Apu. 1:4 - Yus Papí: Shuarja̱i̱ Yus Yamaram Chicham Najanamu

⁴ Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 1:4 Iomraidhean Croise

YKan. 90:2

Náintiash najana apujtsuk nuṉkasha tura ashí nui̱ irunainia nusha najantsuk yama náṉkamtaikniumia̱sha yáunchusha yamaisha tuke pujú Yúsaitme. Isa. 41:4; Apu. 1:11; 22:13

Jiin. 3:14

Tutai Yus Muisaisan aya̱k “WIKIA WÍKITIAJ NUITJIAI. Tuma asamtai Israer shuar ininmainiakuisha ‘WIKIA WÍKITJIAI’ tumamna nu akuptúkai tiartá” tímiayi.

Isa. 11:2

Tura Niinkia Uunt Yusa Wakaní̱ nekatai̱ tura enentáimtai̱ wakan nuyá̱ chicharkartin tura ikiakákratin wakan núnisaṉ Uunt Yus nekaar ashamkar umirkatin wakan pujursattawai.

Isa. 41:4

¿Yaki najanait tura yaki jítikiama? ¿Tura yámankamtaikniumia̱sha aentsnasha yaki untsúa? ‘Wi Jiuwá émkaitjiai núnisnak ukunam ártatna núja̱i̱sha Wíkitjiai.’” Apu. 1:11; 22:13

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Sak. 3:9

Wats, kaya chikichkin siati yantamtinian Jusuin eem apujsajai. Tura nu kayanam chichaman jiruja̱i̱ áartatjai tawai Ashí Akupin Uunt Yus. Túran chikichkí tsawantini̱ṉ nu nuṉkanmaya̱ aentsu yajauchiri̱ṉkia ashí asakátrartatjai.

Sak. 4:10

¿Yaaksha imiancha núnis enentáimtus warinkisha nakitrait? Túrasha Surupapír takatan naṉkamnamtai wáinkiar nu aentsuk ti shiir enentáimsartatui. Tura ju̱ siati ainia ju̱ka Uunt Yus ashí nuṉkanam wekaana nu ji̱ áiniawai” turutmiai.

Sak. 6:5

Tutai Yusa suntari̱ chichartak “Ju̱ka nayaimpinmaya̱ kuatru nase tui̱ ainia nuyá̱ Ashí Nuṉka Uuntri̱ pujamunmaya̱ jiiniainia nu áiniawai.

Juaṉ 1:1

Ashí naṉkamnamia nú yaunchuksha Yusa Uchirí̱ṉkia tuke pujuyayi. Nisha Yusan tí paant awajeakui Chícham tíminiaiti. Chichamsha Yusja̱i̱ pujuyayi. Chichamsha Yúsauyayi.

Tur. 19:10

Nuna túruki̱ jimiará uwí etserkamiayi. Túramu asamtai ashí Ásianmaya̱ aents Israer shuar tura Israer shuarcha Uunt Jesusa túramuri̱n antukarmiayi.

Tur. 2:9

Ju̱i̱ ashí nuṉkanmaya̱ aents pujuiniatsjik. Partianmaya̱, Mítianmaya̱sha, Eramnumia̱sha, Misiuputámianmaya̱sha, Jutanmaya̱sha, Kapatúseanmaya̱sha, Púntunmaya̱sha tura Asia nuṉkanmaya̱sha,

Rum. 1:7

Ashí Yus aneamutirmincha Rúmanam matsatrum nuna ju̱ papin áateajrume. Yus tí peṉker awajtámsatniun wakerutmarme. Ii Aparí̱ Yussha ii Uuntri̱ Jesukrístusha waitnentramainia ásar imiatkinchanum ti shiir pujustinian yaintmakarti.

1 Kur. 1:3

Yus ii Aparí̱ tura ii Uuntri̱ Jesukrístusha waitnentramainia ásar yaintmakarti tuke aṉkant shiir pujustinian.

2 Kur. 1:2

Apa Yussha ii Uuntri̱ Jesukrístusha shiir enentáimturma ásar atumí enentái̱n aṉkant shiir pujakrumin ni waitnenkartutariji̱a̱i̱ yaintmakarat tusan wakerajrume.

Isr. 13:8

Jesukrístuka tuke yapají̱tsuk nuikiya núnisaṉ yamaisha tura ukunmasha tuke núnisaṉ átatui.

San. 1:17

Ashí péṉker ana nu, ashí shiir ana nusha nayaimpinmaya̱ Yusak amasuiti. Yus ashí tsáapninia nuna najanaiti. Tura Nin kiritin atsa̱i̱ṉ yapají̱tsuk tuke tsáapniti.

Apu. 1:1

Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.

