1 Tim. 1:9 - Yus Papí: Shuarja̱i̱ Yus Yamaram Chicham Najanamu

⁹ Kame akupniúka péṉker shuaran itit awajsatniun akupénatsui. Antsu yajauch shuar ju̱na túrin ainia nuna itit awajsatniun akupénawai, Tunáa shuarnasha, umichuncha, Yúsnasha tura ashí Yúsnancha nakitiáinia nunasha, aparí̱n máinniasha, nukurí̱n máinniasha, kame maṉkartinniasha,

1 Tim. 1:9 Iomraidhean Croise

2 Sam. 16:11

Nuya̱ṉka Tawit Awisháin tura ashí ni takarniúri̱n chicharainiak “Ju̱ nekaatarum, winia uchir wini̱i̱ya̱ akiiniaitiak mantuataj tawai. Kame nekaska Piṉjiamín shuarka urutmatsuk yamaikia mantuatniun wakerutainia. Tuma asamtai iniaisatarum yumiṉkrak yumiṉkrurti. Warí, Uunt Yusak túrunati tíchakait.

2 Akup. 19:37

Nuyá̱ chíkich tsawantin ni yusri̱ Nisruk enentáimtutai̱ je̱a̱nam enentáimtak pujan ní uchirí̱miak Atramirík nuyá̱ Saresérja̱i̱ tariar puya̱ja̱i̱ máwar ikiuiniak Ararát nuṉkanam pisarármiayi. Tu mantamnamtai ni uchirí̱n Esarjatún akupin ajas pujusmiayi.

Jiin. 20:13

Maṉkartuawaip.

Neka. 20:20

Ni aparí̱n nukurí̱ncha yajauchiniam yúmiṉkia núnaka ni iwiaakmari̱n jurukí̱ kirit téenam apujsattawai.

Neka. 28:17

Maṉkartinia nuka aya písataik jákatniunam wéakuisha núnaka yaaksha emetacharti.

Neka. 28:24

Shuar ni aparí̱ncha nukurí̱ncha kasarkayat “ju̱ túratniuka tunaachuiti” tana nuka emeskartinian amikri̱nti.

Neka. 30:11

Aents ni aparí̱n yajauchiniam yumiṉniusha tura nukurí̱n shiir awajchasha írunui.

Neka. 30:17

Uchi ni aparí̱n wishikniua núnaka tura nukurí̱ chichareamsha kajek áimniua núnaka kayanmaya̱ pinchu ji̱n ukuitkiamtai yapú uchirí̱ naintia kaketukar ji̱n yuruawartatui.

Jrm. 23:11

Yúsnan etserniusha núnisaṉ Yúsnan pujurniusha Yusan enentáimtichu ajasárai. Ímia winia je̱a̱ruí̱sha ni yajauchiri̱n wáitkiaruitjiai” tawai Uunt Yus.

Isk. 21:25

Tura Israernumia̱ akupniu, netse asam Yusna nú yajauch awajin asakmin Israera amuukatin tsawantri̱ jeakui ame asutniátniusha ímiatmam jeartámtatui.

Riw. 20:9

Aents aparí̱nkisha núja̱i̱nchuka nukurí̱nkisha yúmiṉkiakka páchitsuk jákatniuiti. Warí ni aparí̱n núja̱i̱nchuka nukurí̱n imia niṉki makumaruiti.

Mat. 10:21

Shuar ni yachi̱ncha máwarti tusa suruktatui. Apasha ni uchirí̱n surukartatui. Uchisha ni aparí̱n máwarti tusa surukartatui.

Rum. 1:30

Nu arantcha chikichnasha yajauch áujmatin áiniawai. Yúsnasha nakitiáiniawai. Áimniusha áiniawai. Tura “péṉkeraitjiai” tiar naṉkamantu enentáimtumainiawai. Tunáa túratniun e̱a̱iniawai. Aparí̱ncha nukurí̱ncha umirainiatsui.

Rum. 4:13

Yaunchu Aprajáman Yus chicharuk “Amincha amé wea shuarnasha jú̱ nuṉkan susattajai” tímiayi. Nunasha Aprajám Yus akupkámun umireakui tíchamiayi. Antsu Aprajám Yusan nekas enentáimtakui Yus “péṉkeraitme” taku nuna tsaṉkatkamiayi.

Rum. 5:20

Wats, tunáa ti paant atí tusa Yus ni akupkámuri̱n susamiayi. Túrasha ti tunáa pampaakui Yus nuna naṉkaamas waitnentramak nu tunaan asakátramji.

Rum. 6:14

Akupkámu umirkatniuja̱i̱ iwiaaku pujatsrume. Antsu atumín Yus ti anenma asa yamaram iwiaakman suramsaitrume. Tuma asamtai yamaikia tunaaka nupettamkachminiaiti.

Kar. 3:19

“¿Nuikia Yus urukamtai akupkámun susamia?” tíchaintmeash. Ayu, Aprajám wean Kristu táatsa̱i̱ṉ Yus timia nu uminkiachminiuyayi. Tuma asamtai ni táatsa̱i̱ṉ ashí yajauchin túrawarmia nu timiá yajauchiti tusa Yus akupkámun susamiayi. Tura Yusa suntari̱ ju̱ akupkámun ashí iwiarar Muisaisan susar akatrarmiayi Israer shuaran súsarti tusar.

Kar. 5:18

Tura Yusa Wakaní̱ jintintramkuiṉkia, aentsu akupkámuri̱ji̱a̱i̱ itit áchattame.

