Apu. 1:11 - Yus Papí: Shuarja̱i̱ Yus Yamaram Chicham Najanamu

¹¹ Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 1:11 Iomraidhean Croise

Jrm. 30:2

“Uunt Yus Israera Yusri̱ jú̱nis chichaak ‘Wi ámin tájamna ju̱ka papinium ashí aartá’ tímiayi.

Awa. 2:2

Nuya̱ṉka Uunt Yus winia chichartak “Ame ímiaja̱i̱k wáinmena nuka paant aartá. Ju̱na áujuka nekaawar tsékeṉki̱ chikichnasha ujakárat tusam túrata.

Tur. 16:14

Nui̱ Tiatira péprunmaya̱ nuwa̱ ni naari̱ Ritia wainkiamiaji. Nisha tarach yamákáin péṉkeran súriniuyayi. Yúsnasha shiir awajniuyayi. Yus Chichaman Papru etserkamia nuna nisha péṉker anturkamiayi. Túman Uunt Yus Papru chichaamun umirkat tusa ni enentái̱n takasmiayi.

Tur. 18:24

Tumá pujái̱ Arejántria péprunmaya̱ Israer shuar Apurus Ipisiunam jeamiayi. Nisha Yusa yaunchu papiri̱n tí peṉker nekaamiayi. Etserkatniuncha ti nékauyayi.

Tur. 20:17

Túrasha Papru tuke Miritiunam pujus Ipisiunmaya̱ Yus shuara úuntri̱n winitiárum tusa untsukarmiayi.

1 Kur. 15:32

Jakamunmaya̱ nantakchatniuitkiuiṉkia wi kajen shuarja̱i̱ Ipisiunam peṉké ántranak mánikiuitjiai. Maa, úunt ya̱wa̱a ánis kajen armai. Wats, nantakchatniuitkiuiṉkia antsu “yurumár nampektai kashin jákashtatjik” Isa. 22:13 tíminiaitji.

1 Kur. 16:8

Tura ju̱i̱ṉ Ipisiunam Pintikiustís nampernum pujustatjai.

Ipi. 1:1

Yus nuna wakerakui wi Papru Jesukrístu akatrámuitjiai. Jesukrístu nekas enentáimtusrum Yus shuar ajasrum Ipisiunam pujarmena nuna ju̱ papin áatjarme.

Muis. 31:19

Yus Muisaisan Jusuiji̱a̱i̱ chicharainiak “Kanta aartarum. Túrarum Israer shuar jintintiatarum” tímiayi. Nuyá̱ ataksha awaiṉki̱ Uunt Yuska chichaak “Péṉker nuṉkan Wi súsartatjana nui̱ péṉker pujuiniak yurumá ejemar nuérar chíkich yus ainia nuna tikishmátrartatui. Tura itiurchatan wáinkiar núnisaṉ kúntuts pujuiniak tsawant jeamtai jú̱ kantan kantamáiniak Yus nin tiarmia nuna enentáimturartatui. Wi nuṉkan amastatjarme tímiajrumna nui̱ wá̱i̱tskesha yamái urukarmea nuna nékajai. Tuma ásar Wíniaka anturtutsuk iniaitiusartatui” tímiayi Yus.

Kurs. 2:1

Yatsuru nekaatarum. Yus shuaran yáiṉtaj tusan ti takaajai. Tura atumíncha Rautiséanmaya̱ shuarnasha tura ashí winia waitcha ainia nunasha yáiṉtaj tusan ti takaitjiai.

1 Tim. 1:3

Masetúnianam wéakun “Ipisiunam pujuuta” timiaj núnisnak tájame. Shuar nui̱ wait chichaman jintin ainia nu suritkiarta.

Apu. 1:17

Nuna wainkian jakaa áintsanak nawe̱e̱n iniaarmajai. Túrasha ni untsuuri̱ uwejé̱n awantrus turutmiayi “Ashamkaip. Witjiai ashí juármari̱ tura amúamuri̱sha.

Apu. 1:19

Tuma asamtai wainkiamna ju̱sha, yamái wáinmena nusha tura ukunam átatna nusha aartá.

Apu. 1:2

Yus timia nunasha tura Jesukrístu ujatkámia nunasha tura wi íismaj nunasha ti paant aya nekasa nuna tajai. Peṉké wáitratsjai.

Apu. 1:20

Wáinmena nu jú̱nisaiti. Siati shirikip ikiutai̱ kúrik wainkiam nu siati péprunam Yus shuar írunun nakumeawai. Tura winia untsuurui̱ni̱ siati yaa wainkiam nu siati péprunmaya̱ Yus shuaran wáinniun nakumenawai” turutmiai.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.

