1 Tim. 6:3 - Yus Papí: Shuarja̱i̱ Yus Yamaram Chicham Najanamu

³ Shuar ti shiir naka chichaman ii Uuntri̱ Jesukrístunu ana nuna nakitiak antsu niisháa chichaman étserkuṉka

1 Tim. 6:3 Iomraidhean Croise

1 Tim. 1:3

Masetúnianam wéakun “Ipisiunam pujuuta” timiaj núnisnak tájame. Shuar nui̱ wait chichaman jintin ainia nu suritkiarta.

1 Tim. 1:10

nuwa̱ncha tura áishmaṉnasha tsanirma ainia nunasha, shuaran kasamak juu ainia nunasha, wáitrinniasha, tsanumniuncha, ashí nuna itit awajsatniun akupénawai. Kame ashí péṉkercha nuna iwiaratniun akupénawai.

Tit. 1:9

Tura nú arantcha Yúsnan esetar jintíamu péṉker nekáa emetamu asa chíkich shuaran tí peṉker unuimiátai̱ji̱a̱i̱ jintintiámniaiti. Tura pachimtikin ujakmancha naka nakuertiniaiti.

2 Tim. 4:3

Ukunmaṉka péṉker chichaman nakitrar ii wakeraj núchik nekaatai tusar shuar teremak péṉker pujuschamnia nekapea áintsaṉ, naṉkaamas unuimiáru atai tusar náṉkamas unuikiartinian ti untsurí e̱a̱kartatui.

Rum. 16:17

Yatsuru, shuar nusháa enentáimtuiniak Yus shuaran akanainiak itiurchat awajénawai. Nu shuar wainkiarum kanaktiarum. Ni yajauch túramu átum péṉker takastin unuimiármena núnischaiti.

Tit. 1:1

Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

2 Tim. 1:13

Shiir chichaman jintintiamajmena nuke emetata. Jesukrístuja̱i̱ tsaniṉkiu asar Yus nekas enentáimtaji tura nuja̱i̱ aneṉkratniuitji. Tuke núnismek túrata.

1 Tim. 1:6

Chíkich shuar ju̱na iniaisar ántar chichaman áujmatainiawai.

1 Tis. 4:8

Tuma asamtai shuar ju̱ chichaman nakitiakka aentsun nakitiatsui antsu Yusan nakitraiti. Tura nu Yussha tunaan túrashtinian ni Wakaní̱n amaawiti.

Mat. 28:20

Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

Neka. 15:4

Shuar iniai̱ji̱a̱i̱ péṉker chichaawa nuka numi sameka áintsaiti tura iniai̱ji̱a̱i̱ yajauch chichaawa nuka wakanniasha emesniuiti.

Tit. 3:8

Nuka ti nekasaiti. Tuma asamtai Yusan umirkarmia nu, péṉker túratniun tuke wakerukarat tusam tuke jintinki̱ wetá. Wi tímiajna nu, péṉker asamtai ashí aents nuna nekaatniun atsumainiawai.

Mat. 22:21

Tutai “Uunt Sésarna” tiármiayi. Tuíniakui Jesus chicharainiak “Nuikia uunt Sésarna nu, Sésar susatarum. Tura Yusna nusha Yus susatarum” tímiayi.