Apu. 1:11

Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 1:17

Nuna wainkian jakaa áintsanak nawe̱e̱n iniaarmajai. Túrasha ni untsuuri̱ uwejé̱n awantrus turutmiayi “Ashamkaip. Witjiai ashí juármari̱ tura amúamuri̱sha.

Apu. 1:20

Wáinmena nu jú̱nisaiti. Siati shirikip ikiutai̱ kúrik wainkiam nu siati péprunam Yus shuar írunun nakumeawai. Tura winia untsuurui̱ni̱ siati yaa wainkiam nu siati péprunmaya̱ Yus shuaran wáinniun nakumenawai” turutmiai.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.

Apu. 1:9

Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

Apu. 16:5

Nuyá̱ suntar entsá wáinniua nuna chichame̱n antukmajai. “Uuntá, amek tí peṉker Yus asam jú̱tikiame. Yáunchusha tuke pujúu asam tí shiiraitme.

Apu. 2:12

Nuyá̱ turutmiai “Pírkamunmaya̱ Yus shuara uuntri̱ ju̱ áatrata. Puyá̱ áinis tsakatskat mái̱ ere awajsámun takakna nu tawai

Apu. 2:18

Nuyá̱ turutmiai “Tiatiranmaya̱ Yus shuara uuntri̱ ju̱ áatrata. Yusa Uchirí̱ ji̱ jiji̱a̱i̱ métek keena nu tura núnisaṉ nawe̱ jiru yaṉkutaku jiamua núnis néwar ajawa nu tawai

Apu. 2:8

Nuyá̱ turutmiai “Ismirnanmaya̱ Yus shuara uuntri̱ ju̱ áatrata. Yámankamtaikniumia̱ amúamunam tuke pujuwa nu tura núnisaṉ jaka nantakmia nu tawai

Apu. 22:16

“Wi, Jesus, ashí Yus shuaran ujakárat tusan winia suntarun akupkajai. Wikia Tawit Weaitjiai. Túrasha Tawitia úuntri̱ntjiai. Wikia tí tsaapin yaa Yáṉkuamia áintsaṉketjai” tawai.

Apu. 22:8

Wi, Juaṉ, ju̱na mash iisan mash antukmajai. Tura mash iisan antukan nayaimpinmaya̱ suntar iniaktursama nuna shiir awajsataj tusan tikishmátramjai.

Apu. 3:1

Nuyá̱ turutmiai “Sártisnumia̱ Yus shuara uuntri̱ ju̱ áatrata. Siati Yusa Wakaní̱n takakna nu tura núnisaṉ siati yaan takakna nu, tawai ‘Ashí ame túram nuna nékajai. Iwiaakua áintsaṉ wekayatmek Wíji̱a̱i̱ṉkia jákaitme.

Apu. 3:14

Nuyá̱ turutmiai “Rautiséanmaya̱ Yus shuara uuntri̱ ju̱ áatrata. Wáitrutsuk nekasa nunak tiniua nu tura núnisaṉ ashí Yus najanamun úuntri̱ya nu, tawai

Apu. 3:7

Nuyá̱ turutmiai “Piratírpianmaya̱ Yus shuara uuntri̱ ju̱ áatrata. Ti shiir túrin tuke nekasan tana nu, úunt akupin Tawitia yawiri̱ takaku asa uraimtai chíkich peṉké epenchamniaiti. Tura epenmiatai chíkich peṉké uraichminiaiti. Ju̱na tawai

Apu. 4:5

Akuptáiniumia̱ peemsha ipiamtasha untsummasha jíiniarmai. Tura nu pujutai̱nium naka siati shirikip kearmai. Nusha siati Yusa Wakaní̱nti.

Apu. 4:8

Nusha sais nanamtin armai. Tura ji̱sha ti irunainiak ashí wáinmarmai. Káshisha tsawai̱sha tuke iniaitsuk ju̱na tiniu armai. “Tunaarincha tunaarincha nekas tunaarincha Úunt Yusaiti. Ashí Tujintkiachu Yúsaiti. Isa. 6:3 Tuke yaunchu pujuyayi. Núnisaṉ yamaisha pujawai. Tura ataksha ju̱ke winittiawai.”

Apu. 5:6

Nuyá̱ uunt pujutái̱ya̱ nui̱ tura kuatru taṉkunam ajapén tura úuntnum ajapén Murik wajan wainkiamjai. Maamua áintsaṉketiat iwiaakuyi. Kachurí̱sha siátiyi. Ni ji̱sha siátiyi. Nusha Yusa Wakaní̱ siati ashí nuṉkanam akuprámua nuuyi.

Apu. 8:2

Nuyá̱ siati Yusa suntari̱ Yusai̱ naka wajainia wainkiamjai. Nusha siati kachu susamu armai.