1 Tim. 2:2 - Yus Papí: Shuarja̱i̱ Yus Yamaram Chicham Najanamu

² Imiatkinchanum pujusár Yúsja̱i̱sha tura áentsja̱i̱sha shiir túratai tusar tura ashí akupin ainia nusha péṉker akupkarat tusar Yus áujtustiniaitji.

1 Tim. 2:2 Iomraidhean Croise

2 Sam. 20:19

Wikia itiurchatan nakitín áiniana nuitjiai núnisnak tuke Israernaitjiai. Túrasha ámeka ju̱ pépruka Israera nukurí̱ya núnin wáiniatam ashí amukam aya jú̱nik ikiuktin wakerame. Uunt Yusna nusha ¿urukamtai ashí amuktincha wakeram?” tímiayi.

Ists. 6:10

Nayaimpinmaya̱ Yusan wakerú ajamainian aestuiniak úunt akupniu iwiaakmari̱n tura ni uchirí̱ Yusan seatiarti.

Neem. 1:11

Uunt Yusá, wi seattajam nu anturtukta. Tura Amé shuarsha Ame náarmin shiir awajsataj tusar wakeruinia nusha enentáimturta. Nuyá̱ wi úunt akupniun jearin títiatjana nusha waitnenkartutai̱ enentái̱ susata” tu seamjai. Warí wikia úunt akupniu umutairi̱n umasa iisan súuyajai.

YKan. 72:1

Yusá, akupin péṉker atí tusam naka enentáimsatin susata, tura uchirí̱ péṉker túrin atí tusam yaiṉtá.

Neka. 24:21

Uchiru, Uunt Yussha núnismek úunt akupniusha umirkata tura chichaman mái̱ yapaji̱ ajá ainia núja̱i̱sha tsaniṉkiaip.

Jrm. 29:7

Núnisrumek Wi akuprámu yajá yaruakma matsatrumna nú peprusha péṉker atí tusarum enentáimtustarum. Nu péprusha aṉkant pujusti tusarum Uunt Yus seattiarum. Warí nui̱ péṉker akui atumsha péṉker matsamsashtatrumek.

Ruk. 1:6

Yúsja̱i̱sha Sakaríassha Irisapítcha mái̱ metek péṉker ármiayi. Yus akupkámia nunasha umirin ármiayi. Tuma asamtai peṉkesha chíkich nin yajauch chicharkatin atsuarmiayi.

Ruk. 2:25

Nu tumai̱ Semiun náartin áishmaṉ Jerusaréṉnum pujumiayi. Simiuncha Yusa Wakaní̱ pujurma asa péṉker áishmaṉkauyayi. Yusan nekas enentáimtiniuyayi. Yusa anaikiamuri̱ji̱a̱i̱ Israer shuar aṉkant ajastin jeatí tusa jintia íimpriniuyayi.

Tur. 10:22

Tutai nisha chichainiak “Iisha uunt Kurniriu akupkámu taji. Kurniriuka péṉker áishmaṉkaiti tura Yusan enentáimtiniaiti. Tura Israer shuaran nin shiir enentáimtuiniawai. Kame nuik Yusa suntari̱, tunaarincha nu, ii úuntri̱n chicharuk ‘Pítrun untsukat akupkata. Ni tatí. Tura ni títiatna nu péṉker anturkata’ tímiayi. Nuna ii úuntri̱n takui̱ iisha winiji” tiármiayi.

Tur. 24:16

Tura wisha tiniu asan wikia winia enentái̱rui̱ Yus íimmianum makuumatsuk wekasataj tajai. Tura aentsnumsha nútiksanak peṉké makuumatsuk wekaajai.

Rum. 12:18

Ame jeamna nuja̱i̱ ashí shuarja̱i̱ nawamnaikiam wekasata.

Jir. 4:8

Yatsuru, jú̱chiniak yamaikia Yus shuarti enentáimsatniun chichastatjai. Ashí nekas ana nu enentáimsatarum. Tura ashí anturkamnia ana nusha tura naka chicham ana nusha enentáimsatarum. Tura yajauch chichamsha enentáimsairap. Tura antsu ashí shiir ana nusha, chíkich shuarnasha péṉker enentáimtusminia nusha, kame ashí péṉker ana nu enentáimsatarum. Nuya̱sha chíkich shiir anturkamnia ana nusha enentáimsatarum.

1 Tis. 4:11

Yamaikia tímiaj nútiksarmek yajauchin túruinia nui̱ wekatsuk chíkich shuarna pachittsuk atumí takatrí̱ṉ shiir aṉkant pujusrum atumí uweje̱ja̱i̱ṉ takakmá pujutarum.

Isr. 12:14

Kame tuke enentáimji̱a̱i̱ ashí shuar péṉker túrakrum itit awajnáitsuk tura tunaasha máattsuk aṉkant pujustinnium matsamsatarum. Kame núja̱i̱ṉchuka ii Uuntri̱ peṉké wainkiachminiaiti.