1 Tim. 3:3 - Yus Papí: Shuarja̱i̱ Yus Yamaram Chicham Najanamu

³ Nampechusha tura suir enentáimtichusha átiniaiti. Aya kuítian ikiauṉkatniun enentáimtuschatniuiti. Antsu tsaṉka átiniaiti. Kajechusha átiniaiti. Chikichnancha wakerutkashtiniaiti.

1 Tim. 3:3 Iomraidhean Croise

Neka. 1:19

Shuar aya takustaj tusa ti wakeruinia nuka ni wakeramuri̱ amuichaiti antsu jákatniunam júwiti.

Neka. 15:27

Kasamshim ni warirí̱n tí nukap takustaj tusa súrinia nuka ni shuari̱miak emestumaiti. Antsu yajauch túratniunam útsuakur akiktaj tutai nakitniuka aṉkant pujuwiti.

Isa. 28:1

Eprainniumia̱ shuar nampen ásar waantu enentáimtumamuja̱i̱ tawaspa etseṉkrakua ímiatrus enentáimtumak tura kuku̱j shíirmachitiat kaana núniniaitiat waantu enentáimtumainiana nuka núnisaṉ núkap takakainiak páantin enentáimtumainiana nusha tura winiú nampen ásar nékachu ajasáruka aneararti.

Isa. 28:7

Tura Yúsnan takarniusha núnisaṉ Yúsnan etserniusha ímiaja̱i̱k wainji tuinia nusha awartiun nampeku ásar ántar tuíniawai. Tura winiú nampekar nekasa nuna chichainiachu ásar ti awajir chichainiawai. Ántsaṉ mai̱ énentaim ajainiak péṉker sumamtikiainiatsui.

Jrm. 6:13

Kame uchiimiak uunt áiniana nusha waitruar aya kuit achiktinniak wakeruiniawai. Núnisaṉ Yúsnan etserniuimiak Yúsnan takarniusha anaṉmainiawai.

Jrm. 8:10

Tuma ásarmatai ni nua̱rí̱ ainia núnaka chíkich aentsnum surutkartatjai tura arakri̱nkia utsantuawar nupetmakarua nuna súsartatjai. Warí uchichinmaya̱ juarki̱ úuntaimiak anaṉma kuítriniatniun wakeruiniawai. Ántsaṉ Yúsnan etserin ainia nuyá̱ juárkimiuk Yúsnan pujurniuimiak anaṉkartuiniawai.

Riw. 10:9

“Ameksha tura ame uchirmeksha ámiji̱a̱i̱ jáka̱i̱rum tusarum Yus Shiir Awajtai̱ Je̱e̱n waya̱tin asarum wíniusha tura awartiusha umarchattarme. Tura ju̱ka tuke túratin akupkámu asamtai atumí tiraṉki̱sha núnaka tuke túrin ártatui.

Mik. 3:5

Yúsnan pujurin winia shuarun awajimtikiainia nuna Uunt Yus jú̱nis tíniuiti. Atumniaka kashi ímiaja̱i̱k wáinmasha tura kiritniunam wáakchatniusha atsurtámtiatrume. Yus ái̱kchamu ásar ukunam túrunatniun etserin ainia nusha tura nekamin ainia nusha iniatsá̱rma ártatui. Tura Wikia íksanak Jakup shuar Yusa nakitiáiniamuri̱n paant ujakártinian tura Israer shuarnasha tunaari̱n paant awajtúsartinian Uunt Yusa Wakaní̱ kakarmari̱ pimiutkamuitjiai.

Mks. 1:10

Antsu atumíya̱ peṉké ántar taṉkun maa áesturawara̱i̱ṉ tusa Yusa Je̱e̱ wáitiri̱n epetri̱ṉkia maak áchaintiash. Wikia atumniaka shiir enentáimtatsjarme tura taṉku máarum surarmena nunasha peṉké nakitiajai.

Mat. 21:13

Nuyá̱ tímiayi “Yus Papinium áarchamukait ‘Winia Je̱a̱r Yus aujtai̱ jé̱a̱iti.’ Isa. 56:7 Antsu átumka kasa matsamtaiya nútikiarme” tímiayi.Jrm. 7:11

Tur. 20:33

Wats, wisha chikichkí shuara kuítri̱n wariri̱ncha wakerutkachuitjiai.

Rum. 16:18

Nu shuar ii Uuntri̱ Jesukrístunun takainiatsui. Antsu ni wakeramun uminiawai. Tura ti shiir chichasar nékachun anaṉkenawai.

Ipi. 5:18

Nampekairap. Nampeakmeka aya yajauch ajame. Antsu Yusa Wakaní̱ winia enentái̱rui̱ takamtsuk pujurtusti tu enentáimsatarum.

