1 Tim. 2:8 - Yus Papí: Shuarja̱i̱ Yus Yamaram Chicham Najanamu

⁸ Nu asamtai áishmaṉka kajetsuk yajauch tunaitsuk antsu péṉker enentáiji̱a̱i̱ uweje̱ takuiniar Yusan áujsarti.

1 Tim. 2:8 Iomraidhean Croise

1 Akup. 3:11

Nuyá̱ Uunt Yus chicharuk “Núkap tsawant pujustin tura kuítriniatniusha núnismek ame nemasrum nupetkatniusha seatchame. Nuka seattsuk neka átin tura péṉker akupin átaj tusam núchik seatniume.

YKan. 134:2

¡Yus Shiir Awajtai̱ Je̱a̱nmaani̱ atumí uweje̱ takuirum Jiuwá shiir awajsatarum!

YKan. 141:2

Wi seamusha Ame íismaka kuṉkuinia núnis ti shiir atí. Winia uwejur takuimiuka aṉkú taṉku maar áeseamua ímiatrus atí.

YKan. 24:4

Tunáa túrichu tura yajauch enentáimcha nuyá̱ antra nuna enentáimtichu núnisaṉ nekas tajai tiniu wáitrichu ainia nu pujusártin áiniawai.

YKan. 26:6

Winia uwejrunka nijiamaran tunaarincha awajsaitjiai. Nuní̱ túran Uunt Yus áestutairmi yantamén wekasattajai.

YKan. 28:2

Yusna akantúkma Je̱e̱mini̱ winia uwejrun takuitiaj nui̱ Ámin untsúajmena nuiṉkia wi seamu antukta.

YKan. 35:13

Túmaitkiuisha ni jaa tepearma nuiṉkia suí̱r pushin entsarmajai túran enentái̱rji̱a̱i̱ ijiarmámjai túran wi wáitsamaj nuja̱i̱ seamunka nunak awaiṉki̱ seamjai.

YKan. 63:4

Tura wi iwiaakjana ju̱i̱ṉkia shiir awajtiatjame, tura ame náarmin pachisan uwejrun takurtiatjame.

YKan. 66:18

Wi enentái̱rja̱i̱ṉkia tunaan aneayatnak Yusan áujsaitkiuiṉkia Uunt wíniaka anturtukcha̱a̱yi.

Neka. 15:8

Yusan enentáimtichu shuar ainia nu súamunka Uunt Yuska muí̱jiawai. Antsu Nin enentáimtuinia nu seamka waras ánturui.

Neka. 21:27

Yusan enentáimtichua nu Yus áestuamu Yúsja̱i̱ṉkia muí̱jmiainti. Kame yajauch enentáiji̱a̱i̱ súamua nuka nuna naṉkaamas yajauchiti.

Isa. 1:15

Tuma asan maṉkartuamu uwej númpak ajasu takuirum winia seatu asakrumin íischattajrume. Núnisnak tí seatkurmi̱ncha peṉké anturkashtatjarme.

Mat. 21:21

Tuíniakui Jesus chicharainiak “Nekasan tájarme, Yus nekas enentáimtakrumka ‘nekaspash túrat’ táchakrum íkiun túrajna nusha túramniaitrume. Tura nu arantcha nu naint ‘ékemtam nayantsanam inianta’ tutai túrunattawai.

Mat. 5:44

Tura Wisha tájarme, nemasrum aneetarum. Yajauch chichartamna nusha shiir awajsata. Nakitramana nusha nawamkata. Tura katsekramainiana nu tura yajauch awajtámainiana nusha Yus áujtusarta.

Mat. 6:12

Tura ii nemasri̱ tsaṉkureajnia núnismek Aparu, ii yajauch túrutai̱ tumashri̱sha tsaṉkurkarturta.

Ruk. 23:34

Tura Jesus krúsnum ajintraku pujuram chichaak “Apawá, tsaṉkurarta. Ni áitkiainia nuna nékainiatsui” tímiayi. Tura suntar pujuarmiania nu, yaki Jesusa pushiri̱ jukit tusar nakurúsarmiayi.

Ruk. 24:50

Nuyá̱ Jesus Jerusaréṉnumia̱ júkiar Petanianam ejeniarmiayi. Tura nui̱ ni uwejé̱ takuí “Yus yaintmakarti” tímiayi.

Juaṉ 4:21

Jesus chicharuk “Nawantru nekaata. Tsawant jeatémai Yus Apa tikishmátratin aya jú̱ nainniumkechu núnisaṉ aya Jerusaréṉnumkesha áchattawai.

