Apt. 1:21 - Yus Papí: Shuarja̱i̱ Yus Yamaram Chicham Najanamu

²¹ Nuyá̱ uwemtikkiartin Seun naintnium wákartatui túrawar naintiar naintra Esaú nuṉkanka nékaskea nuja̱i̱ métek sumamtikiattawai. Nuya̱ṉka Jiuwá akupin ajastatui.

Apt. 1:21 Iomraidhean Croise

Naṉ. 25:23

Takui̱ Uunt Yus Riwikian aya̱k “Aminí̱ṉkia jimiará uchi eṉketáiniawai. Tuma asa ukunam jimiará nuṉkanam mátsatka ajasártatui. Tuma ásar ame uchirmeka akiintsuk mánainiawai. Chikichik matsatka tí kakaram átatui. Túrasha iwiai̱ṉkia ni patai̱n umirin átatui” tímiayi.

YKan. 102:15

Túrasha Uunt Yus ataksha Seúnnum Ni Je̱e̱n je̱a̱m Ni péṉkeri̱n iniaktusartatui. Nuna túramtai Ni kakarmari̱n wáinkiar ashí nuṉkanmaya̱ aents tura ashí úunt akupin ainia nusha Uunt Yusa náari̱n ashamkartatui.

YKan. 22:28

Warí Uunt Yúskete Akupniúka. Niṉki ashí nuṉkanam akuptiatui.

YKan. 22:29

Kame ju̱ nuṉkanam ashí naṉkamantu ainia nusha yurumpruawar Yusan shiir awajsártatui. Núnisaṉ ashí péejchach jákatniun nérencha ásar niji̱a̱i̱ métek tikishmátrartatui.

YKan. 47:7

Warí Yus ashí nuṉka Úunt Akupniuri̱ asamtai nekas enentáimtusrum kantampruátarum.

YKan. 67:4

Uunt nuṉkanam mátsatkatirmeka shiir enentáimkiuram warastarum. Warí aents ainia nuka Ámeka naka túrutairmiji̱a̱i̱ métek sumamtikiattame túram uunt nuṉka mátsatkamu ainia nu jintia nekapruiniame. (Séraj)

Tan. 12:3

Núnisaṉ aents neka ainia nuka nayaimpiji̱a̱i̱ métek wínchar ajartatui. Tura untsurí aentsun péṉker túratniun jintintiáinia nuka yaaja̱i̱ métek tuke amutsuk keartatui.

Tan. 2:35

Nuya̱ṉka jírusha nuwe̱ iniarkámusha yaṉkú jirusha kuitcha tura kurisha tsai̱ tsai̱niá ajasár trikiu saepe̱ esatái̱ urukawa núnis mash ajasármai. Nase umpuí yaruakma asa ni wajasmaka atakka peṉké wainniakchamai. Tura kaya tukuma nuka naint ti uunt ajas ashí nuṉkan anetkámai.

Tan. 2:44

Tura nu úunt akupin pujuartatna nu tsawantin nayaimpinmaya̱ Yus chíkich akupeamu peṉké nupetkachminian apujsattawai. Antsu nuka ashí akupin ártatna núnaka tsai̱ tsai̱ awajsatniua núnis mash amú amus aya niṉki tuke akupin átatui.

Tan. 7:14

Nuya̱ṉka akupkatin tura naṉkamantu ajastin núnisaṉ akupin átincha sunasmai. Tuma asamtai ashí aents tura mátsatkamu uunt nuṉka ainia nuya̱sha núnisaṉ chíkich chíkich chichamtin ainia nusha Nin shiir enentáimtuiniak umiriarmai. Warí, ni akupkatniuri̱ṉkia náṉkatkachu amuukashtin tura peṉké emesnarchatniuiti.

Tan. 7:27

Nuya̱ṉka tunaarincha ainia nuna Ashí Tujintkiachu Yusa akupeamuri̱ aents ásarmatai ashí ju̱ nuṉkanam akupeamu ainia nuna peṉkeri̱n tura kakarmari̱ncha nuyá̱ páantniuri̱ncha nu akupeamun súsartatui. Warí, nu akupeamuri̱ṉkia peṉké naṉkankashtin asamtai ashí nuṉka akupeamunam ainia nusha Yusan shiir awajainiak umirkartatui.’

