Apu. 1:1 - Yus Papí: Shuarja̱i̱ Yus Yamaram Chicham Najanamu

¹ Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.

Apu. 1:1 Iomraidhean Croise

YKan. 25:14

Uunt Yusan nekas ashamak tsanias pujana nuna Yus nekaska Ni enentáimta nuna nékamtikiattawai.

Tan. 8:16

Nuyá̱ Urái entsa yantamén aentsu chichame̱ya núninian antukmajai. Nuyá̱ untsumuk chichaak “Kapriará ímiaja̱i̱k wainkiamu jintintrata” timiai.

Tan. 9:21

Kapriar yámankamtaik áishmaṉka núnis ímiaja̱i̱k wainkiamaj nuka ki̱arai̱ Yus áestutai̱ jeatemámunam nanaak wárik taa winia antintkiamai.

Tan. 9:23

Ame emka seamum nu sunasti tuname. Warí, ámeka ti aneamu asakmin jintintrattsan tarijme. Ju̱ tamasha antukta núnisaṉ ímiaja̱i̱k wainkiam nusha péṉker esettsam nekaata.

Ams. 3:7

Warí ii Uuntri̱ Jiuwaka ni takarniúri̱ Yúsnan etserin ainia nuna paant ujatskeka nekaachminia nuna túrichuiti.

Juaṉ 12:49

Wi enentáimmiaja̱i̱ṉ chichaatsjai. Winia Apar akattúr akuptúkuiti. Tura chichastinia nuna surusuiti.

Juaṉ 15:15

Takarniuka ni uuntri̱ takaana nuna nékatsui. Tuma asamtai ‘winia takarniúruitrume’ tátsujrume. Antsu ashí winia Apar táman ujaku asan ‘winia amikruitrume’ tájarme.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 3:32

Tuma asa nayaimpiniam antukman tura wainkiamun áujmatui. Tuma ai̱ṉ ni chichame̱ncha peṉké anturainiatsui.

Juaṉ 8:26

Nu arantcha atumín súmamtikiatjarum tusan ti tíminiaitjiai. Winia Apar akuptúkua nuka tuke nekasa nuna tawai. Tura aya ni táman antukan ashí shuaran nunak tajai” tímiayi.

Rum. 16:25

Wátsek, Yus shiir awajsatai. Niṉki nekas kakaram awajtámsamniaiti. Wi uwempratin chichamnum Jesukrístunun étsereaj nuja̱i̱ ikiantamprattawai. Nu chicham yámankamtaikniumia̱ nekaachmanak Yus yamaikia paant awajsaiti.

Kar. 1:12

Aentska ujatkachmai. Unuitiutnasha unuitiurchamai. Antsu Jesukrístuk winia paant jintintruamai.

Ipi. 3:3

Yus nuna túrutak yaunchu nekaachmancha paant awajtúrsamiayi. Núnaka ishichik áatraitjiarme.

Tit. 1:1

Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

Apu. 1:19

Tuma asamtai wainkiamna ju̱sha, yamái wáinmena nusha tura ukunam átatna nusha aartá.

Apu. 1:9

Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

Apu. 17:1

Nuyá̱ siati suntarnumia̱ chikichik taruti turutmiai “Winitiá. Tsanirmatai nuwa̱ ti asutiátniun iniaktustatjame. Nu nuwa̱ nayantsanam uku eketui.

Apu. 19:10

Takui̱ nu Yusa suntari̱n shiir awajsataj tusan tikishmátramjai. Túramtai chichartak “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” turutmiai. Kame Jesus imiá nekas tiniua nuna ashí átatna nuna wakaní̱nti.

Apu. 19:9

Nuyá̱ nayaimpinmaya̱ suntar turutmiai “Ju̱ áatrarta ‘Murik nuatma nampernum ipiaamu ainia nuka ti shiir warasarti.’ Tu aartá, turutmiai. Ju̱ka Yus timia asa imiá nekasaiti.”

Apu. 21:2

Wi Juaṉ, ti shiir péprun Yusai̱ya̱ yamaram Jerusaréṉkan nayaimpinmaya̱ táarun wainkiamjai. Anajmarma ni áishri̱n iṉkiuṉtaj tusa ti shiir iwiarmampra áintsaṉ tí peṉker iwiaramuyi.

Apu. 21:9

Nuyá̱ siati suntar piniṉ amúamunam wáitkiastinji̱a̱i̱ piákun takakua nuyá̱ chikichik taruti turutmiai “Winitiá. Murikiu anajmarmari̱n iniaktustatjame.”

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:16

“Wi, Jesus, ashí Yus shuaran ujakárat tusan winia suntarun akupkajai. Wikia Tawit Weaitjiai. Túrasha Tawitia úuntri̱ntjiai. Wikia tí tsaapin yaa Yáṉkuamia áintsaṉketjai” tawai.

Apu. 22:6

Nuyá̱ suntar chichartak “Ju̱ Chicham ti nekas asa nekas enentáimtusminiaiti. Uunt Yus yaunchu níniun etserniun ni chichame̱n enentáimtikramia núnisaṉ yamaikia ni suntari̱n akuptuk wárik túrunatta nuna ashí ni shuari̱n ujakuiti” turutmiai.

Apu. 22:8

Wi, Juaṉ, ju̱na mash iisan mash antukmajai. Tura mash iisan antukan nayaimpinmaya̱ suntar iniaktursama nuna shiir awajsataj tusan tikishmátramjai.

Apu. 22:9

Túram chichartak “Íimsakia áinkiaip. Wisha Yusa yáintri̱ntjiai ámiji̱a̱i̱ tura yatsumji̱a̱i̱ méteketjai. Yúsnan etserin ásar tura ju̱ papinium aarma nuna umirainiak nisha Yusa yaintri̱ áiniawai. Yusak shiir awajsatniuiti.”

Apu. 4:1

Nu naṉkaamasmatai nayaimpiniam waiti uranniun wainkiamjai. Tura nuyá̱ kakaram untsumman antukmajai. Nuik kachuja̱i̱ métek kakaram chichartukma nu turutmiai “Ju̱i̱ yakí̱ wakata. Ukunam átatna nuna iniaktustatjame” turutmiai.

Apu. 5:7

Nu Murik we nekas úunt Akupniun untsuurí̱nian nu papin achikmiayi.