1 Tim. 4:3 - Yus Papí: Shuarja̱i̱ Yus Yamaram Chicham Najanamu

³ Nu aents nuatnaikiatniun suritiainiawai. Núnisaṉ chíkich chíkich yurumak yúatniuncha suritiainiawai. Warí, Yus ashí yurumkan najana asamtai Yus shuar nekas chichaman nékainia ásar Yusan yumiṉsar páchitsuk yuámin áiniawai.

1 Tim. 4:3 Iomraidhean Croise

Naṉ. 9:3

Kame ashí árak ainia nu yuátarum tímiajrumna nútiksanak yamaikia ashí namaṉ ainia nunasha yúatniun tsaṉkateajrume.

Tan. 11:37

Tuma asa ni aparí̱ yusri̱ncha tura najankamu yusan nuwa̱ ti enentáimtiarmia nunasha peṉké enentáimtuschattawai. Warí, niṉki naṉkamantu ajas chíkich yúsnaka peṉké pachischattawai.

Mat. 14:19

Tinia aents chírichriniam pujusárti tusa akupkámiayi. Nuyá̱ seṉku páṉchin tura jimiará namakchin achik nayaimpiniam íimias Yusan yumiṉsamiayi. Tura puur ni unuiniamuri̱n aents ayuratarum tusa súsarmiayi.

Mat. 15:11

Aents yúana nuka shuaran yajauch awajtsui. Antsu wenunmaya̱ jiinia nuka shuaran yajauch awajeawai” tímiayi.

Mat. 15:36

Tura siati páṉkan namaknasha achik nuyá̱ Yusan yumiṉsamiayi. Tura puur aents ayuratarum tusa ni unuiniamuri̱n susamiayi.

Ruk. 24:30

Tura niji̱a̱i̱ irunar ekentsa yurumtainiam pujus yurumkan achik Yusan yumiṉkias nincha puuk súsarmiayi.

Juaṉ 6:23

Nui̱ matsatai̱ Tipiriasnumia̱ chíkich kanu táarmiayi. Ya̱u̱ Jesus Yusan yumiṉkias páṉkan ayuramunam tíjiu̱ch táarmatai

Tur. 27:35

Nuna tuasua amik Papru apatkun achik ashí íimmianumaṉ Yusan yumiṉsamiayi. Tura puuk yuámiayi.

Rum. 14:17

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji.

Rum. 14:3

Tura ashí yúa nuka namaṉken yúatsna nuna wishikrashtiniaiti. Núnisaṉ ashí yucha nu ashí yuun kakantrashtiniaiti. Warí núnaka Yus ni shuari̱n awajsachukait.

Rum. 14:6

Chikichik tsawantan enentáimtakka Yusan shiir awajsatniun túrawai. Tura ashí métekrak enentáimtakka Yusan shiir awajsataj tusa túrawai. Yurumkaja̱i̱sha ashí yúana nu Yusan yumiṉkias shiir awajsataj tusa túrawai. Núnisaṉ ashí yúatsna nusha Yusan yumiṉkias shiir awajsataj tusa túrawai.

1 Kur. 6:13

Ju̱nasha tiniu áiniawai “Apatuk wakeja̱i̱nchu tura wake apatkuja̱i̱nchu mai̱ ántraiti.” Apatkuja̱i̱ wakesha nekas mái̱ metek enentáimpratin áiniawai tura Yus mái̱ metek amuktatui. Núnisaṉ ii aya̱shi̱ ii Uuntri̱ Krístunuiti tura Kristu ii aya̱shi̱ nérenniuiti. Tuma asamtai ii aya̱shí̱ji̱a̱i̱ tsanirmashtiniaiti.

1 Kur. 7:28

Tura nuatkumka tunáa túratsme. Nuwa̱sha niniurtukka nisha tunáa túrachuiti. Túrasha nuatnaikiaru ju̱ nuṉkanam itiurchatan ti wáinkiartatui. Nú itiurchatnumia̱ wi uwemtikraintjiai.

1 Kur. 8:8

Wátsek, yuámuja̱i̱ Yus iin shiir enentáimtikrampratniun jeatsui. Yuarkia nuja̱i̱ péṉker áchattaji tura yúachrikia yajauch áchattaji.

Kurs. 2:16

Akupkámunmaya̱ Yus aṉkant awajtámsamtai chíkich shuar ame túramuja̱i̱ yajauch enentáimturmara̱i̱ṉ. Yúamna nuja̱i̱, úmamna nuja̱i̱, uwitincha, nantutíncha tura tsawantincha nampermam nuja̱i̱ chíkich shuar yajauch áujmatramkuisha ¿warí urukatiṉ?

Kurs. 3:17

Tura takaakmesha, chichaakmesha kame ashí túramna nuka Jesukrístu shiir awajsataj tusam ni kakarmari̱ji̱a̱i̱ṉ túrata. Túrakum Krístuja̱i̱ Yus Apa yumiṉsata.

1 Tim. 2:4

Ashí shuar nekas chichaman nekaawar uwemprarat tusar wakerawai Yus.

1 Tim. 4:4

Ashí Yus najanamu péṉker asamtai nakittsuk antsu Yusan yumiṉsar yúatniuiti.

1 Tim. 5:14

Nu asamtai waje̱ úchipiak ainia nuka niniurtukar uchin takusarti. Tura nuwa̱ nuatkamu takastinia nuna túrawarti. Tura ni túrunamuri̱ji̱a̱i̱ iin kajertamainiaj nú shuar yajauch enentáimturmarcharti.

Isr. 13:4

Nuatnaikiatin péṉkeraiti. Shuar ni nuwe̱ja̱i̱ tsaniṉ pujustin péṉkeraiti. Tura nuatkamu ainia nusha chikichan e̱a̱kchatniuiti. Tsanirmana núnaka Yus asutiáttawai.

Isr. 13:9

Chíkich chicham niisháa írunna nu anturkairap. Yus iin anenma asakrin kakaram ajasártai. Shuar niisháa yurumkaja̱i̱ enentái̱rui̱ kakaram ajastaj táyat peṉké yáiṉchaiti. Yurumeaj núja̱i̱nchu antsu Yusa aneṉkrattairi̱ji̱a̱i̱ ii enentái̱n kakaram ajasminiaitji.

1 Sam. 9:13

Atumsha péprunam waya̱krumka Yus áestakur enentáimtutai̱niam yurumáttsa wáachuk wainkiattarme. Warí ashí susamua nuna shiir awajsatniuiti tura ni jeachkuiṉkia yurumáchartatui. Nuya̱ṉka ipiaamusha yurumáwartatui. Tuma asamtai yamaikia wárichik wakatarum, wainkiattarme” tiármiayi.