Apu. 1:15 - Yus Papí: Shuarja̱i̱ Yus Yamaram Chicham Najanamu

¹⁵ Ni nawe̱sha ti wincha asa jiru yaṉkutaku jiamua áinis néwar ajarmiayi. Ni chichame̱sha ti kakaram asa uunt entsa téter ajá áintsauyi.

Apu. 1:15 Iomraidhean Croise

YKan. 93:4

Jiuwaka entsa irunna ti kakantar téter ajana núja̱i̱sha naṉkaamas nayaimpinmaṉka kakarmaiti. Nayantsa tampari̱ nupetkachminia núja̱i̱sha naṉkaamas tsuumainti.

Isa. 17:13

Kanus nase wajatam urukawa tímiatrus aentska téter ajartatui túrasha Yus kakantrartatui túram yajá pisakártatui. Nase wampuishin náintiaani̱ júana nútikiawartatui tura nuṉká ju̱yu̱ri̱n nasé wáinchiri̱ iniantar itiurawa nútikias umpuí aya émeṉkartatui.

Isk. 1:24

Nanamainiakuiṉkia ni nanape̱nka entsa ti nujaṉkrua téter ajana tura Ashí Tujintkiachu Yus chichana tura untsurí aents tétete ajainia núninian núnisaṉ untsurí suntar charaatum ajainia núninian antukmajai. Tura nanaaktinian iniaisarka nanape̱nka wijiuimtikiarmai.

Isk. 40:3

Tura nui̱ jurukmiatai áishmaṉ yaṉkú jírua nuní̱ iira wáitiniam wajamai. Nisha riniu sentan nuyá̱ nekapkancha uwejé̱ja̱i̱ takus wajamai.

Isk. 43:2

Tura Israer shuara Yusri̱ tsáapnintri̱ṉkia etsa̱ tatainmaya̱ winian wáinmiajai. Tura antursamsha entsa nujaṉkruk téter ajana tímiatrus ajamai tura nuṉkancha ni tsáapnintri̱ji̱a̱i̱ tsáapin awajmiai.

Tan. 10:6

Núnisaṉ ni aya̱shí̱nkia krisuritiu kaya ániuyi. Tura yapiṉkia peemja̱i̱ métekeyi. Ni ji̱sha shirikip keana ímianuyi. Tura kunturi̱sha, nawe̱sha, yaṉkú jiru jiamu wincha ajasua núnisauyi. Ni chichame̱ṉka untsurí shuar irunar tétete ajainiana tímianuyi.

Apu. 10:1

Nuyá̱ chíkich kakaram suntar nayaimpinmaya̱ táarun wainkiamjai. Nusha yuraṉkim amúamu tura muuknum tuntíak téntakmauyi. Yapi̱sha etsa̱ja̱i̱ métek wínchauyi. Tura kujapé̱sha ji keá áintsaṉkeyi.

Apu. 14:2

Ti untsurí árpan nayaimpiniam túntuiniak te̱e̱r awajénak kanusa uuntri̱ nujaṉkrak téter ajá núnisaṉ antukmajai. Ti kakaram ipiamta núnis amai.

Apu. 19:6

Nuyá̱ tí untsurí shuar chichainiak kanusa uuntri̱ nujaṉkrak téter ajá núnisaṉ antukmajai. Ti kakaram ipiamta núnis amai. “¡Naṉkamantuitme Uunt Yusá! Ii Uuntri̱ Yus Ashí Tujintkiachu asa ashí akupkatniun naṉkamayi.

Apu. 2:18

Nuyá̱ turutmiai “Tiatiranmaya̱ Yus shuara uuntri̱ ju̱ áatrata. Yusa Uchirí̱ ji̱ jiji̱a̱i̱ métek keena nu tura núnisaṉ nawe̱ jiru yaṉkutaku jiamua núnis néwar ajawa nu tawai