Apt. 1:17 - Yus Papí: Shuarja̱i̱ Yus Yamaram Chicham Najanamu

¹⁷ Maa nui̱ Seun naintnium juákaruka uwempraru ártatui. Nu naintkia aya Yusnak akantúkma átatui. Nuya̱ṉka Jakup aentska mashⁱ ni takaku armia núnaka awaṉtumprartatui.

Apt. 1:17 Iomraidhean Croise

YKan. 69:35

Warí, Yus Seúnnumia̱ aentsun uwemtikrattawai. Tura Jutá nuṉkanam ataksha péprun najankattawai. Nui̱ pujusár nuṉkenawartatui.

Isa. 1:27

Nekas ni yajauch túrutairi̱n iniaisarmatai nuja̱i̱ Seunka ataksha awaiṉkir péṉker awajsamu átatui. Antsu Yusa nakitiáinia nuka amukma ártatui. Numi ukat ukatniua nui̱ najanamu yus shiir awajmiarum nu natsa̱a̱rartatui. Tura nu enentáimtusrum kúntuts pujustatrume. Kakaram ainia nusha tura takatrí̱sha chirunka núnisaṉ mai̱ keekartatui. Túrasha nui̱ṉkia yaaksha nuna ikiajniáktin atsuttawai. Tu Israer shuaran Isayas ujakármiayi.

Isa. 4:2

Kame nu tsawantinkia Úunt Yusai̱ya̱ jé̱e̱rtatna nuka ti shíiram núnisaṉ tí paantin wararsamu átatui. Tura nu nuṉka arakri̱ nere̱ja̱i̱ ti wararsamu nuyá̱ Israer shuar iwiaaku pujuartatna nuna iwiarmamke átatui.

Isa. 46:13

Wi nekasa nuja̱i̱ métek túrutair atumín weantúrmaktatrume. Winia uwemtikkiartutai̱rka naṉkankashtatui. Seúnnumsha uwempratniunka ejettajai tura Israer shuarnaka Winia páantniur átatui.

Isa. 65:9

Jakupa shuari̱nkia untsurí awajsartatjai tura Jutá shuarnumia̱ winia náintrun nérentin ajastinniaka jí̱i̱ktiatjai. Tura Wi anaikiamu ainia nu nuṉkanka nérentin ajasártatui. Nuyá̱ Winia takartin ainia nusha nui̱ matsamsartatui.

Jrm. 31:23

Nuyá̱ Ashí Akupin Uunt Yus Israera Yusri̱ jú̱nis tawai “Yajá yaruakma ataksha ikiankam Jutanam tura pepru nui̱ írunmanum matsamsarum nui̱sha tuke chichaakrum ‘Maa nekasa nuja̱i̱ métek túrutai̱ Yusa naintri̱ Uunt Yus shiir awajtámsati’ títiatrume.

Jrm. 44:14

Tura Jutanmaya̱ wárumchik juákaru Ejiptunam pujustai tusar ashinkiarma nuya̱ṉka yaaksha pisarchattawai. Núnisaṉ Jutanam waketki̱ pujustinniaka ti wakeruiniayataṉ tujintkiartatui. Warí, chikichkisha iwiaakuka juákchattawai. Kame, peṉké waketkichartatui antsu wárumchik pisarárua nuke waketkiartatui’ tawai” tímiayi.

Jrm. 44:28

Kame puya̱ja̱i̱ mácharma pisaráru wárumchik juákarua nuka Ejiptunmaya̱ Jutanam waketrar kaunkartatui. Antsu nui̱ṉkia Jutanmaya̱ shuar juákuru Ejiptunam matsamsatai tusar waya̱warua nuka Winia chichampruash núja̱i̱ṉchuka ni chichame̱ya̱sh uminkiat nuna nekaawartatui.

Jrm. 46:28

Ámeka winia takartin Jakupá ashamkaip. Warí Wi ámiji̱a̱i̱ṉkia pujajai tawai Uunt Yus. Kame ashí uunt nuṉka mátsatkamunam tsakiṉmakuitjiamna nu nuṉkanmaya̱ṉka nekasan amukártatjai. Túrasha áminkia amukchattajme antsu nekasa nuja̱i̱ métek asutiáttajme. Tura asan tunamkachua núnisnaka peṉké asuttsuka iniaisashtatjame” tawai Uunt Yus.

Tan. 7:18

Túrasha nu naṉkaamasmatai̱ṉkia Ashí Naṉkamantu Yusna ajasár tunaarincha áiniana nu ni akupeamuri̱n akintrukartatui. Tura nu akupeamuka peṉké iniaṉnatsuk tuke niniu átatui’ turutmiai.

Juir 2:32

Kame Uunt Yus timia tímiatrusaṉ Jerusaréṉnum Seun nainniumka uwempratin átatui. Tuma asamtai yaaksha Uunt Yusa naari̱ pachis enentáimtuinia nuka uwemprartatui. Nuyá̱ Uunt Yus untsukma ainia nuka tuke iwiaaku juákaru ainia nuja̱i̱ pujusártatui. Tur. 2:17-21

Juir 3:17

Winia akantúkma náintiur Seunka nui̱ṉkia atumí Yusri̱ Wi Uunt Yusan pujamu nekarattarme. Nui̱ṉkia Jerusaréṉka ti shiir akantúkma pepru átatui. Túrunamtaiṉkia atakka wáinchatai aentska nuní̱ wayá̱ yajauch awajtámas naṉkaamakchartatui.

Juir 3:5

Átumka winia kuítrusha kurirsha yaruakrum wariṉkish tí shiirmach ainia nu atumí najankamu yusri̱ je̱e̱n ikiusmarme.

Ams. 9:8

Kame Ii Uunt Yusri̱ chichaak “Ju̱ yajauch akupeamunka suir iinia asan mash amú amustatjai. Túrasha Jakupa shuari̱nkia máshikia amukchartatjai” tawai Uunt Yus.

Sak. 8:12

‘Warí arakan arakármatai úwasha péṉker nerekartatui núnisaṉ nuṉkasha tí péṉker neremtikiartatui. Túmakui̱ nayaimpikia nuṉkan sanamtiktiatui. Kame ju̱ aents ishichik juákarua jú̱naka ju̱na mash takusarat tusan tsaṉkatkartatjai.

Sak. 8:3

Uunt Yus jú̱nis tawai ‘Wikia Seúnnaka atak ímiatrusnak awajsájai. Jerusaréṉnumsha matsastatjai. Nuyá̱ Jerusaréṉka Nékaskea Nú Pepru tunattawai. Núnisaṉ Ashí Akupin Uunt Yusna Naint Yusna Akantúkma Naint tunattawai.’

Apu. 21:27

Antsu yajauchikia peṉké waya̱shtatui. Mui̱jmiainian túrincha tura wáitrincha peṉké waya̱chartatui. Antsu áyatik shuar tuke iwiaaku pujutai̱ papinium naari̱ aarma ainia nuke waya̱wartatui. Nu papincha Murik takakui.