Apu. 1:16 - Yus Papí: Shuarja̱i̱ Yus Yamaram Chicham Najanamu

¹⁶ Ni untsuurí̱ni̱ siati yaan takakuyi. Tura ni wene̱nia̱sha puyá̱ áinis tsakatskat mái̱ ere awajsamu jiinmiai. Ni yapi̱sha etsa̱ ti etsantuk íischamnia núnisauyi.Isa. 11:4; 49:2; Apu. 2:12,16; 19:15

Apu. 1:16 Iomraidhean Croise

YKan. 45:3

Maa kakarmá, ti páantin tura naṉkamantu asam ame puya̱rum emenmamata.

Anen. 6:10

‘¿Yait tsawa̱a̱k tsáapin awajeana nútikia tura nantua núnin shíirmachia ju̱sha, etsa̱ etsantar tsáapin awajna aitkia ju̱sha, tura suntar mániktaj tusa iwiarnarua núninia ju̱sha?’

Isa. 11:4

Antsu ju̱ nuṉkanam kuítri̱ncha ainia nuna nekasa nuja̱i̱ métek súmamtikiawartatui tura wáitiainiana nunasha métekrak waitnentrartatui. Núnisaṉ aya chíchame̱ja̱i̱ṉ numiji̱a̱i̱ awateana tímiatrus nuṉkanka asutiáttawai. Tura Yusan enentáimtichu ainia nunasha aya máyai̱ji̱a̱i̱ṉ umpuí máwartatui. Apu. 1:16; 2:16; 19:15

Isa. 49:2

Túruta winia wenuruí̱ puyá̱ mái̱ erea nútikruamai tura uwejé̱ja̱i̱ ejatak núnisaṉ tséntsak atsakar tuntanam eṉkestinia nútikruamai.

Tan. 12:3

Núnisaṉ aents neka ainia nuka nayaimpiji̱a̱i̱ métek wínchar ajartatui. Tura untsurí aentsun péṉker túratniun jintintiáinia nuka yaaja̱i̱ métek tuke amutsuk keartatui.

Tan. 8:10

Nayaimpinmaya̱ suntar írunna ímianai uunt ajasmai tura suntarí̱sha nuyá̱ yaasha irunainia nuya̱ntka ishichik nuṉká aju̱a̱rmai.

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Mat. 17:2

Nui̱ Jesus nusháa iira ajattsarmiayi. Ni yapi̱sha étsa̱ya núnik wincha ajasmiayi. Ni pushirí̱sha ti puju jíitsumir ajasmiayi.

Tur. 26:13

Tura uuntá, nantu tutupin ai̱ jintiá weai̱ newaat ajakí̱ ti tsáapin etsa̱ja̱i̱ naṉkaamas etsantrutramiayi. Tura wiji̱a̱i̱ wéarmia nunasha núnisaraṉ etsantrurarmiayi.

Ipi. 6:17

Muukem ejaktinchaIsa. 59:17 Kristu uwemtikrampramu muukmi̱i̱n etseṉkruktarum. Tura Yus Chicham puyá̱aIsa. 49:2 ántsaṉ achiktarum. Nuka nekas Yusa Wakaní̱ puya̱ri̱nti.

Isr. 4:12

Yusa Chichame̱ iwiaaku chichamaiti, imiá kakarmaiti. Puyá̱ mai̱ érea núniniaiti. Tuma asa shuara enentái̱n init wayá̱ ashí ni enentáimmian tura wakeramuri̱n ti paant awajtawai.

Apu. 1:20

Wáinmena nu jú̱nisaiti. Siati shirikip ikiutai̱ kúrik wainkiam nu siati péprunam Yus shuar írunun nakumeawai. Tura winia untsuurui̱ni̱ siati yaa wainkiam nu siati péprunmaya̱ Yus shuaran wáinniun nakumenawai” turutmiai.

Apu. 10:1

Nuyá̱ chíkich kakaram suntar nayaimpinmaya̱ táarun wainkiamjai. Nusha yuraṉkim amúamu tura muuknum tuntíak téntakmauyi. Yapi̱sha etsa̱ja̱i̱ métek wínchauyi. Tura kujapé̱sha ji keá áintsaṉkeyi.