Juir 2:32

Kame Uunt Yus timia tímiatrusaṉ Jerusaréṉnum Seun nainniumka uwempratin átatui. Tuma asamtai yaaksha Uunt Yusa naari̱ pachis enentáimtuinia nuka uwemprartatui. Nuyá̱ Uunt Yus untsukma ainia nuka tuke iwiaaku juákaru ainia nuja̱i̱ pujusártatui. Tur. 2:17-21

Mik. 4:7

Nuya̱ṉka shutuap juákarma núnaka tura yajá tsakiṉmakarmaj nunasha uunt pepru ti kakaram awajsartatjai” tawai Uunt Yus. Tura nu tsawantinkia Seun nainnium Uunt Yus yamaisha tura ukunmasha nin tuke akupkartatui.

Sak. 14:9

Nuiṉkia Uunt Yus ashí ju̱ nuṉkanam akupkáttawai. Nu tsawantinkia Uunt Yusak aya Níṉkiti tura ni náari̱nkia chikichkiniak átatui.

Mat. 6:10

Ashí aentsnum ame akupkatin tsawantrum wari jeatí. Ame wakeramuram nayaimpiniam umikma ana núnisaṉ ju̱ nuṉkanmasha uminkiati.

Mat. 6:13

Tunáa wakeruktin tsaṉkamkartukaip. Antsu ashí yajauch túratniunmaya̱ iin aṉkant awajkartusta. Tuke ashí aents akupkámniaitme. Núnisam Amesha tuke ti kakarmaitme. Tura tí shiiraitme. Tuma asakmin seaji. Nuke atí.’

Ruk. 22:30

Tura akupin pujutai̱nium pujusrum Israer shuar tuse írutkamu akupkáttarme tajai.” Tú timiayi.

1 Tim. 4:16

Túramna nusha tura unuiniamna nusha péṉker wáinmamkata. Nu túratin pimpikip. Nu túrakmeka uwemprattame amesha tura ujainiam nusha uwemtikrattame.

San. 5:20

Shuar tunáa shuaran yajauch wekaan awakeakka jákatniunmaya̱ uwemtikrattawai tura ti untsurí tunaarí̱ tsaṉkurnartatui.

Apu. 11:15

Nuyá̱ suntar siatia nu, kachun umpuarmatai chícham kakaram chichainia nayaimpinmaya̱ antunkamai. Jú̱nis tiarmai “Yamaikia ii Uuntri̱ Yus tura ni Anaikiamu Kristu ashí shuaran akupin ajasárai. Nisha tuke amutsuk akupkartatui.”

Apu. 19:6

Nuyá̱ tí untsurí shuar chichainiak kanusa uuntri̱ nujaṉkrak téter ajá núnisaṉ antukmajai. Ti kakaram ipiamta núnis amai. “¡Naṉkamantuitme Uunt Yusá! Ii Uuntri̱ Yus Ashí Tujintkiachu asa ashí akupkatniun naṉkamayi.

Apu. 20:4

Nuyá̱ akupin pujutai̱nium pujuinian wainkiamjai. Tura shuara túramuri̱n íirsarat tusa kakaram sunasarmai. Tura núnisaṉ muuke̱ tsupirka maamu wakaní̱ncha wainkiamjai. Nusha Yusa Chichame̱n etserainiak tura Kristu Chichame̱ncha etserin ásar maamu armai. Nisha Entsaya̱ Yajasmancha ni nakumkamuri̱ncha tikishmátracharu armai. Núnisaṉ náari̱ncha nijia̱i̱niumsha tura uwejnumsha anujmamprakcharu armai. Nu shuar ataksha nantakiar emka nantaktin tsawantnum pachinkiarmai. Túmainiak Krístuja̱i̱ métek mir uwí akupeamun wainkiamjai. Antsu chíkich jákaruka mir uwí naṉkamatsa̱i̱ṉ nantakcharmai.

Suma. 2:16

Nuya̱ṉka Israer shuaran itiurchat awajiarmia nuyá̱ aṉkant awajsartinian sumamtikniun Uunt Yus anaitiukarmiayi.

Suma. 3:9

Nui̱ Israer shuar Uunt Yusan ataksha kakaram seawarmiayi. Tura Uunt Yus nin uwemtikiartinian Karepa yachí̱ ékechiya nuna Kenasa uchirí̱ Utuniáran iniaitiuk uwemtikrarmiayi.