1 Tim. 4:5 - Yus Papí: Shuarja̱i̱ Yus Yamaram Chicham Najanamu

⁵ Yus Chicham tana núja̱i̱sha tura yuíniak Yusan yumiṉkias áujsamuja̱i̱ ashí péṉker ajasuíti.

1 Tim. 4:5 Iomraidhean Croise

Naṉ. 1:25

Kame Yuska kampunniunmaya̱ yajasmancha nú weanak tura taṉkuncha núninniak nuyá̱ japinias yujá ainia nunasha núninniak najankamiayi. Tura Yus nuna iis “péṉkeraiti” tímiayi.

Naṉ. 1:31

Tura Yus ni najankamuri̱n mash iis “Pai, yamaikia nekas tí peṉkeraiti” tímiayi. Nui̱ kashi tsawai̱ji̱a̱i̱ sais tsawant ajasmiayi.

Ruk. 11:41

Aneartarum, Pariséutirmesha. Aya nuka méntasha, anissha tura aya apatkusha Yus súsatin ti enentáimprume. Nukasha tsuriasrum apatkusha tias ana nuyá̱ chikichik achikrum Yúsnaiti tátsurmek. Tura antsu nu túratin iniaitsuk péṉker wekasatniusha, Yus anenmarmena nusha péṉker enentáimsatniuitrume. Wats init, enentáimin ana nútiksarmek jusam súsarta. Nuiṉkia ashí chamir átatui.

Ruk. 4:4

tutai Jesus chichaak “Yus Papinium tawai ‘Aya apatkuja̱i̱ṉ shuar iwiaaku pujuschamniaiti. Antsu ashí Yus Chicham tana nuja̱i̱ nekas iwiaaku pujusminiaiti’ Muis. 8:3 tawai” tímiayi.

1 Kur. 7:14

Nú nuwa̱ka “Yus shuarchaja̱i̱ tsaniṉ pujakun Yusja̱i̱ yajauch ajastatjai” tu enentáimprashtiniaiti. Antsu ni Yus shuar asamtai ni aishri̱ niji̱a̱i̱ pujá asa péṉker ajasminiaiti Yusja̱i̱. Núnisaṉ núwa̱ka Yus shuarchaitiat ni aishri̱ Yus shuaraitkiuiṉkia niji̱a̱i̱ tsaniṉ pujá asa péṉker ajasminiaiti Yusja̱i̱. Núnisaṉ ni uchirí̱sha péṉker ajasmin áiniawai Yusja̱i̱. Núnischaitkiuiṉkia ni uchirí̱ Yus shuarcha uchirí̱a áintsar ainti.

1 Tim. 4:3

Nu aents nuatnaikiatniun suritiainiawai. Núnisaṉ chíkich chíkich yurumak yúatniuncha suritiainiawai. Warí, Yus ashí yurumkan najana asamtai Yus shuar nekas chichaman nékainia ásar Yusan yumiṉsar páchitsuk yuámin áiniawai.

Tit. 1:15

Enentáimprata. Yus shuarka ni enentái̱ chamir ajasu ana nuka ashí ni wainnia nuna péṉkernak enentáimtawai. Tura chíkich shuar Yusan umirkachu asa ni enentái̱ wapik asa péṉker ana nuna enentáimtustinian tujintiawai. Achapai enentáimiuk péṉkercha ana nuna “péṉkeraiti” tawai.

Isr. 11:3

Aya Yus enentáimtakur ju̱ nékaji, Yus aya ni chichame̱ja̱i̱ṉ ashí nuṉkan najanamiayi. Túramtai ashí wainiainiaj nu wáinchataiji̱a̱i̱ najanamu áiniawai.