Apt. 1:20 - Yus Papí: Shuarja̱i̱ Yus Yamaram Chicham Najanamu

²⁰ Israer shuara suntari̱ misaar yaruakma arma nu Kanaan shuara nuṉke̱n Sarepta ímianai akinkiartatui. Tura Jerusaréṉnumia̱ misaar yaruakma Separátnum matsatna nu Nekepnumia̱ pepru ainia nuna akinkiartatui.

Apt. 1:20 Iomraidhean Croise

Jrm. 3:18

Nu tsawantinkia Jutanmaya̱sha Israernumia̱ja̱i̱ métek wekasartatui. Túmainiak arakaani̱ matsatainia nuka ni aparí̱ nuṉkan nérentin ajasármia nú nuṉkanam tsaníakuk káunkartatui.

Jrm. 32:44

Antsu nuṉkan kuitji̱a̱i̱ súmainiak papin najanawar asaktai̱n apujtuawar tura jimiará aentsun achikiar Piṉjiamínkia nuṉke̱nka Jerusaréṉkan téntakartatui. Jutá pépruri̱n tura pepru naintiar naintranmasha tura Sejeranmasha núnisaṉ Nekepnumsha pepru iruniartatna nui̱ Wikia yajá yaruakma ainia nuyá̱ awakearartatjai’” tawai Uunt Yus.

Jrm. 33:13

Pepru naintiar naintiar írunmanumsha tura pakanam pepru írunmanumsha Nekepnumsha tura Piṉjiamínkia nuṉke̱ncha núnisaṉ Jerusaréṉka téntakmari̱ncha tura Jutá pépruri̱ncha ímianaisha murikiun wáinin ni murikrí̱n nekapmar matsasártatui’ tíniuiti Uunt Yus.

Jrm. 33:26

nuiṉkia Wikia Jakupa tiraṉki̱ncha tura Winia takartin Tawitia tiraṉki̱ncha nakitrartatjai. Tura Tawitia uchirí̱nkia Aprajáma uchirí̱n, Isaknasha núnisan Jakupnasha, nin úunt akupin ajasarti tusan apujsashtatjai. Antsu nekas Wikia nin péṉkernum apujsattajai túran waitnentrartatjai’ tawai” tímiayi.

Ruk. 4:26

Tuma ai̱ṉ nu waje̱n yaiṉtí tusa Yus Iríasan akuptúkchamiayi. Antsu chíkich nuṉkanmaya̱ waje̱n Sareptanam pujumia nuna yaiṉtí tusa akuptúkmiayi. Sarepta pépruka Setunnum tíjiu̱chiti.