1 Tim. 2:4 - Yus Papí: Shuarja̱i̱ Yus Yamaram Chicham Najanamu

⁴ Ashí shuar nekas chichaman nekaawar uwemprarat tusar wakerawai Yus.

1 Tim. 2:4 Iomraidhean Croise

Isa. 45:22

Warí Wíkitjiai Yus. Chíkichkia atsá asamtai ashí nuṉka náṉkata tímianai pujarmena nu aentstirmesha Winia íirsarum uwempratarum.

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Isa. 53:11

Nuyá̱ Ni wakaní̱ wáitsamia nuja̱i̱ tsáapninian wainiak ti shiir enentáimprattawai. Winia takartin tí peṉkera túrin asa ni nékamuriji̱a̱i̱ ti untsurín makuchmin awajsattawai kame niṉkia ashí aentsu tunaari̱n entsaktatui.

Isa. 55:1

“Kame ashí kitiamatirmeka entsá winittiarum tura kuit takakchakrumsha winirum sumakrum yurumáitiarum. Nuyá̱ wíniusha tura muntsusha peṉké ántrarmek kuítchaja̱i̱ sumaktarum.

Isk. 18:23

Kame Yusa enentáimtichu jakati tusan ¿Wi wakerajak? Antsu Wikia áyatik ni yajauch túrutairi̱ya̱ kanakí̱ iwiaaku pujusat tusan ¿wakeratsjak?” tawai Uunt Yus Ashí Aentsu Uuntri̱.

Isk. 18:32

Kame jáiniana nunasha jákara̱i̱ṉ tusan Wikia peṉké nakitiajai. Antsu ené enentáimiu ajasrum atumí tunaarí̱ iniaisatarum. Túrakrumka iwiaaku pujustatrume” tawai Uunt Yus Ashí Aentsu Uuntri̱.

Awa. 2:14

Antsu Uunt Yusa winchari̱ṉkia entsa nayantsanam pímiana núnis ashí nuṉkanam nekanattawai.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Mar. 16:15

Nuyá̱ chichaak “Ashí nuṉkanam wetarum. Túrarum ashí shuarnum Yusa shiir chichame̱ etserkatarum.

Ruk. 1:77

Ni shuari̱ ni tunaarí̱ tsaṉkurnar uwemprarat tusam túrattame.

Ruk. 14:23

Tutai ni uuntri̱ chichaak ‘Jintianam weme nuyá̱ chíkich jintiachiniam weme wáinmena nu ashí awayá̱warta. Winia je̱a̱rui̱ piákat tusan wakerajai.

Ruk. 24:47

Winia náarun pachisar Jerusaréṉnumia̱ naṉkama ashí nuṉkanam nu chicham etsernaktinia nu áarmauyayi. Shuar ni yajauch túrunamuri̱ tsaṉkurnarat tusar enentái̱n yapaji̱átniuiti. Tura tu etserkatniua nusha yaunchu áarmauyayi.Mks. 1:11

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 17:17

Ti nekasa nuja̱i̱ péṉker shiir awajsarta. Ame chichamem imiá nekasaiti.

Juaṉ 6:37

Ashí shuaran Winia Apar tsaṉkatrukarmiania nu, Wí shuar ajasártatui. Winin winiana núnaka peṉké nakitrashtatjai.

Rum. 11:14

Nuna túrakun átum uwemprarmena núnisaṉ nisha, wí shuar ainia nu, nuna iisar uwemprarat tusan wakerajai.

1 Tim. 4:10

Nekas iwiaaku Yus ashí shuaran uwemtikramniaiti tura ashí Nin enentáimtuinia nú shuaran nekas uwemtikratniuiti. Nu chicham imiá nekasaiti tu enentáimtakur katsekramainiakrincha kakaram takaaji.

2 Tim. 2:25

Tura umircha shuarnasha Yus ni enentái̱n yapajtiakui nekas chichaman shiir enentáimturarat tusa péṉker enentáiji̱a̱i̱ jintintiátniuiti.

2 Tim. 3:7

Tuma ásar ashí shuara chichame̱n tuke ántuiniayataṉ nekas chichaman nekaatniun tujintiainiawai.

Tit. 1:1

Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

Tit. 2:11

Yus iin waitnentrama asa ashí aentstin uwemtikramprataj tusa wakerutmaji.

Isr. 10:26

Túrasha shuar nekas chichaman nékayat ní wakeramuri̱ji̱a̱i̱ṉ yajauchiniam wekaakka Kristu jakamun nakitia asamtai chíkich taṉkun numpe̱ja̱i̱ ni yajauch túramu asakátratin atsawai.

San. 3:14

Antsu atumí enentáiji̱a̱i̱ peṉké yajauch enentáimtunairum tura atumek péṉker pujustin enentáimtumarum nékaitiatam péṉker túrachiatam “péṉkeraitjiai” tiip. Nuka wáitrame. Nekaska núchaiti.

2 Pit. 3:9

Uunt Kristu “atak tátatjai” tana nuna umitsuk meṉkakashtatui. Áyatik aentsti “wau taatsui” taji. ¿Urukamtai wau taatsua? Iin aentstin nákarmaji. Shuar chikichkisha meṉkaka̱i̱ṉ tusa nakitiawai. Antsu ashí shuar enentái̱n yapaji̱áwarat tusa wakerawai.

2 Jṉ. 1:1

Wi Juaṉ Yus shuara uuntri̱ asan ii umái̱ Yus achikma nuna tura ni uchirí̱ncha ju̱ papin áateajai. Wisha nekasan atumín aneajrume. Tura aya wíkichu antsu ashí Yus shuar ainia nusha nekas chichaman nekaawaru ásar atumín anenmarme.

Apu. 14:6

Nuyá̱ nayaimpiniam suntar nanamun wainkiamjai. Nusha uwempratin chicham tuke amuukashtinia nuna ashí nuṉkanam pujuinia nú shuaran ujakártiniuyi.