Apu. 12:1

Nuyá̱ nakumkamu ti enentáimpramnia nayaimpiniam wantinkiamai. Nuwa̱ etsa̱ja̱i̱ penuarma wantinkiamai. Nawe̱sha nantunam ekeemai. Tura muuknum tuse yaan etseṉkrakuyi.

Apu. 19:15

Nu suntara Uuntri̱ wene̱ya̱ ashí nuṉkanmaya̱ yajauch aentsun mátin, puyá̱ mái̱ ere tsakatskatin jiinmiai.Isa. 11:4; Apu. 1:16; 2:16 Tura jiruja̱i̱ asutiátniua áintsaṉ ti kakaram akupkáttawai. Túrak Ashí Tujintkiachu Yusa kajetáiri̱ ti kakarma nuja̱i̱ aentsun asutiáttawai. Uwa nekeṉkar ijiuratniua áitkiasaṉ wáitkiasartatui.

Apu. 19:21

Chíkichkia kawainium eketkanumia̱ puyá̱ tsakatskatin wene̱ya̱ jiinmia nuja̱i̱ mantamnawarmai. Túramtai nanamtin ni aya̱shi̱n yuáwar ejemakarmai.

Apu. 2:1

Nuyá̱ turutmiai “Ipisiunmaya̱ Yus shuara uuntri̱ ju̱ áatrata. Siati yaan untsuurnum takakna nu tura núnisaṉ siati shirikip ikiutai̱ kúrinmaṉ ajapén étenta wekáa nu, tawai

Apu. 2:12

Nuyá̱ turutmiai “Pírkamunmaya̱ Yus shuara uuntri̱ ju̱ áatrata. Puyá̱ áinis tsakatskat mái̱ ere awajsámun takakna nu tawai

Apu. 2:16

Wats, enentáimpram iniaisata. Túrachakminkia Wi wari wini̱n winia wenuruí̱ya̱ puyá̱ jiinia nuja̱i̱ mániktajai.Isa. 11:4; Apu. 1:16; 19:15

Apu. 3:1

Nuyá̱ turutmiai “Sártisnumia̱ Yus shuara uuntri̱ ju̱ áatrata. Siati Yusa Wakaní̱n takakna nu tura núnisaṉ siati yaan takakna nu, tawai ‘Ashí ame túram nuna nékajai. Iwiaakua áintsaṉ wekayatmek Wíji̱a̱i̱ṉkia jákaitme.

Suma. 3:16

Ejut chíkich Israer shuar armia nuja̱i̱ Muápnumia̱ akupniun Ikrunan kuítian ashí uwitin akiktiniuyania nuna susattsa werimiayi. Tura kuítian susa ikiuiniak nuya̱ṉka waketkiarmiayi. Túrasha ántar yus nakumkar najankamu Jirkarnum írunna nuní̱ naṉkaamainiak Muápnumia̱ akupniuja̱i̱ Ikrunja̱i̱ chichastaj tusa Ejutka ataksha waketkimiayi. Tura akupniun jearí chicharuk “Chícham áya amek nekaatniun takurkajme” tímiayi. Tutai akupin Ikrun ni takarniúri̱ nui̱ pujuinian chicharainiak “Jíintratarum” tímiayi. Ejutka puya̱ṉ mai̱ atsakamun esantí̱ṉkia mítruka jeachun najanamun pushiri̱i̱n u̱u̱k takakuyayi. Nuya̱ṉka akupin niji̱a̱i̱ chichastaj tusa weantkamtai puya̱ri̱n jusa Ejutka akupniun tantannum kakantar ijiumiayi. Túram akupniúka tí nueran asamtai puya̱ka ashí meṉkakamiayi. Nuna tura ikiuak Ejutka wáitin péṉker epeni ikiuak nuya̱ṉka jiinkimiayi. Túrasha takarniúri̱ṉkia ni atsumamuri̱n túrak ijiatmatai̱niam pujatsuash tusa akupniúnka pachischarmiayi. Nuya̱ṉka ti meṉkakamtai urukayik tusar wáitin urakmá akupin jaka inian tepan wáinkiarmiayi.