1 Tim. 2:3 - Yus Papí: Shuarja̱i̱ Yus Yamaram Chicham Najanamu

³ Áitkiasar seatin péṉker asamtai uwemtikramajnia nú Yus wakerawai.

1 Tim. 2:3 Iomraidhean Croise

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Ruk. 1:47

Tura Uunt Yuska winia Uwemtikruru asamtai ti waraajai.

Rum. 14:18

Ashí shuar Krístun núnis umireakui Yussha tura chíkich shuarsha péṉker enentáimtuiniawai.

Jir. 1:11

Núnisaṉ Jesukrístu kakarmari̱ji̱a̱i̱ ashí péṉker túrin átatrume. Tura nuja̱i̱ ashí shuar Yusan ti shiir enentáimturartatui.

Jir. 4:18

Epaprutítiuja̱i̱ akuptúrkamarum núja̱i̱sha atsumamaj nuna naṉkaamas tiáruncha wainkiajai. Akuptúrkamarum nusha ti kuṉkuin Yus susamua áinis ti shiir auyi.

Kurs. 1:10

Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.

1 Tis. 4:1

Iikia Uunt Jesus akupkámuitji. Tuma asar nu kakarmaja̱i̱ atumniasha ju̱ túratarum tusan akupeajrume. Atumsha iwiaaku pujarmena nui̱ Yus shiir waramtiksatarum tura tuke péṉker túrukrum wetarum tusar seajrume. Iisha nuik atumín unuiniarmajrumna nútiksarmek túratarum.

1 Tim. 1:1

Wi Papru Jesukrístu akatrámurintjiai. Iin uwemtikkiartin Yussha tura ii Uuntri̱ Jesukrístusha winia akuptúku áiniawai. Jesukrístuja̱i̱ métek ti shiir ajastai tusar nákaji.

1 Tim. 4:10

Nekas iwiaaku Yus ashí shuaran uwemtikramniaiti tura ashí Nin enentáimtuinia nú shuaran nekas uwemtikratniuiti. Nu chicham imiá nekasaiti tu enentáimtakur katsekramainiakrincha kakaram takaaji.

1 Tim. 5:4

Tura waje̱ uchirtin tura tiraṉkrinniuitkiuisha, nu shuar waje̱n wáinkiarti. Emka ni shuari̱n péṉker wáinkiatniun unuimiárarti. Ni aparí̱ anemia núnisaṉ awajénak shiir wáinkiarti. Kame núnaka Yus ti shiir enentáimtawai.

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.

Isr. 13:16

Péṉker túrakrum takakrum nu ajamnaisatin kajinmátnaikiirap. Nusha ti shiir Yus sútainti.

1 Pit. 2:20

Yajauch túrawakmin asutiámamtai katsunteakmeka nui̱sha wariṉ ati. Antsu péṉker túrawakmin asutiámamtai katsunteakmeka ju̱ka Yusai̱ tí peṉker túrame.

1 Pit. 2:5

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.