1 Tim. 3:4 - Yus Papí: Shuarja̱i̱ Yus Yamaram Chicham Najanamu

⁴ Ní shuari̱n shiir akupeakui ni uchirí̱sha umin tura shiir awajkartin ártiniaiti.

1 Tim. 3:4 Iomraidhean Croise

Naṉ. 18:19

Warí ni uchirí̱ncha tura ni shuári̱ncha nuyá̱ uchirí̱ akiiniawartatna nunasha péṉker túratniuncha naka wekasatniuncha tura Uunt Yusa chichame̱n umiktinian jintintiáwartatna nuna nékakun anaikiaitjiai. Tuma asan tímiajna nu uminkiami tusan achikchamkaj” tu enentáimsamiayi.

Tur. 10:2

Nu uunt Kurniriu ni shuari̱ji̱a̱i̱, Yuska naṉkamantuiti, tu enentáimtiarmiayi. Tuma ásar Yusan enentáimtin ármiayi. Tura nútiksaṉ kuítniasha takakchan yáiṉtaj tusa Israer shuaran súuyayi. Tura tuke tsawant Yusan áujtiniuyayi.

Ipi. 5:24

Nu asamtai Yus shuar Krístun umirin áiniawai. Núnisaṉ ashí ana nuja̱i̱ nuwa̱ ni áishri̱n umirkatniuiti.

Jir. 4:8

Yatsuru, jú̱chiniak yamaikia Yus shuarti enentáimsatniun chichastatjai. Ashí nekas ana nu enentáimsatarum. Tura ashí anturkamnia ana nusha tura naka chicham ana nusha enentáimsatarum. Tura yajauch chichamsha enentáimsairap. Tura antsu ashí shiir ana nusha, chíkich shuarnasha péṉker enentáimtusminia nusha, kame ashí péṉker ana nu enentáimsatarum. Nuya̱sha chíkich shiir anturkamnia ana nusha enentáimsatarum.

1 Tim. 3:12

Yus shuaran yainkia nuwa̱n apatkachu tura ni uchirí̱ncha ní shuari̱ncha ashí shiir umimtikin ártiniaiti.

Tit. 1:6

Yus shuara úuntri̱ṉkia warinmaṉsha makuchmin tí peṉker tura chikichík nuwe̱ntin átiniaiti. Núnisaṉ uchirí̱sha ní wakeramunak túrichu tura aya níniunak enentáimtichu antsu Yusan enentáimtin ártiniaiti.

Tit. 2:2

Antsu áishmaṉ katsunt Yusna ainia nu ju̱ jintintrata. Nampechu, náṉkamas enentáimcha, esetas enentáimin ártí. Yus tana nuna umirin tura anenain ártí. Ni itiurchatri̱i̱n Yusan enentáimtusar katsuntin ártí.

Tit. 2:7

Tura amesha Titiu, ashí tsawant péṉker wekasata. Nu natsa wi túramun júkiar nunak túrawarmi tusam nu túrata. Tura anturtamna nu “nekaschapitia” ti̱i̱ṉ tusam esetsam enentáimsam Yus Chicham tana nu ímiatrusmek jintintiata. Nú túrakmiṉkia Yus Chichaman nakitiana nu shuar “Titiu náṉkamas chichaawai” títiaj tukamá natsaamak tujintramkattui.

Jus. 24:15

Tura Uunt Yus nekas umirkatin nakitiakrumka ¿warí yusa umirkatarum? ¿Atumí we̱a̱tri̱ Yúpratis entsa pakarí̱n matsamsar enentáimtin armia nú yusak nuíchuka tuke nuṉkentin Amur aentsu yusri̱n umirkatarum? Yamaik turutiarum. Antsu wikia wí shuarja̱i̱ nekas Uunt Yusan umirkattajai” tímiayi.