Apu. 1:3 - Yus Papí: Shuarja̱i̱ Yus Yamaram Chicham Najanamu

³ Jú̱ papin áujea nu shuar tura núnisaṉ ju̱na ántana nusha nekas enentáimtuiniakka shiir ártatui. Ukunam átatna nuna ujaawai tura jeatémayi.

Apu. 1:3 Iomraidhean Croise

Neka. 8:34

Aents winia anturtaná tura winia wáitkiataj tusa kashí kashini̱ṉ e̱a̱tuk nákarná nuka ti nekas waraawai.

Jrm. 51:61

Nuyá̱ Jirimías Serayásan chicharuk “Papirúnianam jeam ju̱ áarman amaj ju̱ áujtuiniakum

Mat. 24:15

“Yus Shiir Awajtai̱niam muí̱jmiamtik tuke emesratin ana nu wainkiarum Yúsnan etserin Taniar aarmia nunasha (ju̱na áujea nuka enentáimprati), Tan. 9:27; 11:31; 12:11

Ruk. 11:28

tutai Jesus chichaak “Antsu Yusa Chichame̱n antukar umirainia nuna nukurja̱i̱ naṉkaamas Yus ti yaiṉkiaru áiniawai” tímiayi.

Rum. 13:11

Ii yámantkamtaik Yus nekas enentáimtusmiaj nui̱ “Ii ti shiir ajasár tuke uwempratin ukunam átatui” tu enentáimprachiajiash. Antsu yamaikia nu tsawant yuntumsamtai ashí túrajnia nuja̱i̱ shintiarar enentáimpratniuitji.

Rum. 13:12

Tuke káshitiat tsawa̱a̱temprai. Ii Uuntri̱ Kristu jú̱ tunáa nuṉkanam tátin ishichik ajasái. Tuma asamtai ii túrutairi̱ kiritniua núnisaṉ yajauch túrutai̱ ana nuka túrutsuk tsáapninium péṉker wekasatin kakaram ajastai.

1 Pit. 4:7

Ashí amuukatin jeatémayi. Tuma asamtai péṉker enentáimsatarum. Túrarum anearum Yus auju pujutarum.

2 Pit. 3:8

Tura ju̱sha aneamu yatsurtiram enentáimsatarum. Uunt Krístuja̱i̱ṉkia chikichík tsawant mir uwiya núniskete, mir uwisha chikichík tsawanta núniskete.

Apu. 22:10

Nuyá̱ ataksha turutmiai “Ju̱ papinium aarma Yusna asamtai ú̱kam ikiusaip. Ashí túrunatin tsawant ishichik ajatésai.

Apu. 22:12

Muriksha tawai “Ee, tí warik winittiajai. Túran tí shiirmachin ashí péṉker túramuja̱i̱ métek súsatniua nuna takukin winittiajai.

Apu. 22:20

Jú̱ papí áantratniun ujakua nu tawai “¡Ee, ti wari winittiajai!” ¡Pai, núnisaṉ atí! ¡Wari winitiá, Uunt Jesusá!

Apu. 3:11

Wárik winittiajai. Takakmena nu emetata. Akinkiatniuitmena nuna chíkich shuar atantramkiara̱i̱ṉ.