Tur. 10:2

Nu uunt Kurniriu ni shuari̱ji̱a̱i̱, Yuska naṉkamantuiti, tu enentáimtiarmiayi. Tuma ásar Yusan enentáimtin ármiayi. Tura nútiksaṉ kuítniasha takakchan yáiṉtaj tusa Israer shuaran súuyayi. Tura tuke tsawant Yusan áujtiniuyayi.

Tur. 10:31

Nisha chichartak ‘Kurniriu, Yus ame áujman anturtamkayi. Tura shuar atsumainia yáiṉmamna nunasha nekarmayi.

Tur. 10:4

Kurniriuá tutai Yusa suntari̱n ashamak iimia pujumiayi. Tura “¿Warimpiait, Uuntá?” Tutai Yusa suntari̱ tímiayi “Ame seamun Yus anturtamkai. Tura atsumainia nu yaya̱kmin Yus shiir enentáimturmawai.”

Tur. 21:5

Tura siati tsawant naṉkaamasmatai jiinkimji. Ashí Yus shuar armia nu núwentuk uchirtiuk nemartamkamji, péprunam iniaṉkatmaktiai tusar. Kaanmatkanam jear tikishmarar Yus áujsamji.

Tur. 7:60

Tura tikishmar áujuk “Uuntá, winia jú̱tikruinia ju̱sha makuaraip” tímiayi. Tura nuna ti iniais jakamiayi.

1 Kur. 1:2

Ashí Yus shuar Kurintiu péprunam iruntrumna nútirmin ju̱ papin akuptajrume. Átumka Jesukrístuja̱i̱ tsaniṉkiu asarum yusna árume. Atumsha tura ashí shuar Jesukrístun enentáimtuinia nunasha Yus tí peṉker awajsatniun wakerawai. Nincha tura iincha Jesukrístu mái̱ metek Úuntri̱nti.

1 Kur. 7:7

Túramtai “ashí wiji̱a̱i̱ métek nuatkachuitkiuṉka maak ainti” tajai. Tura Yus ashí shuaran métek najanachuiti. Chikichan nuatkatniun súsaiti tura chikichnaka yúpichuch katsuntratniun súsaiti.

2 Kur. 2:14

Kristu Jesusja̱i̱ Yuska iincha nupetmamtikramak ewekátmasuitji. Tuma asamtai Nincha ti shiir yúmiṉsa pujajai. Tura kuku̱jⁱ kuṉkúakui ashí nékainia núnisaṉ ii etserkamuja̱i̱ Kristu shiir chichame̱n Yuska ashí aentsun nekamtikiainiawai.

Jir. 1:12

Winin túrunamu itiurchat ai̱ṉ nuja̱i̱ uwempratin chicham nekas pampaawai. Yatsuru nu nekaatarum tusan wakerajrume.

1 Tis. 1:8

Tuma asarum Uunt Yusa Chichame̱ tí ipiampárurme. Tuma asamtai aya Masetúnianmaya̱ tura Akayanmaya̱ shuarkeka núnaka nékainiatsui. Antsu nuna naṉkaamas Yus nekas umirkaitrumna núnaka ashí aents nékainiawai. Nuna nékainia ásar ii étserman atsumainiatsui.

1 Tim. 5:14

Nu asamtai waje̱ úchipiak ainia nuka niniurtukar uchin takusarti. Tura nuwa̱ nuatkamu takastinia nuna túrawarti. Tura ni túrunamuri̱ji̱a̱i̱ iin kajertamainiaj nú shuar yajauch enentáimturmarcharti.

Tit. 3:8

Nuka ti nekasaiti. Tuma asamtai Yusan umirkarmia nu, péṉker túratniun tuke wakerukarat tusam tuke jintinki̱ wetá. Wi tímiajna nu, péṉker asamtai ashí aents nuna nekaatniun atsumainiawai.

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.

San. 4:8

Yusai̱ni̱ weamkata tura Ni atumín wearmáktatrume. Tunáa shuartiram Kristu numpe̱ja̱i̱ nijiamartarum. Tura átum, Yussha tura ju̱ nuṉkanmaya̱sha mái̱ metek wakerarmena nu, atumí enentái̱ naka eseeratarum.

1 Pit. 3:7

Tura áishmaṉtirmesha Yus wakerana nu nekaarum atumí nuwe̱ shiir enentáimtusrum tsaniṉtarum. Nuwemsha, nuwa̱ asa, áishmaṉja̱i̱ métek katsuntrachminiaiti. Tura nisha ámiji̱a̱i̱ métek Yusa waitnenkartutariji̱a̱i̱ tuke iwiaaku átinian takusminiaiti. Tu enentáimta asam ame núwem shiir enentáimtusta. Yus áujkuram itiurchat atsutí tusarum túratarum.