1 Tim. 1:5 - Yus Papí: Shuarja̱i̱ Yus Yamaram Chicham Najanamu

⁵ Yus shuar tuke enentái̱ji̱a̱i̱ Yusan shiir enentáimtusar tura tunáa túrutsuk aya péṉkera nuna wakerukar anenkartin ajastin áiniawai. Núnisaṉ péṉker ajasat tusar Yus Chicham étsereaji.

1 Tim. 1:5 Iomraidhean Croise

YKan. 24:4

Tunáa túrichu tura yajauch enentáimcha nuyá̱ antra nuna enentáimtichu núnisaṉ nekas tajai tiniu wáitrichu ainia nu pujusártin áiniawai.

YKan. 51:10

Maa Yusá, aṉkant awajtúsam enentái̱r yapajtiurata. Túram aya péṉkera nui̱ṉ tuke enentáimtikritia.

Jrm. 4:14

Maa, Jerusaréṉká uwemprataj tákumka netse enentáim yapaji̱áta. Tura yajauch túruktin iwiarkam takakmena nusha ¿urutáiṉ iniaisatam?

Sup. 3:7

‘Wi jintintiam nekas ashamprukar Wikia umirtukchartimpiash’ tumammiajai. Tura asutiáwarmiaj nuya̱ṉka nu arantka ni pujutái̱ri̱ṉkia péṉke emestunkashtatui. Túramaitiatcha núja̱i̱sha niṉkia ashí yajauchin túrawarmai.

Mat. 12:35

Péṉker shuar péṉker enentáimiu asa shiir chichawiti. Tura yajauch shuar yajauch enentáimiu asa yajauch chichawiti.

Mat. 5:8

Atumí enentái̱n imiatkincha ajasu asarum tí shiir enentáimsamniaitrume. Warí átum nekaska Yus wainkiattarme.

Tur. 15:9

Yus iincha aushatka awajtámsachmaji. Antsu métekraketji. Tuma asamtai nisha Yusan enentáimtuiniakui Yuska enentái̱ya̱n ni tunaari̱n japirarmai.

Tur. 23:1

Papru Yúsnan pujurniu náamkari̱n úmamkes iis “Wí shuartiram antuktarum. Úchichik tuke yamaisha Yus íimmianum péṉker wekainuitjiai” tímiayi.

Tur. 24:16

Tura wisha tiniu asan wikia winia enentái̱rui̱ Yus íimmianum makuumatsuk wekasataj tajai. Tura aentsnumsha nútiksanak peṉké makuumatsuk wekaajai.

Rum. 10:4

Kame aya Kristu enentáimtamuja̱i̱ nekas péṉker ajastin asamtai akupkámu umirkatniuja̱i̱ péṉker ajastinkia ántraiti.

Rum. 12:9

Nekas enentáiji̱a̱i̱ mái̱ anenai ajatarum. Yajauch nakitrarum péṉkera nu túratarum.

Rum. 14:15

Tuma asamtai shuar chichartamuk “Nu yúakminkia Yusja̱i̱ péṉkerchaiti” tai̱, ame yúakminkia nu shuar itiurchat enentáimsashtatuak. Tura nisha tunaanum iniaar meṉkakamniaiti. Nu shuar aneakum túratsme. Enentáimprata. Aya ame yúamna núja̱i̱ṉ ame yátsum Kristu jarukmia nu emeṉkákaip.

Rum. 9:1

Yamái tájana nu Kristu shuari̱ asan imiá nekasan wáitrutsuk tajai. Winia enentái̱rsha tura Yusa Wakaní̱sha “nekas tawai” turutainiawai.

1 Kur. 13:1

Ju̱ nuṉkanmaya̱ aentsu chichame̱n untsurí chichayatnak tura nayaimpinmaya̱ aentsu chichame̱ncha chichayatnak aneṉkratchaknaka jírua áintsanak tin tin ajajai nuíchuka chíkich jírua núnisan pum-pum ajajai. Peṉké ántranak chichaajai.

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Muis. 10:12

Wats yamaikia Israer shuartiram, atumí Uunt Yusri̱ ¿warinia seatmarum? Jú̱chakait. Nekas ashamakrum Ni wakera nuja̱i̱ métek wekasatniun tura Uunt Yus átum nekas enentái̱ji̱a̱i̱ tura atumí wakaní̱ji̱a̱i̱sha aneakrum umirkatniun

1 Tim. 1:18

Uchiru, Timiutéu, yáunchuya̱ Yus shuar ámin “Ju̱ shuar péṉkeran túrattawai” turamarmia nútiksam yamaikia kakaram ajasta. Ni timia enentáimsam suntara áintsam Yusna kakaram takastin asumprurta. Nuna tájame.