Kar. 5:21

yajauch enentáimtunaistin, maṉkartuatin, nampektin, nampernum aya tí yurumin tura tí nampen átin. Chíkich nuja̱i̱ métek áiniawai. Nuik ujakmajrumna núnisnak ataksha tájarme. Shuar nuna túrakka Yusai̱ pujustinian peṉké tujintkiattawai.

Kar. 5:23

nekas nékaskea nuja̱i̱ métek enentáimtumastin, iik íimiasar tunáa túrashtin. ¿Ju̱ túratniuncha yaki surimia?

Muis. 27:16

‘Núnisaṉ uchi aparí̱n nukurí̱ncha yajauch enentáimtinkia yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

2 Tis. 2:8

Nui̱ṉkia nu Tuke Tunaarintin wantinkiattawai. Tura Uunt Jesus ni wene̱ja̱i̱ umpuí aun máattawai. Tara ni winchari̱ji̱a̱i̱ nuna amuktatui.

1 Tim. 4:7

Ántar chichamsha tura netse chichamsha enentáimtutsuk nekas Yusna ana nu túratin kakaram ajasta.

1 Tim. 6:20

Timiutéu, ashí ame túratniua nu tuke enentáimturta. Jú̱ nuṉkanmaya̱ ántar chichainia nu anturkaip. Tura wáitruiniak “wi imiá nékajai” tuinia nusha anturkaip.

2 Tim. 2:16

Jú̱ nuṉkanmaya̱nak ántar áujmatin ainia nuja̱i̱ kanaktia. Shuar nuna áujmatainiak tunaanum nuna naṉkaamas wá̱i̱niawai.

2 Tim. 3:2

Shuar aya niṉki enentáimtumasartatui. Kuítian ti wakeriartatui. Naṉkamantu enentáimtumarartatui. Yúsnasha yajauch chicharsartatui. Aparí̱ncha umirkachartatui. Yumiṉsatniuncha nékachu ártatui. Ashí Yúsnancha enentáimtuschartatui.

Tit. 1:10

Nekaata. Umichu tí irunui. Nisha ántar chicháu ásar anaṉmau áiniawai. Nu shuarka Israer shuar weanam tí irunui.

Tit. 1:16

Tura nisha “Yus shuaraitjiai” tuíniayataṉ Yusan umirtsuk niisháa túruiniawai. Tuma ásar nisha mui̱jmiai̱ áiniawai. Umichu ásar péṉkeran túratniun peṉké tujintiainiawai.

Tit. 1:6

Yus shuara úuntri̱ṉkia warinmaṉsha makuchmin tí peṉker tura chikichík nuwe̱ntin átiniaiti. Núnisaṉ uchirí̱sha ní wakeramunak túrichu tura aya níniunak enentáimtichu antsu Yusan enentáimtin ártiniaiti.

Tit. 3:3

Warí, Yuska umirtsuk iisha núnisrik Yus shuar ajatsuk náṉkamsar wekaimji. Tura íwianch emetamu pempée wekaimji. Tura ii aya̱shi̱ wakeramu tuke túriniuyaji. Tunaasha túriniuyaji. Chíkich atankittsar wakeriniuyaji. Chíkich shuar kajerkar tura nuamtaksha kajernainiuyaji.

Isr. 11:31

Raapsha nu péprunam pujakᵘ Yusan nekas enentáimtak tsanirmatai áyat Israera suntari̱n mamikmak wekaan tí peṉker itiá asa chíkich shuar Jirikiúnam matsatua nuja̱i̱ jákachmiayi.

Isr. 12:16

Núnisaṉ atumín tsanirmatniua núnis Yusna nuna nakitratniun Isaka uchirí̱ Esaú enentáimturmia nuja̱i̱ métek atsutí. Kame iwia̱i̱ri̱ asa núkap sunastinia nuna ántraiti tu enentáimias ishichik yurumkaja̱i̱ yapaji̱á surukmiayi.

1 Pit. 2:7

Kristu nekas Yusa uchirí̱nti nekas tírum enentáimtarmena nu “kaya tí peṉkeraiti” tárume. Antsu Krístun nekas enentáimtuiniatsna nú kaya nakitrámuiti. Ju̱ áarmaiti “Je̱a̱n je̱a̱min nakitrarmia nú kaya je̱a̱n emka apujtuamuri̱ atí tusa apujamuiti.” YKan. 118:22

1 Pit. 3:20

Nusha yaunchu Nuwái uunt kanun nájanuk siantu painti uwí pujurmia nui̱ Yuska umirtukarat tusa ti nákamaitiat Nuwái étserman umikcharmiayi. Nú kanunmasha ishichik, uchu aents kanunam pujuinian yumiji̱a̱i̱ uwemtikrarmiayi.

1 Pit. 4:18

Imia Yus umirjinia nu uwempratniuri̱ itiurchataitkiuisha tunaan túruiniana nusha urukawartiṉ.Neka. 11:31; YKan. 1:4-5

Jut. 1:15

Nuyá̱ ashí shuar túrawarman nekaattawai. Tura ashí yajauch shuarnasha ti tunáa túrawarua nuja̱i̱ tura Yusan yajauch áujmatsarua núja̱i̱sha súmamtikiawartatui” tímiayi Enuk.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.

Apu. 22:15

Tura antsu Yusan enentáimtachuka, wawekratniuka, tsanirmatan pujurainia nuka, maṉkartinkia, najankamu yusan tikishmátniuka tura ashí shuar wáitian wararainiak tuke túrin ainia nuka a̱a̱ matsatainiak peṉké waya̱chmin áiniawai.