Apu. 10:4

Ni chichasarmatai ni chichamen áartiniujai tura nayaimpinmaya̱ chichartak “Aaraip, turutmiai. Ju̱ka nekanashti” turutmiai.

Apu. 14:13

Nuyá̱ nayaimpinmaya̱ chichaman antukmajai. Nusha turutmiai “Ju̱ áatrata ‘Uunt Jesusan umirainia nu yamái jákarusha tura ukunam jákarusha ti shiir pujusártatui.’ Tu aartá” timiai. Núnisaṉ Yusa Wakaní̱ tawai. “Ee, tí takasaru ásar jákar yawe̱rman ayamprartatui. Tura tí peṉker túrawar akinkiartatui” tawai turutmiai.

Apu. 19:9

Nuyá̱ nayaimpinmaya̱ suntar turutmiai “Ju̱ áatrarta ‘Murik nuatma nampernum ipiaamu ainia nuka ti shiir warasarti.’ Tu aartá, turutmiai. Ju̱ka Yus timia asa imiá nekasaiti.”

Apu. 2:1

Nuyá̱ turutmiai “Ipisiunmaya̱ Yus shuara uuntri̱ ju̱ áatrata. Siati yaan untsuurnum takakna nu tura núnisaṉ siati shirikip ikiutai̱ kúrinmaṉ ajapén étenta wekáa nu, tawai

Apu. 2:12

Nuyá̱ turutmiai “Pírkamunmaya̱ Yus shuara uuntri̱ ju̱ áatrata. Puyá̱ áinis tsakatskat mái̱ ere awajsámun takakna nu tawai

Apu. 2:18

Nuyá̱ turutmiai “Tiatiranmaya̱ Yus shuara uuntri̱ ju̱ áatrata. Yusa Uchirí̱ ji̱ jiji̱a̱i̱ métek keena nu tura núnisaṉ nawe̱ jiru yaṉkutaku jiamua núnis néwar ajawa nu tawai

Apu. 2:24

Tura chíkich shuar Tiatiranmaya̱tiram nú chicham enentáimtuscharmena nu “nekas iwianchnia u̱kma” tutaiya nu nékachu asakrumin atakka túratniun patatkashtatjarme.

Apu. 2:8

Nuyá̱ turutmiai “Ismirnanmaya̱ Yus shuara uuntri̱ ju̱ áatrata. Yámankamtaikniumia̱ amúamunam tuke pujuwa nu tura núnisaṉ jaka nantakmia nu tawai

Apu. 21:5

Tura akupin pujutai̱nium ekema nu “Iistá, Wi ashí peṉké yamarman nájanjai” timiai. Nuyá̱ nu arantcha turutmiai “Ju̱ka imiá nekas asamtai aartá. Nekas enentáimtustiniaiti.”

Apu. 22:10

Nuyá̱ ataksha turutmiai “Ju̱ papinium aarma Yusna asamtai ú̱kam ikiusaip. Ashí túrunatin tsawant ishichik ajatésai.

Apu. 22:16

“Wi, Jesus, ashí Yus shuaran ujakárat tusan winia suntarun akupkajai. Wikia Tawit Weaitjiai. Túrasha Tawitia úuntri̱ntjiai. Wikia tí tsaapin yaa Yáṉkuamia áintsaṉketjai” tawai.

Apu. 3:1

Nuyá̱ turutmiai “Sártisnumia̱ Yus shuara uuntri̱ ju̱ áatrata. Siati Yusa Wakaní̱n takakna nu tura núnisaṉ siati yaan takakna nu, tawai ‘Ashí ame túram nuna nékajai. Iwiaakua áintsaṉ wekayatmek Wíji̱a̱i̱ṉkia jákaitme.

Apu. 3:14

Nuyá̱ turutmiai “Rautiséanmaya̱ Yus shuara uuntri̱ ju̱ áatrata. Wáitrutsuk nekasa nunak tiniua nu tura núnisaṉ ashí Yus najanamun úuntri̱ya nu, tawai

Apu. 3:4

Tura Sártisnum shuar ishichik pushiri̱ wapikmákcharu pujuiniawai. Nusha tí peṉker áiniak pushí pújun entsarar Wiji̱a̱i̱ wekasartatui.

Apu. 3:7

Nuyá̱ turutmiai “Piratírpianmaya̱ Yus shuara uuntri̱ ju̱ áatrata. Ti shiir túrin tuke nekasan tana nu, úunt akupin Tawitia yawiri̱ takaku asa uraimtai chíkich peṉké epenchamniaiti. Tura epenmiatai chíkich peṉké uraichminiaiti. Ju̱na tawai