1 Tim. 1:19

Tura Yus tuke nekas enentáimtusam tura úmamkesam íimiasam tuke péṉker enentáiji̱a̱i̱ wekasata. Chíkich shuar péṉker enentáimtai̱nmaya̱ kanakiar Yusan enentáimtustinian nakitrar emesmampraru áiniawai.

1 Tim. 3:9

Yúsnan tí peṉker nekaatniuiti. Tura esetar enentáimsatniuiti.

2 Tim. 1:3

Tsawai̱sha káshisha Yusan áujeakun ámin tuke enentáimtusan ti shiir Yusan yúmiṉkiajai. Winia we̱a̱tur túrawarmia nútiksanak Yusan enentáimtakun ti shiir awajeajai.

2 Tim. 1:5

Yus nekas shiir enentáimtiniaitmena nuna nékajai. Nukuchrum Ruítiasha tura ame nuku Eunisiasha emka Yusan nekas enentáimtin ármiayi. Amesha núnisketme.

2 Tim. 2:22

Natsá wakerutai̱nmaya̱ pisaram esetram péṉker wekasata. Amesha ashí shuar shiir enentáiji̱a̱i̱ Yusan áujena nuja̱i̱ Yus nekas enentáimtakum aneniakum ti shiir pujusta.

Tit. 1:15

Enentáimprata. Yus shuarka ni enentái̱ chamir ajasu ana nuka ashí ni wainnia nuna péṉkernak enentáimtawai. Tura chíkich shuar Yusan umirkachu asa ni enentái̱ wapik asa péṉker ana nuna enentáimtustinian tujintiawai. Achapai enentáimiuk péṉkercha ana nuna “péṉkeraiti” tawai.

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.

Isr. 13:18

Iincha Yus áujsatarum. Iisha ashí péṉker túratin wakeraji. Túraji enentáimji.

Isr. 9:14

Antsu Kristu peṉké tunaarinchaitiat tuke jáchatai Wakaní̱ kakarmari̱ji̱a̱i̱ jákatniunam Yusai̱ surumakmiayi. Tuma asamtai Kristu numpé̱ ii yajauchiri̱n peṉké asakáru asamtai yamaikia ii tunaarí̱ jákatniunam júana nuja̱i̱ itit enentáimtumatsuk nekas iwiaaku Yus ¿shiir umirkachminkiaitiajⁱ?

San. 4:8

Yusai̱ni̱ weamkata tura Ni atumín wearmáktatrume. Tunáa shuartiram Kristu numpe̱ja̱i̱ nijiamartarum. Tura átum, Yussha tura ju̱ nuṉkanmaya̱sha mái̱ metek wakerarmena nu, atumí enentái̱ naka eseeratarum.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

1 Pit. 3:16

“Yusja̱i̱ péṉker wekasataj” tu enentáimsarum wekasatarum. Yus shuar asakrumin chíkich shuar ántrar áujmatramainia nu ni ántar áujmatramsamun nekaawar natsa̱a̱rarat tusarum Yusja̱i̱ péṉker wekasatarum.

1 Pit. 3:21

Nu yumi Yus shuarti imiantinian nakumui. Ii aya̱shi̱ chamir awajsatai tusar imiantsuji. Antsu ii enentái̱ péṉker atí tusar Yus sear imianji. Nuja̱i̱ iisha uwemji. Jesukrístu nantakin asamtai nuja̱i̱ uwempraitji.

1 Pit. 4:8

Aneniamuja̱i̱ untsurí tunaasha tsaṉkuratin awai. Tuma asamtai ashí naṉkaamas nuamtak anenaistarum.

2 Pit. 1:7

Tura nuyá̱ ashí shuar shiir enentáimtustiniaitrume. Tura nu naṉkaamas ashí shuar aneatniuitrume.

1 Jṉ. 3:10

Shuar péṉker túratsna nuka tura Yus shuaran kajera nuka Yus shuarchaiti. Nuja̱i̱ Yusa uchirí̱ ainia nusha tura iwianchi uchirí̱ ainia nusha paant nekaamniaiti.

1 Jṉ. 3:23

Ju̱i̱ti Yus akupkámu, ni Uchirí̱ Jesukrístu nekas enentáimtustin tura Kristu timia áintsarik shuartisha mái̱ anenai ajartin.

1 Jṉ. 3:3

Tura shuar shiir enentáiji̱a̱i̱ nuna nákakka imia niṉki shiir awajmamui Jesukrístuja̱i̱ métek shiir atajai tusa.