1 Tim. 3:2 - Yus Papí: Shuarja̱i̱ Yus Yamaram Chicham Najanamu

² Tura Yus shuara uuntri̱ ajastinian wakerakka chíkich shuar nin yajauch áujmattsachmin átiniaiti. Nuwá̱ apatka áchatniuiti. Nisha péṉker esetar enentáimin naka wekasatniuiti. Iraran ni je̱e̱n ti shiir itiaatniuiti. Péṉker jintinkratin átiniaiti.

1 Tim. 3:2 Iomraidhean Croise

Isa. 56:10

Jintia iincha kusuru nékachu ainia. Ashí nuikia ya̱wá̱ takamtinia núnis áiniawai tuma asa jiainiatsui. Tepes tí kanin kanú ajat nekapin áiniawai.

Ruk. 1:6

Yúsja̱i̱sha Sakaríassha Irisapítcha mái̱ metek péṉker ármiayi. Yus akupkámia nunasha umirin ármiayi. Tuma asamtai peṉkesha chíkich nin yajauch chicharkatin atsuarmiayi.

Ruk. 2:36

Nuwa̱sha Ana náartin nui̱ Yusa Uunt Je̱e̱n pujumiayi. Nisha Yúsnan etserniuyayi. Ni aparí̱nkia Panuiruyayi tura Aser shuarauyayi nu nuwa̱. Nisha tí uuntchiyayi. Yama nuatnaikiamuja̱i̱ siati uwí ni áishri̱ji̱a̱i̱ tsaniṉ pujusármiayi.

Rum. 12:13

Yus shuar atsumainia nu yaiṉtarum. Irarsha péṉker itiaatarum.

Jir. 2:15

Túrakrum makuumatsuk tunaaja̱i̱nchu átatrume. Antsu Yusa uchirí̱ átatrume. Ju̱ nuṉkanmasha shuar imiá yajauch túrinji̱a̱i̱sha máatrachu asarum kiritniunam ji keeá áintsaṉketrume

1 Tim. 3:12

Yus shuaran yainkia nuwa̱n apatkachu tura ni uchirí̱ncha ní shuari̱ncha ashí shiir umimtikin ártiniaiti.

1 Tim. 3:8

Núnisaṉ Yus shuaran yaincha péṉker ásar ashí shuar shiir enentáimtutai̱ ártiniaiti. Ni tana nuna tímiatrusaṉ umin, nampechu, aya kuítniak ikiauṉkatniun enentáimtichu ártiniaiti.

1 Tim. 4:3

Nu aents nuatnaikiatniun suritiainiawai. Núnisaṉ chíkich chíkich yurumak yúatniuncha suritiainiawai. Warí, Yus ashí yurumkan najana asamtai Yus shuar nekas chichaman nékainia ásar Yusan yumiṉsar páchitsuk yuámin áiniawai.

1 Tim. 5:10

Ti paant péṉker túrin átiniaiti. Ni uchirí̱n péṉker tsakatmashit, iraran péṉker taatá tíniuashit, nekasmiancha enentáimtumar Yus shuaran yáiniashit, wáitiainia nuna waitnenniuashit tura chikichnasha péṉker túriniaitkiuṉka maak.

1 Tim. 5:22

Yus shuara uuntri̱ atí tusam wárik anaikiaip. Wárik túramka chikicha tunaarí̱n sumamattame. Ashí tunaanum peṉké pachinkiaip.

1 Tim. 5:9

Yusa kuítri̱ji̱a̱i̱ yáiṉtiniaitkiuiṉkia waje̱ sasaintia uwí naṉkaamas takustiniaiti. Tura chikichik áishri̱niak takusu átiniaiti.

2 Tim. 2:24

Ii uuntri̱ Jesukrístu takarniuka chíkich shuarja̱i̱ nemasmanaikiashtiniaiti antsu ashí shuarja̱i̱ péṉker nawamnaikiatniuiti. Tura waitnentáimturar péṉker jintintiátniuiti.

Tit. 2:2

Antsu áishmaṉ katsunt Yusna ainia nu ju̱ jintintrata. Nampechu, náṉkamas enentáimcha, esetas enentáimin ártí. Yus tana nuna umirin tura anenain ártí. Ni itiurchatri̱i̱n Yusan enentáimtusar katsuntin ártí.

Isr. 13:2

Tuke írar shiir itiaatarum. Nuna túruiniak shuar nékachminiak Yusa suntari̱n itiaawaruiti.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

1 Pit. 4:7

Ashí amuukatin jeatémayi. Tuma asamtai péṉker enentáimsatarum. Túrarum anearum Yus auju pujutarum.

1 Pit. 4:9

Kajé kajeja̱i̱nchu atumí je̱e̱n itiaaniatarum.

1 Pit. 5:8

Aneartarum tura íimiastarum. Íwianch atumí nemasri̱ ana nu, úunt ya̱wa̱a nuke yanak emesraintiaj tusa e̱a̱k tentá wekaawai.