1 Tim. 4:4 - Yus Papí: Shuarja̱i̱ Yus Yamaram Chicham Najanamu

⁴ Ashí Yus najanamu péṉker asamtai nakittsuk antsu Yusan yumiṉsar yúatniuiti.

1 Tim. 4:4 Iomraidhean Croise

Naṉ. 1:31

Tura Yus ni najankamuri̱n mash iis “Pai, yamaikia nekas tí peṉkeraiti” tímiayi. Nui̱ kashi tsawai̱ji̱a̱i̱ sais tsawant ajasmiayi.

Tur. 10:15

Túrasha Pítrun ataksha Yus chicharuk “Wi péṉkeraiti tájana nu yajauchiti tiip” tímiayi.

Tur. 21:25

Túrasha yatsuru, nekaata, Israer shuarcha Yusan nekas enentáiji̱a̱i̱ enentáimtusarua nu papí yaunchu akuptúkmiaji. Israer shuarti túratin ana nu ashí mash túratarum tátsuji, tu áatramji. Tura antsu taṉkun máwar ántar yusan susamu yúashtiniaitrume, tímiaji. Tura numpasha umarchatniuitrume, kajemtikramusha yúashtiniaitrume. Tura tsanirmashtiniaitrume. Tu áatramji” tiármiayi.

Rum. 14:14

Jesukrístu jintintiámu asan ju̱na nékajai, Yus najanamuka péṉkerchaka atsawai. Ashí túramniaitjiai. Túrasha shuar chichaak “Nu túrushtainti” táyat nuna túrakka niji̱a̱i̱ tunaiti.

Rum. 14:20

Yus iisam ashí yuámniaitji. Antsu ame yúamna nuja̱i̱ chíkich shuar tunaanum aju̱a̱rtin tunaiti. Tuma asamtai ame yuam nuja̱i̱ Yus nu shuara enentái̱n takarsamu emesraip.

Rum. 14:6

Chikichik tsawantan enentáimtakka Yusan shiir awajsatniun túrawai. Tura ashí métekrak enentáimtakka Yusan shiir awajsataj tusa túrawai. Yurumkaja̱i̱sha ashí yúana nu Yusan yumiṉkias shiir awajsataj tusa túrawai. Núnisaṉ ashí yúatsna nusha Yusan yumiṉkias shiir awajsataj tusa túrawai.

1 Kur. 10:23

“Ashí túramniaitjiai” tiniu áiniawai tura mash yáintkiashtatui péṉker wekasatniun. Nekas ashí túramniaitjiai tura mash yáintkiashtatui wakaniur kakaram ajastinnium.

1 Kur. 10:25

Namaṉ súmakum inintrútsuk sumakta. Tura najanamu yus susamusha yajauchichuashit tu enentáimtsuk páchitsuk yuátá.

1 Kur. 10:26

Ashí ju̱ nuṉkasha tura ashí írunna nusha Yúsnachuk ainia. Tuma asamtai péṉker áiniawai.YKan. 24:1; 50:12

1 Kur. 10:30

Wi Yusan yumiṉsan yúakuisha urukamtia itiurchat enentáimturainia. Yus yumiṉsachmakait?” tíchatameash.

Muis. 32:4

Niṉkia kátsuram Káyaiti, Israeran ayampri̱niaiti. Ni túramuri̱ṉkia ashí péṉkeraiti kame ashí túrana nuka nékaskete. Niṉkia nekas umin Yus asa yajauchiji̱a̱i̱ peṉké páchitkiachuiti antsu Niṉkia aya péṉkerkete.

1 Tim. 4:3

Nu aents nuatnaikiatniun suritiainiawai. Núnisaṉ chíkich chíkich yurumak yúatniuncha suritiainiawai. Warí, Yus ashí yurumkan najana asamtai Yus shuar nekas chichaman nékainia ásar Yusan yumiṉsar páchitsuk yuámin áiniawai.