Apt. 1:18 - Yus Papí: Shuarja̱i̱ Yus Yamaram Chicham Najanamu

¹⁸ Jakupa shuari̱ nuyá̱ Jusé shuari̱sha kapá̱a̱ átatui. Nuyá̱ Esaú shuarka aesnak amunuk kai̱ awajnas warinkish juákchattui tura ekemanak mashⁱ amunkattui” warí Jiuwá núnis tíchakait.

Apt. 1:18 Iomraidhean Croise

2 Sam. 19:20

Wikia ame takarniunka nekas tunaan túramjai tura nekaata. Tuma asan yamaikia winia úuntrun úunt akupniun iṉkiuṉtaj tusan Jusé shuari̱ya̱ṉka wiawiá tajai” tímiayi.

Jiin. 5:12

Tutai Israer shuarka ashí Ejiptunam tsakiṉmakar trikiu nuké̱ utsaṉka ikiukmian juktai tusar wéarmiayi.

Isa. 47:14

Tura ju̱ nekaata, chiruntka núnis ásarmatai ji aeskartatui. Jinia kakarmari̱ya̱ṉka ni iwiaakmari̱nkia uwemtikrachartatui. Kaí̱ri̱ṉsha juakcha asa anamtash anamáchmin tura ishichkisha kapaachuncha wariniak téntaksha pujursarti.

Isa. 5:24

Kame Ashí Akupin Uuntri̱ Uunt Yus akupkámun antukcharu ásarmatai tura Israernumia̱ Tunaarincha chichame̱ncha mui̱jmiai̱ awajsaru ásar chírichri áeskam kaṉkapé̱sha mamúatsuk tura chirunkasha ji keakui aya méṉkatsuk núnisaraṉ Israer shuarka túrunawartatui. Tuma asamtai Uunt Yuska Ni aentsri̱n tí kajerak asutiáwartatui. Naintcha muchitrartatui tura aents kaji̱ṉkiáruka jintiaṉka tsuata tímiatrus wáinkiartatui túrasha núja̱i̱sha Uunt Yuska peṉké tsaṉkurchattawai.

Isa. 9:18

Kame tunaaka ji tsuátan áeseak itiurawa núnis múkun múkun ajamiayi. Uunt Yus kajekú asamtai nuṉkasha tura aentsush asutniáwartatui. Tura aentsush nuamtak mai̱ maanai ajainiak nú arant ajainiawai. Túmainiakuisha Uunt Yusa kajetáiri̱ṉkia naṉkaamatsui antsu nu arant awajiártajtsa aya ajatás Ni uwejé̱ṉka takuri̱ araawai.

Jrm. 11:23

Ni shuar ainia nuka iwiaaku juákchartatui tura Wi Anatútnumia̱ aentsnaka asutiátin uwí átatna nuiṉkia yajauchin itiariártatjai” tímiayi.

Isk. 37:16

“Maa, aentsu uchiri̱yá, numi achikiam ju̱ka Jutanuiti tura Israer shuara uchirí̱ Jutaja̱i̱ pujuinia núnaiti tusam nú numinmaṉka aartá. Núnismek chíkich numisha achikiam ju̱ka Eprainkia wái̱ri̱niuiti Jusenu tura ashí Israer shuar Eprainji̱a̱i̱ pujuinia núnaiti tusam chíkich numinmaṉka aartá.

Isk. 37:19

chicharainiakum ‘Kame Uunt Yus Ashí Aentsu Uuntri̱ chichaak “Jusé wai̱ri̱ Eprainkia uwejé̱n tura ashí Israer shuarnum ana nú numin achikian Jutá shuara numiri̱ji̱a̱i̱ apatkan chikichik awajsattajai. Túran chíkichkia nútiksan takustatjai” tawai Uunt Yus’ tiartá.

Juir 2:5

Tura naintia pakarí̱n nanten ajainiak mánitiai̱ karu untsurí ashiniak urukainiawa tímiatrusar téter ajainiawai. Núnisaṉ nukasha kaaku ekemam urukawa tímiatmainiak untsurí aents mesetan iwiarnatkar áya ajasár urukainiawa tímiatrusar uu ajartatui.

Ams. 5:15

Péṉkera nu aneakrum yajauchia nuka muí̱jkiatarum. Núnisaṉ chícham iwiartai̱nmasha nekasa nuja̱i̱ métek sumamtikiatin juárkitiarum. Antsu nuiṉkia Jiuwá Yus, Nayaimpinmaya̱ Suntara Uuntri̱ Jusé shuar juákarua núnaka waitnentrachartimpiash.

Ams. 6:6

Wíniusha tsapa ti úuntnum úmarme tura kuṉkuincha tí peṉker ainia nuja̱i̱ ukatmamprume. Tura Jusé shuari̱ weasha tí itiurchatnum pujakuisha ishitkisha kúntutska nekapeatsrume.

Apt. 1:16

Warí Winia akantúkma murarui̱ atumsha umara nampeku asaakrumin núnisaṉ ashí uunt matsatkamu iniaitsuk nui̱ tuke úmin ártatui. Tuma túmainiakua yáunchusha tuke atsuwa núnis juákartatui.

Mik. 5:8

Túramtai Jakupa shuari̱ úunt ya̱wa̱ kampunniunmaya̱ yajasma kajen ainia nuna ajapéri̱n nupetmaku wajana tura úunt ya̱wa̱ uchirí̱ murik matsatmanum ajapén pujuras péempruk esái júak chikichkiṉkisha iniaṉkakchattana núnisaṉ nisha ishichik juákaruitiat untsurí nuṉkanmaya̱ aentsu ajapéri̱n nupetmakaru wajasártatui.

Sak. 12:6

Nu tsawantin Jutá uuntri̱ ainia núnaka chíṉkim jinium pataram keana tura shirikip shana nuke̱n ekemana tímianu awajsartatjai. Tura nisha untsuurnumaani̱ nuyá̱ menanmaani̱ núnisaṉ ashí aents nui̱ téntakar pujuinia nunasha áeskartatui. Túramtai Jerusaréṉnumia̱sha ataksha nui̱ṉ pujusártatui.

Mks. 4:1

“Pai, yamaikia ji keak weantúkchamnia ajana imianú tsue̱r tsawant winittiawai. Nui̱sha ashí naṉkamantu enentáimtuma ainia nusha tura yajauchin túruinia nuka tsarútrája̱i̱ métek juákartatui. Tuma asamtai nu tsawantinkia ji keek kaṉkaptiuk tura kanawentuk nú aentska áeskam peṉké juákchartatui” tawai Ashí Akupin Uunt Yus.

1 Kur. 3:12

Tura je̱a̱ je̱a̱mainiak ni wakerak péṉkera nuja̱i̱ je̱a̱miniaiti. Kame ni péṉker je̱a̱mtinian wakerakka kuriji̱a̱i̱sha, kuítji̱a̱i̱sha, shíirmach kayaja̱i̱sha je̱a̱miniaiti. Chíkich je̱a̱mkuka numiji̱a̱i̱sha keṉkuja̱i̱sha tura nukaja̱i̱sha je̱a̱miniaiti. Núnisaṉ shuar Yúsnan takaak péṉker takasminiaiti túrasha náṉkamas takasminiaiti.