1 Tis. 5:14

Tura ju̱nasha seajrume, yatsuru. Takastinian nakitiana nusha chicharkatarum. Tura yawe̱e̱na nusha ataksha enentáimtikrarum ikiaká̱rtarum. Kakarmachu ana nusha yaiṉtarum. Tura ashí shuarja̱i̱ kajetsuk katsuntrarum wekasatarum.

1 Tim. 3:8

Núnisaṉ Yus shuaran yaincha péṉker ásar ashí shuar shiir enentáimtutai̱ ártiniaiti. Ni tana nuna tímiatrusaṉ umin, nampechu, aya kuítniak ikiauṉkatniun enentáimtichu ártiniaiti.

2 Tim. 3:2

Shuar aya niṉki enentáimtumasartatui. Kuítian ti wakeriartatui. Naṉkamantu enentáimtumarartatui. Yúsnasha yajauch chicharsartatui. Aparí̱ncha umirkachartatui. Yumiṉsatniuncha nékachu ártatui. Ashí Yúsnancha enentáimtuschartatui.

Tit. 1:11

Nisha kuítian achiktaj tusar wakeruiniak yajauch unuiniarchatniua nuna unuiniainiawai. Nuna túruiniak untsurí shuaran ni írutkamuri̱ji̱a̱i̱ yajauch enentáimtikiainiawai. Tuma asamtai ántar chichainiakui ni wene̱ epetkatniuiti.

Tit. 1:7

Enentáimprata. Yus shuara úuntri̱n Yusna ana nuna wainkiat tusa anaikiamuiti. Tuma asamtai nekas warinmaṉsha tíchamnia wekasatniuiti. Waantu enentáimtumatsuk kajetsuk tura nampechu átiniaiti. Chikichan waitkiau áchatniuiti. Tura anaṉkartua kuítrintin ajastaj tusa wakerukchatniuiti.

Tit. 2:3

Tura núnismek nuwa̱ katsunt Yusna ainia nusha ju̱ jintintrata. Nisha núnisaraṉ Yus shuarti túramnia nuna péṉker túrawarti. Tsanumin tura nampen ácharti. Antsu péṉker wekasatniun unuinin ártí.

Tit. 3:2

Tsanumtsuk kajernaitsuk antsu shiir enentáimtunaistiniaiti. Naṉkamantu enentáimtumatsuk ashí shuar péṉker awajsatarum tusam tu jintintrarta.

Isr. 13:5

Aya kuítiak enentáimtusam pujusaip. Yuska “kanakchattajai tura peṉké ikiukchattajme” túramui.Muis. 31:6; Jus. 1:5 Tuma asamtai ame takakmena nuja̱i̱ shiir enentáimsam “máakete” titiá.

San. 4:1

¿Urukamtaitsuk tuke kajernaikiarum tí manaisrum pujarum. Mesetnumsha urukamtai wéarum? Jú̱nisaiti, atumín yajauch enentái katsuntrachmin útsutmakrumin tuke mániarme.

1 Pit. 5:2

Yus shuar ame íistiniaitmena nu, péṉker iistá, murikiu wáinin ni murikrí̱n wainnia áintsamek. Nakittsuk shiir enentáimsam túrata Yus wakerana nuke. “Chíkich akupta asamtai túrattajai” tútsuk tura nuja̱i̱ kuítrintin ajastin enentáimtsuk Yusa takatri̱ asamtai nekas wakeritia.

2 Pit. 2:3

Kuítian ti wakeruinia ásar wait chichaman unuitiamprar akíam kuítriniawartatui. Tura nú shuar yaunchu Yus jákatniunam sumamtikiawarma ásar ni amuukatin tsawantri̱ jeatémayi.

Jut. 1:11

Maa, aneararti. Kain yajauchin túramia núnis tura ásar jákartatui. Tura Paraama áinis kuítian ti wakeruiniak imia niṉki tunaanum tsaṉkamakaru áiniawai. Tura Kurái áinis ashí akupniun nakitín áiniak kajinkiartatui.

Apu. 1:9

Wi Juaṉ atumji̱a̱i̱ métek waitia asan atumí yachi̱ntjiai. Núnisaṉ nayaimpiniam Yus akupeana nui̱ métek jeattaji. Tura katsuntrar nákastinian Jesukrístu mái̱ metek súramji. Yus Chichamnasha tura Jesukrístu timiancha étsereakun nayantsanam nuṉkach étentkamunam Pátmusnum sepunam apujsamua núnisaṉ pujumjai.

1 Sam. 8:3

Túrasha ni aparí̱ umikmia tímiatruska túracharmiayi. Antsu kuítriniatniun ti wakeruinia ásar kuit akikiar útsuamu ásar chichaman péṉker iwiarticharmiayi.