajai tura árantiaṉ íistatjai. Tura Muap aentsun núnisaṉ Set shuarnasha ashí amukártatui.

Mat. 16:27

Wi Aents Ajasu asan, winia Aparu kakarmari̱ji̱a̱i̱ tura ni suntari̱ji̱a̱i̱ tana ashí shuaran ni takakmasmaja̱i̱ métek akiktatjai.YKan. 62:12; Neka. 24:12

Mat. 16:28

Imiá nekas tájarme, Wi Aents Ajasu asan Winia akuptáirui̱ winiái̱ shuar ju̱i̱ wajainia ju̱ játsuk wáitkiartatui” tímiayi.

Mat. 24:30

Nui̱kia Wi Aents Ajasuka tátiniur paant átatui. Tura ashí nuṉkanmaya̱ aents Wi winiái̱ wáitkiar asuttiámattaji tusar úttiartatui. Wisha ti kakaram tura Yusa winchari̱ji̱a̱i̱ yuraṉminiam winiái̱ wáitkiartatui.Tan. 7:13

Mat. 25:31

Jesus áujmatuk tímiayi “Aents Ajasu ana nu ashí akupin ajas Yusa suntari̱ éṉkekma winittiawai. Tura Úunt Akupin shiir pujutái̱ri̱n pujustatui.

Mat. 26:64

Tutai Jesus chichaak “Ee, ame támena núitjiai. Tura ataksha atumín tájarme, wi Aents Ajasu asan ti kakaram Yusa untsuurí̱ni̱ pujái̱ waitkiattarme. Tura yuraṉminiam winiai̱sha waitkiattarme” tímiayi.YKan. 110:1; Tan. 7:13

Mar. 13:26

Nuya̱sha ashí aents Winia wáitkiartatui. Wi, Aents Ajasuitjiana ju̱, ti kaka̱ran, ti wincha ajasan yuraṉminiam winiái̱ wáitkiartatui.Tan. 7:13

Mar. 14:62

Tutai Jesus chichaak “Ee, núitjiai. Winia, Aents Ajasu tutaintiajna nu Kakaram Yusa untsuurí̱ni̱ pujái̱ waitkiattarme.YKan. 110:1 Tura nayaimpinmaya̱ yuraṉminiam winiái̱ waitkiattarme” tímiayi.Tan. 7:13

Ruk. 21:27

Nuyá̱ Winia, Aents Ajasu tutain, yuraṉminiam ti shiir ajasan winiái̱ Tan. 7:13; Apu. 1:7 wáitkiartatui.

Juaṉ 19:34

suntar aya páenam ijiumiayi. Ijiumtaisha nu chichamtaik numpa yumiji̱a̱i̱ puármiayi.

Juaṉ 19:37

Tura chikicha “Ijiuarmiania nuna wáinkiartatui” tu áarmaiti.YKan. 22:16-17; Sak. 12:10; Apu. 1:7

1 Tis. 1:10

Tura nuya̱sha Yusa Uchirí̱ Jesus jakamunmaya̱n Yus iniantkímia nu, nayaimpinmaya̱ tatí tusarum átum nákamuncha ujatmainiaji. Iis, Jesus Níṉkiti Yusa kajetáiri̱ tsawantri̱ jeattana nuyá̱ uwemtikrampratin.

1 Tis. 4:17

Tura nuyá̱ iisha Yus shuar tuke iwiaaku pujajnia nu Krístuja̱i̱ yuraṉminiam ajapén iṉkiunaikiartatji. Nuní̱ ashí nayaimpiniam ii Uuntri̱ Jesukrístuja̱i̱ tuke iwiaaku pujusártatji.

Isr. 10:29

Núnisaitkiuiṉkia shuar Yusa Uchirí̱n wishikiainiakka ni numpe̱ncha nakitiáiniakka tura waitnenkartutai̱ Wakaní̱ncha katsekainiakka nuna naṉkaamas asutniáchartatuak. Warí ni nakitiana nú numpaja̱i̱ yamaram chicham nekas umirkatin awajsámuyayi. Tura núja̱i̱sha ni tí peṉker awajnástiniuyayi.

Isr. 6:6

nu shuar nuna nakitiak kanakniaka atak ni yajauchiri̱n ené enentáimiá ajasuítiat ikiuktinian nakitiak tujintkiattawai. Warí ní enentái̱ji̱a̱i̱ Yusa Uchirí̱n atak krúsnum matniua nútikiak ashí íimmianum natsanmai̱ awajui.

1 Jṉ. 3:2

Aneamu yatsurtirmesha ju̱na tájarme, nekas Yusa uchirí̱ ajasuitji. Kame ukunam urukuk átajⁱ nusha nékatsji. Túrasha ju̱ paant nékaji, Jesukrístu támatai imia Ni paant wáinkiar Niji̱a̱i̱ métek ajastatji.

Jut. 1:14

Ataṉka tiraṉki̱yayi Enuk. Ti peṉker Yúsnan etserin asa ju̱na tímiayi “Uunt Yus ti untsurí ni shuari̱ji̱a̱i̱ winittiawai.

Apu. 22:20

Jú̱ papí áantratniun ujakua nu tawai “¡Ee, ti wari winittiajai!” ¡Pai, núnisaṉ atí! ¡Wari winitiá, Uunt Jesusá!